Спорт
Шортс не успеа да спречи пораз на Париз од Црвена звезда

Ти-Џеј Шортс и екипата на Париз со пораз дебитираа во Евролигата. Актуелниот освојувач на Еврокупот загуби на домашен терен од Црвена звезда со 77:80.
Париз ја имаше контролата врз натпреварот две и пол четвртини, во еден момент предноста на домашните изнесуваше 13 поени, но и тоа не им беше доволно да забележат победа.
Шортс натпреварот го заврши со 16 поени, три скока и четири асистенции. Покрај Американецот со македонски пасош, двоцифрени во редовите на Париз беа Хифи и Ло со по 12, односно Хејс со 10 поени.
Кај Црвена звезда блескаше Немања Недовиќ со 21 поен за нешто повече од 21 минута, Кенан постигна 14 поени, Калиниќ и Мекинтаер по девет, првиот имаше и пет скока и три асистенции, вториот шест скока и седум асистенции.
Kalinaaaaaa 🔥🔥🔥#kkcz #WeAreTheTeam
— KK Crvena zvezda Meridianbet (@kkcrvenazvezda) October 4, 2024
Во вториот натпревар кој започна во 21 часот, Анадолу Ефес во Болоња го победи Виртус со 76:67. Во натпревар полн со пресврти гостите ги предводеа Отуру со 14 поени и девет скока, Брајант со 12 поени и пет скока, односно Ларкин со 11 поени, шест скока и три асистенции.
Кај Виртус се истакна Кординие со 16 поени. Поранешниот играч на Ефес, Клајбурн за 18 минути не постигна ниту еден поен, во статистиката запиша пет скока и една асистенција.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Фудбалските академии на Динамо, Црвена звезда и Партизан меѓу најдобрите во светот

Фудбалската опсерваторија (CIES) од Швајцарија се етаблираше во последните години како релевантна институција за бројни анализи на трендовите во светскиот фудбал. Редовно објавува нови интересни податоци.
Денешната анализа се однесува на квалитетот на фудбалските академи низ целиот свет.
За разлика од некои претходни анализи, беа земени предвид различни фактори: колку играчи од фудбалската школа, денес играат во 49-те најдобри лиги на планетата, потоа колку минути минуваат на теренот, а секоја лига има индекс, не сите се третирани подеднакво. На крајот се добива просечен резултат, според кој се рангираат клубовите.
На листата на Швајцарскиот фудбалски инситут високо се рангирани академиите на великаните од просторите на поранешна Југославија: Динамо, Црвена звезда и Партизан. Најторфејниот хрватски клуб е на седмото, а школите на белградските клубови се рангирани на 11-то и 20-то место.
Бенфика е на првото место, по неа следуваат Барселона, Ривер Плата, Ајакс, Бока Јуниорс, Спортинг, Динамо Загреб, Дефенсор (Уругвај), Реал Мадрид и Велез Сарсфилд се меѓу првите десет.
Помеѓу Црвена звезда и Партизан се Сао Паоло, Динамо Киев, Коринтијанс, Фламенго, Сан Лоренцо, Национал, Палмеирас и Пари Сен Жермен.
Спорт
Спогодбено се разделија Олимпија Милано и Влатко Чанчар

Армани Милано потврди дека спгодбено го раскинал договорот со Влатко Чанчар. Овој 28-годишен кошаркар, кој пристигна во Милано во текот на летото, играше во два натпревари од Евролигата оваа сезона, во првите две кола. Ги пропушти последните три кола поради повреда на коленото.
„Олимпија Милано и Влатко Чанчар спогодбено се разделија“, се наведува во соопштението за медиумите на клубот.
„Олимпија сака да му се заблагодари на Чанчар за неговото примерно однесување, професионализам и посветеност во текот на овие недели поминати заедно, со желба што поскоро да се врати на теренот целосно закрепнат.“
Чанчар се врати во европската кошарка ова лето по половина деценија во редовите на Денвер Нагетс, каде на крајот од минатата година доживеа повреда на коленото поради која беше потребна операција.
Словенечкиот репрезентативец ги пропушти натпреварите против Тортона, Монако, Варезе и Баерн. Во меѓувреме, раскинувањето на договорот беше оценето како најдобра опција за двете страни.
По пет кола во Евролигата, Армани има две победи и три порази. Во следното коло, Армани ќе ја пречека Валенсија, тој дуел е закажан за четврток во 20:30 часот.
Спорт
Црвена звезда пред договор со Џаред Батлер

Американскиот кошаркар Џаред Батлер (25, 191) се откажа од трансфер во Олимпијакос или Партизан и се согласил да се пресели во Црвена Звезда, пишува „Јурохупс“.
Грчките медиуми наведоа дека Батлер се свртел кон Црвена Звезда, која бара бек по повредите на Изеа Кенан и Тајсон Картер, како и на Девонте Греам. Во исто време, кошаркарскиот портал „Јурохупс“, тврди дека Батлер веќе одлучил да се пресели во црвено-белиот дел од Белград.
Звезда сега има најголеми шанси да го добие потписот на поранешен кошаркар од бројни НБА клубови.
Партизан исто така беше во игра за неговиот потпис.
Олимпијакос потврди за „Спорт24“, дека е заинтересиран за Батлер, дека има преговори, но дека играчот бара одредени минути во играта, што клубот не може да му ги гарантира.
Друга пречка за договор меѓу двете страни е фактот што истиот агент ги застапува Тајлер Дорси и Џаред Батлер, па затоа не беше во негов интерес да стави двајца од неговите клиенти во ист тим за да се борат за место во тимот.
Да потсетиме дека Олимпијакос во надворешната линија, покрај Дорси, ги има и Фурние, Вокап, Еванс и Ниликина.
На Батлер му се потребни минути бидејќи сака да се врати во НБА, дефинитивно ќе ги добие во Звезда бидејќи црвено-белите очајно имаат потреба од играч со неговите карактеристики и пред сè играч на позицијата „два“.
Џаред Батлер игра на позицијата бек и важи за извонреден стрелец.
Минатата сезона ја започна во Вашингтон, но во февруари се пресели во Филаделфија, одигра 28 натпревари, 17 како стартер и имаше просек од 11,5 поени со 4,9 асистенции и 2,5 скока за 24,4 минути по натпревар. Потоа се пресели во Феникс, во предсезонски натпревар против Лос Анџелес Лејкерс, блескаше со учинок од 35 поени (пет тројки), пет скока и девет асистенции, но донекаде изненадувачки, сепак доби отказ.