Роберт Левандовски би сакал да се оствари трансферот во Реал Мадрид и ќе побара да си замине од Баерн Минхен, тврди шпанскиот спортски весник „АС“.

Полскиот ветеран е несомнено еден од најдобрите напаѓачи на планетата со 307 гола во само 339 настапи за Баерн во сите натнрепварувања од јули 2014 кога дојде како слободен играч од Борусија Дортмунд.

Сепак, тој има договор со Баерн до 2023 година, што значи дека клубовите надвор од Германија ќе можат да преговараат со него од јануари 2023 година, а Баерн ќе ризикува да го загуби на слободен трансфер. Затоа е возможно тие да се решат на трансфер следното лето, со кој Левандовски повторно би работел со својот поранешен тренер Карло Анчелоти.

33-годишниот Левандовски има 18 трофеи со Баерн во кариерата, вклучувајќи 7 трофеи од Бундеслигата, 4 од Германскиот куп и еден од Лигата на шампионите.

🌇 Good Morning!

🗞️ This is our #diarioAS front page for Saturday, October 16th

🇵🇱 Lewandowski prefers Madrid pic.twitter.com/7pg7PvG0ZU

— AS English (@English_AS) October 16, 2021

Кристијано Роналдо обожава скапи работи, така што не изненадува што последниот подарок за неговата партнерка Георгина Родригез е „ситница“ од 120.000 евра.

По хет-трикот против Луксембург, негов 10. во националниот дрес, тој ја орасположи Георгина со 1.38 метарски „Луј Витон“ шкаф за накит со огледало и осум фиоки вреден над 100.000 евра.

„Немам зборови, Кристијано“, напиша Георгина со фотографија од скапиот подарок.

Партнерката на Роналдо наскоро ќе биде ѕвезда на шоу на „Нетфликс“, во кој ќе се објаснува нејзиниот живот и деталите од животот со португалската ѕвезда.

Фаворитите Александер Зверев и Стефанос Циципас загубија во четврт-финалето на Мастерсот во Индијан Велс, додека во женското финале се пласираа Викторија Азаренка и Паула Бадоса.

Тејлор Фриц спаси две меч-топки за да го шокира светскиот рекет број 4, Александер Зверев за пласман во финалето. Зверев сервираше за мечот при 5:3 во вториот сет, но американскиот светски број 39 се врати за 4:6/6:3/7:6 победа.

Грузиецот Николоз Басилашвили го направи второто големо изненадување, совладувајќи го со 6:4/2:6/6:4, светскиот број 3, Гркот Стефанос Циципас.

На женскиот турнир, пак, двократната гренд слем шампионка Викторија Азаренка е фаворитка да стигне до својата трета титула од Индијан Велс, откако се пласираше во финалето по тешката 3:6/6:3/7:5 победа над Летонката Јелена Остапенко. За трофејот 32-годишната Белорусинка ќе се бори со Шпанката Паула Бадоса, која со 6:3/6:3 ја победи Онс Жабер, Тунижанката која од понеделник ќе стане првата арапска тенисерка во топ 10 на ВТА листата.