Фудбалерите на Интер со тешка мака славеа победа во дуелот со Венеција. Актуелните шампиони, со пресврт и гол во 90.минута славеа над аутсајдерот.

Венција во Милано допатува без осум играчи од стартната постава, сепак храбро му се спротивстави на фаворитот. Томас Анри во 19.минута го шокираше Интер.

Фудбалерите на Интер се мачеа во првиот дел, но сепак израмнија со голот на Барела во 40.минута.

Интер не блескаше ниту во второто полувреме, но една шанса им беше доволна за конечен триумф. Џеко во 90.минута го постигна голот за победа.

Интер со оваа победа ја врати предноста од пет бода во однос на Милан.



Исланд го декласира олимпискиот шампион Франција со 29:21 (17:10), во третот коло, во Групата 1 на Европското првенство во ракомет.

И покрај тоа што двете селекции имаат големи проблеми со коронавирусот, Исланд им одржа лекција на олимписките шампиони“. Французите имаа приклучок само во почетните 12 минути.

Останатиот дел од натпреварот мина во цеосна доминација на Исланѓаните.

Франција не можеше да ја пробија одбраната на Исланд, на чии гол блескаше 21-годишниот Халгримсон, кој имаше 15 одбрани. Нападот го предводеа десните бекови Магнусон со 10 и Кристијансон со 9 гола.

Кај Франција Турна и Деска постигнаа по пет гола.

На табелата, по некомплетното третото коло Данска, Франција и Исланд имаат по 4 бода, Холандија и Црна Гора по 2, а Хрватска е без освоен бод.

Фудбалерите на Вулверхемптон ја продолжија серијата успешни резултати. Четвртата победа на последните пет натпревари, Вулвс ја забележаа во лондон, против Брентфорд (2:1). Вулверхемптон со 34 бода се осми на табелата и до крајот на сезоната ќе се борат за места кои носат пласман во европските купови.

Брентфорд и Вулверхемптон одиграа натпревар кој траеше два и пол часа. Само првото полувреме траеше 71 минута. Најпрвин натпреварот беше во прекин откако Јенсен и Хенри имаа судар со главите. На крајот двајцата го напуштија теренот.

Веднаш потоа над стадионот се појави дрон, поради што судијата Бенкс го прекина натпреварот.

Головите паднаа во второто полувреме. Ветеранот Жоао Мутињо постигна гол во 48.минута, а во 78.минута му асистираше на сонародникот Рубен Невеш кој го постави конечниот резултат 2.1.

Голот за Брентфорд е дело на Ајван Тони во 71.минута.