Случајот кој предизвика многу контроверзи во Франција, на крајот нема да донесе до дисциплинска постапка – Француската професионална лига (ЛФП) одлучи Нејмар и Алваро Гонзалез да не бидат подложени на дисциплинска постапка за нивната пресметка во дербито ПСЖ-Марсеј и покрај обвинувањата за расизам.

„По целосно разгледување на случајот, сослушувањето на фудбалерите и на клубовите, комисијата утврдува дека нема доволно докази за постапка“, се вели во соопштението на ЛФП, што значи дека двајцата ќе отслужат само суспензија од два меча за црвените картони.

Нејмар го обвини Шпанецот Алваро дека го навредувал на расна основа, нешто што фудбалерот на Марсеј го демантираше, а во исто време се појави и контроверзна снимка во која Нејмар на расна основа го навредува дефанзивецот на Марсеј, Хироки Сакаи.

По убедливата 6:1 победа над Гранада во текот на викендот, Атлетико Мадрид не успеа да ја продолжи низата и на гостувањето кај новиот прволигаш Уеска, одигрувајќи само 0:0, додека Вилјареал по 4:0 поразот од Барса, се врати со 3:1 триумф над Алавес.

И покрај тоа што Луис Суарез беше стартер за првпат во дресот на „рохибланкос“, тој не успеа да се запише во листата на стрелците во разочарувачки меч за Диего Симеоне.

Вилјареал пак, поведе преку Пако Алкасер уште во 13. минута, пред Мендез да израмни во 36. минута. Морено од пенал го врати водството на „жолтата подморница“ во 45. минута, пред Алкасер да ја обезбеди победата во второто полувреме.

Финалистот од САД опен, Александер Зверев се пласираше во третото коло на Ролан Гарос, откако изддржа тешка битка од 3 часа и 59 минути за 2:6/6:4/7:6(5)/4:6/6:4 победа над Французинот Пјер-Иг Ербер на „Филип Шартие“.

Во израмнет меч одлучуваа нијанси, но на крајот Германецот успеа да ја забележи својата седма победа во седум меча против француски противници на Ролан Гарос, за да обезбеди пресметка со полуфиналистот од 2018, Италијанецот Марко Чекинато, кој со 6:3/6:2/5:7/6:2 го совлада Аргентинецот Хуан Игнасио Лондеро.

Кај дамите, првата фаворитка за титула, Симона Халеп лесно ја доби романската битка со Ирина Бегу со 6:3/6:4, а во третото коло има и една Французинка, откако Каролине Гарсија со 7:6(5)/6:2 ја победи Александра Саснович од Белорусија.

Gutsy stuff from @AlexZverev…

The US Open finalist survives after beating Pierre-Hugues Herbert 2-6 6-4 7-6(5) 4-6 6-4 in a five-set thriller 🙌

🎥 @rolandgarros | #RolandGarros pic.twitter.com/ELQDMtOpoe

— Davis Cup (@DavisCup) September 30, 2020