Спорт
Што ќе се случи ако Интер и Наполи бидат изедначени на крајот од сезоната?

Интер и Наполи во последните пет рунди во Серија влегуваат со ист број на бодови. Доколку така остане до крајот ќе се случи нешто несекојдневно, поточно ќе се случи сценарио кои само еднаш е забележано во Серија А.
Рикардо Орсолини со ножички во 93.минута, вчера го 2пресече“ Интер. Болоња победи со 1:0 си ги задржа шансите за пласман на четвртата позиција и место во Лигата на шампионите, а Наполи го изедначи со Интер. Двата тима имаат по 71 бод.
Скудетото ќе се решава во фотофинишот, а се чини дека во подобра позиција е тимот од градот под Везув.
Избраниците на Антонио Конте до крајот нема да се соочат со екипи од горната половина на табелата, освен ако не го броиме 10.пласираниот Торино. Наполи ќе се судри со Лече (17.), Џенова (13.), Парма (16.) и Каљари (15.), додека Интер е пред многу потешка задача.
Тимот предводен од Симоне Инзаги ќе се соочи со Рома (6), Верона (14), Торино (10), Лацио (7) и Комо (12). Доколку ривалите од споменатите дуели излезат со исто бодовно салдо, шампионот ќе го одреди необично правило.
Имено, Италијанската фудбалска асоцијација минатата сезона воведе правило кое вели дека доколку водечките тимови бодовно се изедначени на крајот од сезоната, дополнителен натпревар ќе го одреди шампионот.
Резултатот меѓусебните дуели и гол разликата не важат, освен кога се одредува домаќинството. Според споменатите параметри тоа би бил Интер кој има подобар сооднос на постигнати и примени голови (71:32 наспроти 52:25).
Сепак, постои можност Италијанската асоцијација да се одлучи за неутрален терен, што беше случај кога Интер и Болоња го играа натпреварот за трофејот во 1964 година.
Тој се одигра на Олимпискиот стадион во Рим, а екипата од Емилија Ромања извојува неочекувана победа со резултат 2:0.
Фудбалските фанови и вљубените ширум Апенините ги очекува исклучително возбудлив крај на сезоната, а оние неутралните сигурно ќе се надеваат токму на таков историски исход.
Не може да биде поправедно – победникот зема се.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Левандовски одбил плата од 100 милиони евра за сезона

Преодниот период во Европа заврши, но сè уште трае во арапскиот свет, иако веќе е познато дека Саудијците нема да ги остварат плановите. Ал Хилал и Ал Наср, клубови со неограничени финансиски можности и големи навивачки бази, се обидоа да го реализираат трансферот на Роберт Левандовски.
За разлика од повеќето играчи, кои привлечени од богатите винансиски договори се селат во Саудиска Арабија, Полјакот рекол : Не.
„Мундо Депортиво“, повикувајќи се на неименуван поратал од Саудиска Арабија, објави дека понудата за Левендовски била 100.000.000 евра фиксно, плус бонуси, само за една година од договорот.
Левандовски е решен да ја нападне Лигата на шампионите со Барселона и да се обиде да ја одбрани титулата во Шпанија.
Зад оваа можност стои Пини Захави, влијателен менаџер, кој со години ја води кариерата на поранешниот напаѓач на Борусија Дортмунд и Баерн, кој, како што се истакнува понатаму во текстот, ги поканил саудиските клубови повторно да се обидат во јануарскиот преоден рок или можеби следното лето.
Полјакот, Левандовски има договор со Каталонците до јуни 2026 година, со можност за обновување до летото 2027 година.
Foto/ EPA
Спорт
Екс-играч на Челзи го засили Клуж

Курт Зума стана нов фудбалер на Клуж, објави романскиот клуб.
Искусниот дефанзивец потпиша двегодишен договор со Романците, со опција за продолжување на соработката за уште една сезона.
Тој пристигнува во Клуж како слободен агент, откако се раздели со Вест Хем ова лето. Може да се каже дека ова е еден од најголемите трансфери во оваа земја во последните години.
Во текот на својата кариера, Зума ги носеше дресовите на Евертон, Стоук, Сент Етјен, Челзи.
Фото/ Принтскрин
Спорт
Елмас: Максимален фокус, Саудиска Арабија е сериозен ривал

Пред пријателскиот натпревар во Прага, Саудиска Арабија – Македонија на стадионот на Викторија Жижков, свој коментар даде и Ељиф Елмас. Нашиот репрезентативец истакна дека натпреварот ќе биде важен тест за селекцијата и увертира за квалификацискиот меч со Лихтенштајн.
“За нас пријателски натпревари не постојат. Овој дуел ќе ни даде многу, затоа што сите ќе видиме до каде сме и какви подготовки имавме. Играме против сериозен ривал, гледавме снимки од Саудиска Арабија и затоа ќе имаме максимален фокус. Овој меч е одлична подготовка и увертира за дуелот со Лихтенштајн. Имав добри подготовки, чувствувам дека сум подготвен. Овие два натпревари ќе ми значат многу, бидејќи по подолго време повторно ќе настапам во меч со голема важност.
Саудиска Арабија е тим кој игра со многу посед и знае да ја чува топката, па ќе мора да бидеме максимално сконцентрирани. Ние секогаш излегуваме на терен по победа, свесни за квалитетот кој го имаме. Секој настап за Македонија е мотив плус и верувам дека овој пријателски натпревар ќе биде од голема корист за нас.”
Izvot/ ffm.mk