Спорт
Шкупи го засили нападот со младинскиот репрезентативец Луан Абази
![](https://makfax.com.mk/wp-content/uploads/2023/08/luan-abazi-skupi.jpg)
Македонскиот прволигаш Шкупи го засили нападот со младинскиот репрезентативец Луан Абази. Тој треба да ја засили конкуренцијата во навалната линија на Шкупи по заминувањето на Реналдо Цефас во турскиот клуб Анкарагучу.
„Гледајќи ја сериозноста на раководството, задоволен сум од моето доаѓање во Шкупи. За време на мојот престој во селекцијата на Македонија до 21 година, некои од колегите кои се дел од ФК Шкупи ми кажаа за плановите и амбициите на клубот. Затоа се надевам дека ќе му помогнам клубот на крајот од сезоната да биде шампион и да стигне што подалеку во европските купови“, изјави Абази за официјалниот сајт на клубот.
Луан Абази има двојно државјанство, швајцарско и македонско. Абази дебитираше за швајцарската репрезентација до 17 години, а потоа настапуваше за селекциите на Македонија до 18, 19 и до 21 година.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Спорт
Ѓоковиќ за „Макфакс“ со совет до младите спортисти како да ги пребродат повредите: Верувам дека Калин бргу ќе се врати на терените
![](https://makfax.com.mk/wp-content/uploads/2024/07/gokovic-kalin.jpg)
Новак Ѓоковиќ често изјавува дека со внимание ги следи младите тенисери од нашиот регион и дека секогаш е подготвен да им помогне со тоа што ќе го пренесе своето огромно и драгоцено искуство.
Така, минатата есен, на своите подготовки во Дубаи ги повика најдобриот македонски тенисер Калин Ивановски и најголемата српска тениска надеж Хамад Меџедовиќ заедно да тренираат.
За жал, нашиот Калин поради повреда, повеќе од шест месеци е надвор од тениските терени, а неодамна во Германија го оперираше и колкот. Секако дека еден од најтешките периоди за секој спортист е кога мора да направи долга пауза, поради повреда. И, веројатно, повредата многу побргу заздравува, отколку менталната криза што остава последици за успешно да се врати формата од пред повредата.
Токму за тоа го прашавме Новак, каков совет би им дал на младите спортисти за полесно да ја пребродат менталната криза, кога поради повреда мораат да бидат одалечени од спортските терени и тренинзи.
„Многу ми е жал за тоа што му се случи на Калин бидејќи тој е одлично момче и кариерата му одеше во нагорна линија. Повредата му е мала пречка на тој пат кој го одеше и само така треба да гледа на неа, како на еден предизвик, кој треба да го реши и преброди. Потоа, тоа ќе му остане како едно ново искуство, на кое треба да му пристапува од перспектива дека тоа ќе го направи уште посилен. Јас не знам колку неговата операција била тешка, но штом се оперирал сигурно била сериозна. Но, тој е млад, а младото тело е и здраво тело, така што сум сигурен дека тој тоа ќе го преброди и ќе се врати на тенисот.
На заедничките подготовки во Дубаи, ние за тоа разговаравме, тој многу работи ме прашуваше, и сега не би му ги повторувал, бидејќи тој знае дека своите обврски и тренинзите не ги гледа како такви, туку како свој животен стил, како животен избор. Тоа е многу важно ако тој, и било кој друг млад тенисер или спортист, сака да стигне до највисокиот врв. А, Калин е тенисер кој има одличен сервис, има одлична игра, висок е и има голема желба. Јас видов колку го сака тенисот и колку сака да напредува.
Многу работи мораат да се поклопат, но неговиот став мора да биде дека тој е решен дека сè во својот живот ќе го подреди на тоа да биде што е можно поздрав и физички и емотивно и ментално и да направи сè за да својот ум и своето тело ги доведе до оптимално ниво за да може тој да настапува на најдобар можен начин. Бидејќи, ако ти не се грижиш за своето тело, не можеш да очекуваш дека ќе успееш. Ова е иднивидуален спорт и сè зависи од тебе. Ти имаш тим на луѓе околу тебе, кои можат да те потсетуваат, но ти си тој кој решава. Тоа беше случај со нашиот Хамад. Тој ја немаше таа дисциплина, тој исправен став за секојдневните обврски надвор од тенискиот терен, кои се подеднакво важни како и овие на теренот. Но, тој тоа го смени и затоа сега е блиску до првите сто на светот. И има потенцијал да оди многу далеку.
Потребна е работа и време. Кога си навикнал да работиш некои работи кои се поинакви од другите луѓе, можеби не се исправни, но рутината ти создава навика и ако е лоша навиката, пак има време сè тоа да се репрограмира во главата.
Му посакувам многу среќа на Калин, секако и на Хамид, и се надевам дека во иднина ќе имаме уште шампиони од нашиот регион“ – изјави Новак за „Макфакс“.
Од специјалниот известувач од Вимблдон
Ненад Живановски
Спорт
„Мистијано Пеналдо“, напиша Би-би-си откога Роналдо промаши пенал
![](https://makfax.com.mk/wp-content/uploads/2024/07/mistiano.jpg)
Кристијано Роналдо, фудбалерот на Португалија, не го понесе епитетот трагичар по промашениот пенал против Словенија откако неговата репрезентација успеа да се пласира понатаму по подоброто изведување на пеналите.
На крајот од второто продолжение Роналдо имаше шанса да ја доведе Португалија до победа, но Јан Облак му го прочита ударот и го одбрани, па играта беше решена по дополнителните удари од белата точка.
Таму блесна колегата на Облак од другата страна, Диого Коста, кој одбрани три пенали.
Сепак, по мечот, еднакво внимание привлече потегот на британскиот Би-би-си.
На оваа телевизија промашувањето на Роналдо беше придружено со графичкиот потпис „Мистијано Пеналдо“ алудирајќи на неговиот неуспешен обид.
А нивниот потег го нападнаа навивачите, кои или застанаа во одбрана на Роналдо или укажуваа на срамното однесување на Би-би-си.
Спорт
Роналдо се расплака: „Не сум промашил пенал цела година, но…“
![](https://makfax.com.mk/wp-content/uploads/2024/07/ronaldo-vo-solzi.jpg)
Португалија со подобро изведување пенали ја победи Словенија со 3:0 и се пласираше во четвртфиналето на ЕП каде ќе игра против Франција.
Немаше голови во 120 минути игра. Португалија беше најблиску до гол во 105. минута кога Кристијано Роналдо шутираше пенал, но словенечкиот голман Јан Облак одлично одбрани. Роналдо се расплака, а камерата ја сними во солзи и неговата мајка од трибините.
Роналдо потоа постигна гол за време на пеналите.
„Тага на почетокот, радост на крајот. Тоа е фудбалот, моменти кои се неописливи. Имав директна можност да го доведам тимот во водство, но не успеав. Јан направи одлична одбрана. Цела година не промашив пенал, но кога беше најважно не успеав. Мислам дека заслуживме да победиме бидејќи игравме со поголем авторитет. Словенија се бранеше речиси цел натпревар. Посебни честитки до нашиот голман кој одбрани три пенали“, изјави Роналдо по натпреварот.