Спорт
Што доведе до тепачка во Торино, провокацијата од Лукаку или расистичките навреди кон него?

Јувентус и Милан одиграа 1:1 во драматичен и хаотичен прв натпревар од полуфиналето на Купот на Италија. Јувентус поведе со голот на Хуан Куадрадо во 83. минута, а Интер израмни во 95. минута со голот од пенал на Ромелу Лукаку. Но, дури потоа настана хаос.
По голот на Лукаку, на теренот дојде до мешаница на играчи од двата тима, при што судијата Давиде Маса покажа втор жолт картон и го исклучи Ромелу Лукаку, а нешто подоцна, по завршувањето на мечот, им покажа црвени картони и на Хуан Куадрадо и на Самир Хандановиќ.
„Исклучувањето на белгискиот напаѓач по пеналот беше искрата што го запали фитиљот и го засили конфликтот меѓу играчите на двата тима. Играта беше мирна до самиот крај. Потоа атмосферата се вжешти“, пишува „Газета дело Спорт“.
Белгискиот напаѓач при прославата го стави прстот на уста како да сака да ги замолчи навивачите на Јувентус. Тој гест Белгиецот го направи и по голот што го постигна за репрезентацијата, но фудбалерите на Јувентус го протолкуваа како провокација. По последниот свиреж, дојде до тепачка.
Судијата го опомена Лукаку за славењето, а Белгиецот веќе имаше жолт картон претходно и затоа беше исклучен.
Квадрадо беше особено енергичен во протестите. Двајцата почнаа да се туркаат и затоа и Колумбиецот беше предупреден. После тоа Квадрадо му се пожали на Хандановиќ за однесувањето на Лукаку, но вербалната дискусија прејде во тепачка. Квадрадо сакаше да го удри Хандановиќ и мирната пресметка одеднаш стана неконтролирана.
Од Интер тврдат дека сѐ започнало со расистички навреди кон Лукаку по голот. Агентот кој се грижи за неговата кариера напиша дека Јувентус мора да се извини. Целата ситуација се очекува да ја провери и Државното обвинителство на Италија.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Мурињо доби уште едно засилување

Фудбалерот од Мали, Доргелеш Нене, премина од Салцбург во Фенербахче, објави денес турскиот клуб.
Офанзивниот играч од средниот ред Нене (22) ја започна својата професионална кариера во Салцбург во 2021 година, но играше како позајмен играч во Лиферинг, Рид и Вестерло.
Во сите натпреварувања, тој постигна 22 гола во 87 натпревари за Салцбург.
„Добредојде во нашето семејство, Нене. Нашиот клуб постигна договор со австрискиот клуб Салцбург за траен трансфер на играчот од Мали, Доргелеш Нене. Играчот, кој ги заврши медицинските прегледи, потпиша петгодишен договор. Му посакуваме добредојде на Нене и му посакуваме успех во дресот на нашиот клуб“, објави Фенербахче.
Клубот не објави финансики детали од трансферот.
Foto/ Fenerbahçe SK
Спорт
Најголемото засилување на Парма доживеа тешка повреда

Најголемото засилување на Парма во актуелниот преоден рок, Матија Фриган доживеа тешка повреда поради што ќе отсуствува помеѓу четири и шест месеци.
Хрватот, Матија Фриган (22) пред четири дена о официјализира трансферот во Парма од Вестерло вреден 10 милиони евра.
Фриган заработи повреда на коленото за време на тренингот, а прегледите го потврдија најлошото можно сценарио.
Ги скинал лигаментите на левото колено, што значи дека ќе паузира околу шест месеци.
Фриган потпиша договор со клубот од италијанската Премиер лига до 2030 година.
Фото/ Принтскрин
Спорт
Крстовиќ потпиша петгодишен договор со Аталанта

Сагата околу трансферот на црногорскиот репрезентативец, Никола Крстовиќ, заврши, а епилогот е неочекуван врз основа на сè што се случуваше во текот на летото.
Имено, Крстовиќ го парафираше договорот со Аталанта. Договорот беше потпишан до 2030 година. Крстовиќ ќе добива 1,7 милиони евра по сезона, а Лече ќе инкасира 25 милиони, плус дополнителни бонуси.
За потсетување, Крстовиќ, кој во текот на својата кариера ги бранеше боите на Зета, Звезда, Дунајска Стреда, играше брилијантно за дресот на Лече и за репрезентацијата, а во текот на летото беше јасно дека ќе го напушти тимот во кој стекна целосна афирмација.
Она што Крстовиќ веднаш го нагласи беше дека не сака да ја напушти Италија, по цена да остане член на Лече, поради што ги одби понудите од Лидс и Волфсбург.
Крстовиќ пристигна во Лече пред две години од словачката Дунајска Стреда. Одигра 70 натпревари, постигна 20 гола со седум асистенции.