Спорт
(Видео) Шкупи го победи Вардар, Тиквеш и АП Брера ја предводат табелата

Попладнево се одиграа пет натпревар од второто коло во Првата македонска фудбалска лига. Колото го обележа спектакуларниот гол на фудбалерот на АП Брера Струмица, Ване Крстев. Интересно и во втората рунда ниту еден натпревар не заврши без победник.
Дербиот на колото се одигра во населбата Маџари, на стадионот „Борис Трајковски“. Вардар го пречека Шкупи. Натпреварот го реши Нитињо во 79.минута. Вардар го забележа вториот пораз, а Шкупи првата победа во новата сезона, откако на стартот доживеа пораз на иститот стадион од Работнички.
АП Брера Струмица, ја запиша втората победа во сезоната. Струмичани го победија новиот прволигаш Воска спорт. Крстевски во 15.минута, со спектакуларен гол донесе предност за АП Брера Струмица. Победата на екипата од Струмица ја потврди дефанзивецот Руфати во 85.минута.
Силекс славеше во дуелот со Работнички, благодарение на двете очајни реакции на дефанзивците на гостите. Каланоски во раната фаза на натпреварот, во шестата минута го постигна првиот гол. Предноста на Силекс ја зголеми Ристоски 16 минути подоцна.
Тиквеш има две победи на стартот на сезоната. Тиквеш како гостин убедливо го победи Гостивар. Словенецот Куреж во 38.минута погоди за Тиквеш. Во вториот гостинските фудбалери постигнаа уште два гола, Ибиши беше стрелец во 51., а Ивановски во 64.минута.
Резултати, 2.коло:
Вардар-Шкупи 0:1
Силекс-Работнички 2:0
АП Брера-Воска спорт 2:0
Македонија ЃП-Брегалница 1:0
Гостивар-Тиквеш 0:3
Натпреварот помеѓу Шкендија и Шкупи е одложен за 30.август.
Табела:
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Земјотрес во тенисот – Ѓоковиќ и колегите поднесоа тужба

Здружението на тенисери (PTPA), основано од Новак Ѓоковиќ, покрена правна постапка против управните тениски тела.
Документите беа поднесени во Окружниот суд на САД во Њујорк.
Во тужбата на 163 страници, меѓу другото, се вели дека „професионалните тенисери се заробени во наместена игра“ што им дава „ограничена контрола врз нивните сопствени кариери и брендови“.
Се критикува распоредот, системот на рангирање и контролата што постои кога е во прашање имиџот на играчите.
Жалбата беше поднесена од PTPA и 12 играчи, меѓу кои и Ѓоковиќ, неговиот ко-основачки партнер Васек Поспишил и Ник Кирjос – „во име на целата играчка популација“.
Со тужбата се бара крај на „монополската контрола“ на тениската турнеја, како и финансиска компензација од АТП, ВТА, ИТФ и ИТИА.
PTPA верува дека раководните тела функционираат како картел со тоа што склучуваат договори со турнири кои ги ограничуваат наградните фондови и ги спречуваат потенцијалните конкуренти да влезат на пазарот.
Тие сметаат дека распоредот е неодржлив, трае 11 месеци во годината, попатно барајќи од играчите да играат на преголема топлина или во раните утрински часови.
Поради ова, играчите страдаат од сериозни повреди на зглобот, лактот и рамото бидејќи топките се менуваат во текот на сезоната.
ITIA е обвинета за нарушување на приватноста поради пребарување на телефоните на играчите поради сомневање за корупција и допинг.
АТП годинава организира 60 настани во 29 земји. АТП тврди дека поделила 241,6 милиони долари на играчите во 2023 година.
ВТА оваа сезона нуди 51 турнир во 26 земји. Се истакнува дека во 2024 година на тенисерите им исплатила 221 милион долари.
Играчите често се жалеа дека не добиваат доволно висок процент од приходите што ги генерира спортот, поради што PTPA е создаден во 2020 година.
Спорт
Крај на сезоната за Митев

Фото/ facebook.com/rfmofficial
Средниот бек на Алкалоид и македонската репрезентација, Марко Митев, ја заврши сезоната.
Митев, се повреди во неделата, на натпреварот Словенија-Македонија во квалификациите за пласман на Европското првенство.
Средниот бек се повреди на почетокот на 19.минута. Во тој момент беше јасно дека повредата не е наивна.
Прегледите покажале дека ги повредил лигамнетите во коленото, поради што за него оваа сезона е завршена.
Не е познато колкава пауза го очекува Митев.
Прашање е што ќе се счучи и со неговиот евентуален трансфер. По Мундијалот, во јануари, интерес за Митев покажаа неколку германски екипи, кои биле подготвени и да платат обесштетување за да го откупат неговиот договор од Алкалоид.
Спорт
Димитријевиќ ќе го напушти Милано

Македонскиот репрезентативец Ненад Димитријевиќ ќе го напушти Милано по завршувањето на сезоната. Димитирјевиќ, минатото лето како големо засилување пристигна во Олимпија.
Димитријевиќ, минатата сезона, блескаше во дресот на УНИКС Казан, беше прогласен за МВП на руската лига.
За неговиот потпис се бореа неколку клубови од Евролигата, тој реши да потпише за тимот на тренерот Еторе Месина.
Нема баш најдобра сезона во Евролигата има просек од 7,9 поени, додека во првенството одигра 13 натпревари со просек од 8,5 поени.
Новинарот Андреа Калцони тврди дека Димитријевиќ би можел да го напушти Милано, бидејќи клубот сака да го ангажира кошаркарот на Тренто, Квин Елис.