Спорт
Шпанецот, по шест месеци, подготвен да замине од Манчестер јунајтед

Левиот бек на Манчестер јунајтед, Серхио Регуилон, по само шест месеци би можел да го напушти „Олд Трафорд“.
Според англиските медиуми, голем интерес за Шпанецот покажале од Борусија Дортмунд. „Милионерите“ биле подготвени да ги преземат сите обврски кои ги има Јунајтед кон левиот бек.
Регуилон кариерата ја започна во Реал Мадрид, но таму никогаш не доби шанса да се докаже. Блесна на позајмицата во Севилја, кај Хулен Лопетеги што му овозможи трансфер во Тотенхем вреден 30 милиони евра.
Кај Антонио Конте не успеа да се избори за стандардно место во тимот, па Тотенхем го испрати на позајмица во Атлетико Мадрид. „Јорганџиите“ не ја искористија опцијата да го откупат неговиот договор.
Летово Јунајтед наиде на проблеми поради повредите на Лук Шо и Тајлер Маласија, па Тен Хаг во паника го донесе Регуилон на позајмица до крајот на сезоната.
Во досегашниот тек од сезоната одигра само 10 натпревари, седум во Премиер лигата и на теренот мина само 648 минути.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
(Видео) Тотенхем направи од готово вересија – ПСЖ го освои Суперкупот на УЕФА

Пари Сен Жермен освои уште еден европски трофеј, Суперкупот на УЕФА, со триумф по неверојатен пресврт во 90 минути и нерешен резултат 2:2 против Тотенхем. Пенак рулетот „светците“ го добија со 4:3.
Ова беше првиот натпревар откако стана јасно дека Италијанецот Џанлуиџи Донарума нема да го брани голот на шампионот на Стариот континент, но и првиот натпревар што победникот на Лига Европа го одигра по заминувањето на Јужнокореецот Хјунгмин Сон по помалку од една деценија во клуб од северен Лондон.
Во исто време, ова беше првиот официјален натпревар на Тотенхем откако Томас Франк го замени Ангелос Постекоглу како менаџер.
Тотенхем на нестварен начи ја испушти предноста од два гола до која дојде со головите на холандскиот дефанзивец Мики ван де Вен во 39. минута и неговиот партнер од одбраната Кристијан Ромеро.
ПСЖ до пенали го однесоа резервите, Ли и Рамош. Кореецот погоди во 85., а Рамош во 94.минута.
Во пенал серијата Витиња промаши, Тотенхем стекна предност, но во третата и четврттата серија најпрвин Шевалије го одбрани ударот на Ван дер Вен, а потоа Тел го промаши голот, откако го испрати на другата страна голамнот на ПСЖ.
Foto/ EPA/Alessio Marini
Спорт
Поратланд има нов газда

НБА франшизата на Портланд Треил Блејзерс е продадена за над четири милијарди долари.
Според непогрешливиот НБА инсајдер Шамс Чаранија, Портланд го купува Том Дандон, американски бизнисмен.
Дандон моментално е сопственик на НХЛ тимот Каролина Харикенс, кој го купи во 2018 година за 450 милиони, а ги купува Треил Блејзерс од Пол Г. Ален.
Љубителите на кошарката во Портланд не мора да се грижат, бидејќи новиот сопственик и неговите соработници планираат да ја задржат франшизата во тој град, пишуваат американските медиуми.
Треил Блејзерс ја завршија минатата сезона надвор од плејофот со резултат од 36-46, близу дното на Западната конференција. Неодамна го вратија Дамијан Лилард, кој ќе ја помине следната сезона опоравувајќи се од повреда на Ахиловата тетива.
Франшизата од Орегон има една НБА титула освоена во 1977 година, тие ја освоија конференцијата три пати, а дивизијата шест пати.
За споредба, неодамна имавме две големи продажби во НБА – Лејкерси беа продадени за 10, а Селтикси за шест милијарди долари.
Спорт
Македонија повторно загуби од Романија

Македонската кошаркарска репрезентација го загуби и третиот натпревар во претквалификациите за пласман во квалификациите за Светското првенство. Вечерва, во Орадеа, Романија ја победи Македонија 79:66.
Првата четвртина го одреди текот на натпреварот, Романците ја добија со седум поени (26:19). На полувреме Романија имаше двоцифрена предностевет поени предност (45:34).
Македониај во еден дел од решавачката четвртина се доближи на разлика од три поени (69:66), Романците го одбија тој налет и ја забележаа втората победа во овие претквалификации.
Џејкоб Вајли со 19 поени беше најефикасен во нашиот табор, додека Магдевски постигна 13 поени. Кај победникот најдобар беше Стефан Грасу со 20 поени.
Со овој пораз македонските кошаркари на минимум ги сведоа шансите за пласман во квалификациите за Мундијалот во 2007 година во Катар.
На 20 август Македонија ќе ја пречека Унгарија.
Foto/ kfsm.mk