Светислав Пешиќ би можел повторно да седне на клупата на Баерн Минхен.

Легендарниот српски тренер, до неодамна селектор на српската репрезентација, се споменува како прв кандидат да го води германскиот шампион до крајот на сезоната.

Баерн го отпушти Гордон Херберт по серијата лоши резултати, а грчките медиуми пишуваат дека доколку Баварците се одлучат за привремено решение, Пешиќ има најголеми шанси. Популарниот Кари го водеше Баерн во периодот од 2012 до 2016 година.

Познато е дека српскиот стручњак поголемиот дел од времето го поминува во Минхен и многу добро ја познава ситуацијата во и околу клубот. Генерален директор на Баерн е неговиот син Марко.

Доколку Баерн одлучи да бара долгорочен тренер, како еден од кандидатите се споменува Јоанис Сферопулос, поранешниот тренер на Црвена звезда.

Foto/ shutterstock

Александер Исак (26) постигна гол за Ливерпул против Тотенхем во 17-то коло од Премиер лигата кратко по влегувањето во игра. „Црвените“ го добија натпреварот со 2:1, но на долг период го загубија напаѓачот, кој ова лето стана најскапиот играч во историјата на клубот и Премиер лигата.

Ливерпул, во финишот на летниот преоден рок го купи Исак од Њукасл за 145 милиони евра. Шваѓанецот се уште не се прилагоди на играта на Ливерпул, постигна само три гола на 16 настапи за Ливерпул.

Исак доживеа сериозна повреда од противничкиот дефанзивец Мики ван де Вен, во моментот кога го постигна првиот гол на натпреварот. Во обид да го блокира ударот на Исак, тој доцнеше и наместо топката, ја собра левата нога на Исак.

Исак денес ќе биде подложен на магнетна резонанца, но според првите прогнози, повредата е многу сериозна и се сомнева на руптура на лигаментите.

„Ливерпул се плаши дека рекордното засилување Исак ја скрши ногата. Така, тој би можел да пропушти голем дел од сезоната, а тоа е огромен проблем за Ливерпул“, пишува „Атлетик“.

„Црвените“ не можат да сметаат на Мохамед Салах, кој речиси еден месец ќе биде на Африканскиот куп на нации, а подолг период ќе отсуствува и Исак, што создава дупка во нивниот напад. Затоа Ливерпул, според „Атлетик“ и Фабрицио Романо, бара нов напаѓач во зимскиот преоден рок.

Нивниот избор е Антоан Семењо (26), напаѓачот на Борнмут. Семењо, според сите најави ќе биде главна ѕвезда на јануарскиот преоден рок бидејќи освен Ливерпул, го сакаат и двата клуба од Манчестер.

Романо истакнува дека неговата клаузула за обештетување е 75 милиони евра, но дека таа важи само до 10 јануари, што значи дека заинтересирани клубови мора веднаш да реагираат.

Бидејќи сите заинтересирани имаат пари да ја платата клаузулата, финансиските услови што е му бидат понудани на Семењо, ќе бидат решавачки во изборот на новиот клуб.

Инаку Ливерпул, во летниот преоден рок за засилувања во нападот потроши 365 милиони евра.

Foto/ freerangestock

Американскиот кошаркар Камерон Пејн, објави црно-бело срце на својот Инстаграм профил, со што потврди дека кариерата ќе ја продолжи во кошаркарскиот клуб Партизан.

Во изминатите неколку дена се пишуваше дека црно-белите се блиску до трансферот на американскиот плејмејкер од Њујорк Никс и дека се чека назначувањето на новиот тренер, за клубот да може да објави дека и Пејн ќе пристигне во Белград.

Откако стана јасно дека Џоан Пењароја, ќе го преземе Партизан, кошаркарот висок 191 сантиметар потврди дека доаѓа во Белград.

Пејн е искусен играч кој одиграл 477 НБА натпревари со просек од 7,8 поени, два скока и 3,2 асистенции. Во својата кариера, тој играл за седум тима, а поминал дури десет сезони во лигата.

Според српските медиуми, тој ќе потпише договор со крајот на сезоната, а ќе инкасира 950.000 евра.