Спорт
Шмајхел е пред трансфер во Селтик
![](https://makfax.com.mk/wp-content/uploads/2024/07/1704096001501_51f05233-6f73-4524-8afd-f11c8a4a13c2.jpg)
Искусниот дански голман Каспер Шмајхел би можел да ја продолжи кариерата во Селтик.
Според данскиот „Типсбладет“, Шмајхел во текот на денот треба да се појави во Италија на лекарски прегледи.
Ако се биде во ред, тој би можел да им се приклучи на новите соиграчи на турнејата во САД.
Инаку, Шмајхел моментално е слободен играч по заминувањето од Андерлехт.
Доколку потпише договор со Селтик, повторно ќе соработува со Брендан Роџерс, кој претходно го водеше во тимот на Лестер, Шмајхел бранеше за Данска во неодамна завршеното првенство, избраниците на тренерот Каспер Хјулманд беа елиминирани во осминафиналето.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Спорт
Кепа замина на заем – Челси сега во ростерот има само пет голмани
![](https://makfax.com.mk/wp-content/uploads/2024/08/d6e354a2-c150-43ae-a335-7e1cd7097922.jpg)
Кепа Аризабалага (29) е новиот голман на англискиот клуб Борнмут. Тој заминува на едногодишна позајмица од Челзи, со кој претходно го продолжи договорот до летото 2026 година, објави Фабрицио Романо.
Кепа минатата сезона беше на позајмица и во Реал Мадрид, каде беше доведен на местото на Белгиецот Тибо Куртоа, кој тешко се повреди на подготовките пред стартот на сезоната.
Меѓутоа, во ноември минатата година, Кепа заработи повреда на адукторот, испадна од тимот, а кога ја залечи повредата не можеше да дојде до првиот тим бидеќи во извонредна форма бранеше Андриј Лунин. Реал имаше опција но не сакаше да го откупи дфоговорот на Кепа.
Кепа пристигна во Челзи летото во 2018 година од Атлетик Билбао во трансфер вреден 80 милиони евра, што се уште е светски рекорд за платено обештетување за голман.
Со заминувањето на Кепа од клубот на позајмица, Челзи сега има „само“ пет голмани. Тоа се Санчез (26), Филип Јоргенсен (22), Ѓорѓе Петровиќ (24), Маркус Бетинели (32) и Лукас Бергстром (21).
Спорт
Мик Шумахер се враќа во Формула 1?
![](https://makfax.com.mk/wp-content/uploads/2024/08/mick-schumacher.jpg)
Мик Шумахер, син на легендата на Формула 1, Михаел Шумахер, би можел да се врати на гридот. Шумахер во последните 18 месеци е резервен возач во тимот на Мерцедес.
Мик Шумахер (25) возеше за тимот на Хаас во 2021 и 2022 година. Не помина добро. Во првата сезона за Хаас беше 19-ти во поредокот кај возачите, а во втората заврши на 16-та позиција. По тие две сезони, Хас го отпушти и го нагажира Нико Хулкенберг.
Сега, Мик Шумахер би можел да се пристигне во Вилијамс. Не е исклучено тој да вози за овој тим в недела во Монца на Големата награда на Италија.
Се шпекулира дека Вилијамс ќе му врачи отказ на Американецот Логан Сарџент. Во Вилијамс веќе немаат трпени за Американецот, кој во саботата на тренингот целосно го уништи болидот.
„Доколку јас се прашувам би го ангажирал Мик. Се разбира, никој нема да ме послуша бидејќи ми е пријател, но сепак е најдоброто решение. Мик има двегодишно искуство како Формула 1 возач, има увид и во техничките карактеристики на моторот на Мерцедес.
Тој многу созреа како личност по заминувањето од Хас. Ги знае патеките и тоа е голема предност. Се надевам дека ќе покаже се што знам дека е способен“, изјави Себастијан Фетел во интервју за Билд.
Спорт
И Коман се сели во Саудиска Арабија?
![](https://makfax.com.mk/wp-content/uploads/2024/08/97538228-119607.jpg)
Францускиот ас Кингсли Коман до крајот на преодниот рок ќе го напушти Баерн Минхен. Крилниот напаѓач се поврзува со клубови од Премиер лигата, наводно бил и на радарот на Барселона, но француските медиуми тврдат дека тој кариерата ќе ја продолжи во Саудиска Арабија.
Според овие извори, Баерн е подготвен да го продаде 28-годишниот напаѓач во Ал Хилал.
Французинот минатата сезона одигра 17 натпревари во Бундеслигата и постигна три гола.
Тој наводно сака да остане во Баварија, каде што е веќе девет години, но профитабилната понуда на Ал Хилал може да го предомисли поранешниот француски репрезентативец.
Дресот на Ал Хилал го носат Нејмар, Сергеј Милинковиќ-Савиќ, Александар Митровиќ.