Спорт
Шпанскиот печат едногласен: Барса доживеа историско понижување
![](https://makfax.com.mk/wp-content/uploads/2020/08/31967698-0-image-a-80_1597449149360.jpg)
По вчерашната зачудувачка 8:2 победа на Баерн Минхен над Барселона, шпанскиот печат, нормално, беше брутален кон каталонскиот клуб, опишувајќи го резултатот како срамота и историско понижување на славниот клуб, но и на шпанскиот фудбал, кој по 12 години нема полуфиналист во Лигата на шампионите.
Сега, се очекува отказ за тренерот Кике Сетиен, но и многу потреси во каталонскиот тим со низа заминувања од клубот. И вообичаено наклонетите кон Барса, „Спорт“ и „Мундо депортиво“ немаа милост.
„Срамота“, стои на насловната на мадридска „Марка“, додека на „Ел Мундо“ го има Жерард Пике и насловот „Крај на еден срамен циклус“. „Спорт“ и „АС“ пак се решаваат за идентичен наслов: „Историско понижување“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Спорт
Тројца косовски фудбалери исфрлени од репрезентацијата
![](https://makfax.com.mk/wp-content/uploads/2024/09/Untitled-1-22.jpg)
Репрезентацијата на Косово, пред два дена во еден тензичен меч загуби во Приштина од Романија (0:3), во Лигата на нации. Ден по натпреварот, селекторот на Косово избркал тројца играчи. Косово утре, во второто коло гостува на Кипар.
Поради нарушување на дисциплината, селекторот на репрезентацијата Франко Фода ги исфрли од тимот голманот Аријанет Муриќи, и играчите Едон Жегрова и Флорен Муслија.
Првите двајца беа стартери на мечот со Романија, додека Муслија тој меч го започна од клупата за резерви, влезе во игра во 66. минута.
Според медиумите, причина за ваквата одлука на селекторот и Фудбалската федерација е што тројцата споменати играчи по мечот со Романија биле снимени во еден ноќен клуб во Приштина.
Спорт
Се разделија Репсол и Хонда
![](https://makfax.com.mk/wp-content/uploads/2024/09/joan-mir-repsol-honda-team.jpg)
Во неделата официјално беше објавено дека Репсол, една од водечките светски компании во секторот за нафта и гас, повеќе нема да соработува со тимот на Хонда во Мото ГП шампионатот. Партнерството меѓу Репсол и Хонда траеше речиси три децении. .
Репсол и Хонда станаа партнери во 1995 година и ја освоија титулата во првата класа веќе во премиерната калса.
Тие заедно успеаја да освојат дури 15 титули, уште десет во екипна конкуренција.
Нивниот рекорд е 183 победи и дури 455 подиуми.
Последната титула, Репсол Хонда ја освои во 2019 година со Марк Маркез.
Пред него шампиони беа Кејси Стонер, Валентино Роси, Мик Дуан, Ники Хејден…
Спорт
Мареј од Денвер доби 206 милиони долари
![](https://makfax.com.mk/wp-content/uploads/2024/09/1461899716.0.jpg)
Американскиот професионален НБА кошаркарски тим Денвер Нагетс го продолжи договорот со својот дефанзивец Џамал Мареј (27) на уште четири години и за максимални 208 милиони долари. Минатата сезона Мареј имаше просек од 21,2 поени по натпревар со 6,5 асистенции и 42,5 отсто шут за три поени, што се негови најдобри просеци во досегашната кариера.
Мареј ја помина целата своја професионална кариера во Нагетс, кои го избраа како седми пик на драфтот во 2016 година. 26,1 поен со 7,1 асистенции и 5,7 скока.