Спорт
Шок исповед на Иниеста: Се „клукав“ со апчиња, девојка ми ме спаси!
Легендарниот шпански фудбалер, Андрес Иниеста кој со Барселона и Фуријата освои се што можеше да посака раскажа за хорор-период од животот низ кој поминал. Со тоа го најави документарецот „Иниеста – неочекуван херој“.
Фудбалерот раскажа за 2009-тата кога се борел со депресија. Една од причините била загубата на неговиот пријател, 26-годишниот дефанзивец на Еспањол, Дани Харке кој почина од инфаркт.
„Дојдов до состојба на кома и само чекав денот да заврши, да можам да легнам и да спијам. Толку ми беше лошо, ми требаше одмор. Во кариерата ми беше тешко, оние кои ме знаат се свесни низ што се поминав, но никогаш не помислив да престанам со тренинзите“ – рече Иниеста за британски „Сан“.
Тоа што посебно било лошо за него било тоа што „се клукал“ со лекови.
„Не можев да се смирам ниту кога ќе паднеше ноќта, па морав да пијам таблети. Мојата сопруга, која тогаш ми беше девојка никогаш не ме остави. Поминуваше ноќи во куќата на моите родители. Луѓето кои ве опкружуваат се важни, тие ви ја носат смислата на животот“ – вели Иниеста.
Тој смета дека со ова негово признание може да им помогне на многумина.
„Луѓето кои ги слушнаа моите проблеми велат дека се чувствуваат подобро откако го раскажав тоа. Ако успеам да и помогнам барем на една личност, се ќе има смисла“ – вели фудбалерот кој моментно е играч на јапонски Висел Кобе.
Иниеста цели 16 сезони беше дел од Барселона, освои 4 трофеи во ЛШ, а деветпати со клубот беше шампион на Шпанија.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Аталанта избори место во ЛШ
Аталанта следната сезона ќе игра во Лигата на шампионите. Тимот од Бергамо на тој начин им се приклучи на Интер, Милан, Јувентус и Болоња со оглед дека Италија ќе има пет претставници во елитата.
Аталанта во претпоследното коло победи во Лече со 2:0.
Гостите пропуштија можности преку Пашалиќ во шестата, Скамака во 27. кога ја погоди гредата, Запакоста во 39. минута …
Сепак, во вториот дел, тимот од Бергамо постигна два гола, поведе преку Де Кетеларе во 48. минута, а само пет минути подоцна Скамака го постави конечниот резултат.
На две кола пред крајот Аталанта има шест бода повеќе од шестопласираната Рома, но и подобар меѓусебен скор, па теоретски си го обезбедија пласманот во Лигата на шампионите, додека Лече е во сигурната зона.
Спорт
Шампионот загуби од Шкупи, Шкендија избори квалификации во КЛ, Вардар ќе игра бараж за опстанок
Фото/ fcstruga.com
Спуштена е завесата на сезоната 2023/2024 во Првата македонска фудбалска лига. Струга ја одбрани титулата, а второто место го освои Шкендија.
Струга во претходното коло, со победата над Шкендија ја одбрани титулата, па за овој тим дуелот со Шкупи на домашен терен немаше никаква важност. Шкупи победи во Струга со 2:1.
Головите за Шкупи ги постигнаа Рамани во деветата и Аворњо во 51 минута. Голот за шампионот го постигна Шабани во 30. минута. изедначи на 1-1.
Шкендија во Скопје го победи Работнички со 2:0. Стрелци беа Красниќи во 34. минута и Аганспахиќ во 72. минута. Со овој триумф Шкендија се избори за место во квалификациите за Конференциската лига.
Од лигата испаднаа Брегалница и Македонија ЃП, а бараж за опстанок ќе игра Вардар.
Резултати, 33. коло:
Струга Трим Лум – Шкупи 1-2
Работнички – Шкендија 0-2
Вардар – Тиквеш 2-2
АП Брера – Македонија ЃП 5-3
Брегалница – Силекс 1-1
Воска спорт – Гостивар 1-1
Табела:
Спорт
(Видео) Марко Ројс со гол се прости од „Вестфален“
Легендата на Борусија Дортмунд, Марко Ројс постигна гол на својот последен натпревар за „милионерите“ во Бундеслигата.
Тимот од „Вестфален“, го пречека тимот од Дармштад кој одамна испадна од Бундес лигата и славеше со 4:0.
Ројс не можеше да има подобро збогување од навивачите. го постигна вториот гол во 18.минута.
Марко Ројс својот последен меч за Борусија Дортмунд ќе го одигра на „Вембли“, кога „милионерите“ во финалето на Лигата на шампионите ќе се сретнат со Реал Мадрид.
MARCO REUS https://t.co/v1V07JgTsH pic.twitter.com/tuK5kmytzp
— MUFTI MESSI🇰🇲 (@FahadPulga) May 18, 2024