Спорт
Што бараше Барса на бизарниот Марадона-куп против Бока јуниорс?

Барселона и Бока јуниорс одиграа 1:1 во бизарниот меч наречен Марадона-куп во Саудиска Арабија по што Каталонците загубија со 4:2 во пенал-серијата во дуел на кој, според многу фудбалски фанови, не требаше да играат Каталонците и за кој двата клуба добија по 2 милиона евра.
Чави Ернандез на „МРСООЛ парк“ во Ријад на теренот не го изнесе својот најдобар тим, иако му даде шанса на Дани Алвеш да игра покрај фудбалери од младиот состав (Ахомач, Демир, Нето, Санз, Балде), а својот прв гол во дресот на Барса го постигна 22-годишниот Феран Жугтла во 50. минута, кој неодамна со Осасуна дебитира, а пристига во Барселона од Еспањол во текот на летото. За Бока израмни тинејџерот Езекиел Зебалјос во 77. минута од мечот. Во пенал-серијата сите фудбалери на Бока беа прецизни, а Матеуш Переира и Гијем Хаиме беа непрецизни за Барселона.
Диего Армандо Марадона е идол на многу фудбалски фанови и на неколку фудбалски клубови, од кои секако на првото место е неговиот омилен Наполи, но и Бока јуниорс и Њуел олд бојс. Барселона тешко дека може да се вброи во оваа конкуренција, особено бидејќи тој помина само две сезони со многу повреди во клубот, а и самиот немаше најдобри зборови за Каталонците. Но, откако Наполи побара 4 милиони евра за мечот, Барселона во финансиска криза го прифати мечот.
Да потсетиме, во 2018 година, во интервју за „Марка“, Марадона најави дека и неговиот сонародник и наследник, Лео Меси, ќе замине од Барселона.
„Во Барселона ги забораваат своите идоли многу бргу. Нека внимаваат да не го направат со Меси она што го направија со мене, со Ривалдо, со Роналдо, со Ромарио, со Луиш Фиго. Можам да набројам многу фудбалери што беа исфрлени од Барселона поради љубомора. На крајот губат фановите“, изјави тогаш Марадона.
W?WSERS! @Ferranett7 with the turnaround! pic.twitter.com/IuaY4L4H0S
— FC Barcelona (@FCBarcelona) December 14, 2021
¡GOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOLAZO DE #BOCA, LO HIZO ZEBALLOS!????#VamosBoca pic.twitter.com/Vscl4LoWUu
— C.A.B.J. Gol (@CABJGol) December 14, 2021
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Левандовски ќе го пропушти „Ел Класико“

Фудбалерот на Барселона, Роберт Левандовски, ќе мора да паузира поради повреда на бутниот мускул на левата нога.
Левандовски (37) се повреди во неделната победа на полската репрезентација над Латвија (2:0), во која постигна и гол.
„Левандовски има повреда на тетивата на левата бутина. Тој е надвор од теренот, а времето на неговото закрепнување ќе зависи од брзината на закрепнувањето од повредата“, се вели во соопштението на Барселона.
Не се познати многу детали за тоа колку долго ќе отсуствува полскиот напаѓач, но медиумите шпекулираат дека паузата ќе трае помеѓу три и шест недели.
Извесно е дека Левандовски ќе го пропушти претстојното „Ел Класико“ против Реал, закажано за 26 октомври во Мадрид.
Спорт
Уште еден Адетокунбо потпиша договор со Милвоки

Милвоки стана првиот НБА тим во историјата кој има тројца браќа под договор. Тоа се Јанис, Танасис и Алекс Адетокунбо.
Бакс официјално објавија дека потпишале договор со Алекс, кој играше за Висконсин Херд, тим од Џи-лигата и подружница на Милвоки, од 2022 до 2024 година.
Сите кошаркарски експерти истакнуваат дека договорот со Алекс не е склучен за зајакнување на играчкиот кадар, туку е одредена отстапка направена кон најдобриот играч, 30-годишниот Јанис, за кој се вели дека наскоро ќе може да го напушти Милвоки.
Уште во 2013 година, Милвоки го избра Јанис како 15-ти пик на драфтот, а за грчкиот супер стар, Баксе сè уште се единствениот клуб во неговата НБА кариера. Со Милвоки, тој освои две титули за најкорисен играч и ја освои титулата во НБА во 2021 година.
Сепак, во последните години, Бакс редовно беа елиминирани во првото коло од плејофот на Источната конференција. Ова, како што тврдат медиумите го тера Јанис да размислува за преселба во некој друг клуб.
24-годишниот Алекс ја започна својата професионална кариера во Мурсија, а во последната година член на Будуќности од Подгорица, ПАОК и Арис. Најстариот брат, 33-годишниот Танасис, е член на Милвоки од 2019 година.
Спорт
(Видео) Контроверзениот судија Дејвид Кут прогласен за виновен за детска порнографија

Животната траекторија на поранешниот англиски судија Дејвид Кут во период од помалку од една година е вредна за проучување. Синот на поранешниот англиски крикет играч е соочен со нерешливи проблеми.
Се започна со изјавата дека поранешниот тренер на Ливерпул, Јирген Клоп, е „арогантна германска п..ка“, по што тој „објави“ и видео во кое шмрка бел прав, за што беше суспендиран од Премиер лигата, потоа од УЕФА, а на крајот изјави дека е хомосексуалец со надеж дека ќе се извлече од овие скандали.
Сепак, во септември се појави информација дека тој е под истрага за многу посериозно и пострашно дело од споменатите, вклучително и обиди за местење натпревари. Под истрага е за делото „случајно видео од дете од категорија А“.
Овој термин во англиската правда значи најсериозно кривично дело од ваков вид кое „вклучува малолетни деца кои се силувани или сексуално злоупотребени од возрасни“.
Кут беше обвинет на Судот за прекршоци во Нотингем, а во вторникот сите британски медиуми објавија дека 43-годишникот е виновен, односно законски осуден, за ужасното видео направено на 2 јануари 2022 година.
Кут се појави на суд. Сè што кажа беше неговото име, презиме и признание на вината.
Англискиот закон пропишува шестгодишна казна за производство и продукција на детска порнографија од „Категорија А“, три години за дистрибуција и една година затвор за поседување.
Кут е условно ослободен, но ќе мора да се појави на суд на 11 декември, кога ќе се утврди должината на неговата затворска казна.