Португалскиот репрезентативец, Жоао Кансело, го напушти Ал Хилал. До крајот на сезоната како позајмен играч ќе го носи дресот на Барселона. Ова значи дека Португалецот се врати на „Ноу Камп“, каде што ја мина сезоната 2023/24, тогаш како позајмен фудбалер од Манчестер сити.

Барселона, успеа да ја добие битката со Интер за потписот на Кансело. Првиот човек на Барселона, Џоан Лапорта, повторно успеа да ги заобиколи прописите од финансискиот ферплеј, ќе го плаќа Кансело од платата на повредениот Андреас Кристенсен.

„Мундо Депортиво“, „Спорт“ и други каталонски и шпански медиуми наведуваат дека Барселона пронашла начин да најде средства во рамките на своите скромни можности под строг надзор на Ла Лига, УЕФА и ФИФА, што би ја оправдало инвестицијата во Кансело во однос на одржливиот бизнис.

Со оглед на тоа што Кристенсен е сериозно повреден и најверојатно нема да игра до крајот на сезоната, Лапорта дошол до идеја буквално да „скине“ 80 проценти од неговиот загарантиран приход за сезоната 2025/26 и да го пренасочи кон договор со Ал Хилал во врска со позајмицата на Кансело, а потоа во иднина да смисли како да му го плати на Данецот она што тој треба да го заработи.

Можеби звучи наивно, но ова е невидена ситуација во професионалниот фудбал, барем во делот што го нарекуваме „петте најдобри лиги“.

Португалецот играше во Саудиска Арабија за годишна плата од околу 15,3 милиони евра, но Барселона ќе му плати само една третина од таа сума. Иако изгледа изводливо, со оглед на тоа што должи над една и пол милијарда евра, Барса не би можела да го оправда овој трошок во текот на натпреварувачката сезона.

Кансело ќе биде позајмен до крајот на сезоната, Барселона ќе плаќа околу една третина од неговите приходи во Ал Хилал (каков е интересот на Саудијците, тоа е посебна приказна), а Кристенсен очигледно ќе го добие својот дел подоцна кога ќе се отвори простор во најотворениот буџет во европскиот фудбал.

Foto/ depositphotos

Манчестер Јунајтед го отпушти Рубен Аморим по само 14 месеци, а неговиот неуспешен престој во редовите на повеќекратните европски шампиони го чинеше клубот речиси 32 милиони евра.

Португалецот беше повикан во тренинг-центарот во Карингтон во понеделникот, каде што извршниот директор Омар Берада и спортскиот директор Џејсон Вилкокс му врачија отказ по несогласувањата со клупските челниви, пред сите со Вилкокс.

Само отпремнината на Аморим е 10 милиони евра, со што вкупната цена на неговиот престој на „Олд Трафорд“ се искачи на неверојатни 32 милиони евра.

Јунајтед му плати 9,5 милиони евра на Спортинг Лисабон во октомври 2024 година за да го донесе Аморим во своете редови.

Неговата годишна плата беше 7,5 милиони евра, па отпремнината за остатокот од неговиот договор, кој важи до јуни 2027 година, е нешто над 11,5 милиони евра.

Клубот ќе мора да плати и за петчлениот тренерски персонал што пристигна со него од Португалија.

Foto/ depositphotos

Победата на Денвер, по продолженијата, во Филаделфија и дебаклот на Оклахома, на домашен терен од Шарлот ја обележаа изминатата ноќ во НБА лигата.

Денвер, со резервниот тим направи чудо во Филаделфија. Успеа да слави со 125:124, откако во регуларниот дел мечот заврши 120:120.

Денвер на овој меч настапи без седум кошаркари. Покрај најдобриот Никола Јокиќ, тренерот Аделман не можеше да смета и на Џамал Мареј, Кем Џонсон, Кристијан Браун, Арон Гордон, Јонас Валанчунас и Тим Хардавеј Џуниор.

И со Б тимот, Денвер можеше да дојде до победата во регуларниот тек од натпреварот. Тајрис Макси избори продолженија. Во дополнителното време драматични беа последните 15 секунди.

Најпрвин Џонс му залепи банана на Џоел Ембид, а Брус Браун во контра одеше на полужување, Ембид успеа да блокира, но судиите донесоа одлука дека топката имала слегувачка патека.

Џејлен Пикет ги предводеше Нагетс со 29 поени, Пејтон Вотсон постигна 24 поени, Зак Наџи 21, а Брус Браун го заврши натпреварот со 19 поени. На другата страна Ембид уфрли 32, а Макси 28 поени.

Оклахома доживеа тежок пораз од Шарлот 97:124. Актуелните шампиони, во последните 12 натпревари имаат полош скор од најлошиот тим во лигата, Вашингтон.

Брендон Милер повторно беше херој со 28 поени, додека Кон Кнупел имаше 23 и по пет скока и асистенции, а Мајлс Бриџис имаше дабл-дабл од 17 поени и 11 скока.

Во редовите на Тандер, актуелниот МВП Шеј Гилџес-Александе уфрли 21 кош, го следеше Џејлен Вилијамс со 16.

Резултати:

Детроит – Њујорк 121:90
/Канингем 29 – Брансон 25/

Бостон – Чикаго 115:101
/Симонс 27 – Бузелис 26/

Торонто – Атланта 118:100
/Барнс 18 – Оконгву 17/

Хјустон – Феникс 100:97
/Дурант 26 – Букер 27/

Портланд – Јута 137:117
/Авдија 33 – Марканен 22/

ЛА Клиперс – Голден Стејт 103:102
/Ленард 24 – Кари 27/