Спорт
Што ќе се случи со Јувентус?
Неизвесна иднина го очекува најтрофејниот италијански клуб, Јувентус.
„Старата дама“ е во најтешката ситуација уште од скандалот „Калчополи“ кога административно клубот беше префрлен во Серија Б.
Славниот италијански клуб минатата есен беше елиминиран од Лигата на шампионите, а минатата недела одигра 1:1 против Нант во првиот натпревар од плејофот на Лига Европа.
Јувентус низ првенството се прости од местото што го води во ЛШ, бидејќи поради финансиска измама му беа одземени 15 бода, па се наоѓа на средината на табелата.
Нема да испаднат од лигата, можат да се квалификуваат за Европа со освојување на Купот (полуфинален натпревар против Интер), а единствен начин да се играат во Лигата на шампионите е освојување на ЛЕ, што ќе биде многу тешко за тимот на Масимилијано Алегри со оглед на моменталната ситуација и форма.
„Сезоната е речиси изгубена, но поголем проблем е каква е иднината на Јувентус“, пишува Индекс.
Главното прашање е кој ќе го води тимот следната сезона и кој воопшто ќе игра во него.
Алегри беше доведен како човек кој го познава Јувентус и може да го врати на победнички патеки, но тоа се покажа како погрешна одлука.
Алегри не успеа да состави победнички тим, често е критикуван, а огромен проблем е неговиот договор од дури 13 милиони евра по сезона до летото 2025 година.
Тоа значи дека секое предвремено раскинување би значело огромна исплата, а Јувентус мора да заштеди пари.
Минатата есен кога се подготвуваше отказ за тренерот, во клубот пресметаа дека таа операција ќе ги чини повеќе од 35 милиони евра.
Во еден момент, Алегри тргна во низа победи и дури изгледаше дека Јувентус може да биде во игра за титулата, но потоа дојде казна и се се распадна.
Главен кандидат за наследник на Алегри е уште еден поранешен тренер на Јувентус, Антонио Конте, кој се раздели со клубот во 2014 година.
Тогаш Конте замина поради лошито однос со Андреа Ањели, но тој повеќе не е во клубот, што наводно му се допаѓа на Конте.
Тој нема да остане во Тотенхем по оваа сезона и враќањето во Јувентус е многу примамливо за него.
Доколку Конте седне на клупата, ќе наиде на многу теша ситуација во соблекувалната. Некои играчи се на излезна врата, некои бараат превисоки договори, но еден дел од ѕвездите ќе остане.
Сепак, главниот проблем е што на Јувентус ќе му биде тешко да привлече некое големо име, бидејќи речиси сигурно ќе остане без ЛШ.
На Хуан Квадрадо и Алекс Сандро нема да им бидат понудени нови договори и тие ќе заминат без оштета. Истото ќе се случи и со Адриен Рабио. За да остане тој бара годишна плата од 10 милиони евра. На продажба ќе биде и дефанзивецот Даниеле Ругани.
Ќе си замине и Леандро Паредес кој е позајмен од ПСЖ. Јувентус имаше обврска да го откупи неговиот договор доколку одигра одреден број натпревари и доколку Јувентус се пласира во нокаут фазата од Лигата на шампионите.
Ниту едното не се случи и Паредес ќе се врати во Париз.
Анхел ди Марија, кој исто така од летото е слободен играч и веќе има 35 години, најверојатно ќе си замине.
Јувентус најверојатно ќе го откупи напаѓачот Аркадиуш Милик од Олимпик Марсеј, Данило ќе го продолжи договорот, а голем проблем за Јувентус е Мојсе Кен кој мора да биде откупен од Евертон за 25 милиони евра.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Хезоња за својата иднина: „Немам идеја“
Кошаркарот на Реал Мадрид, Марио Хезоња изјави дека се уште нема поим што ќе се случува со неговата кариера во иднина.
Договорот на хрватскиот кошаркар со „кралскиот клуб“ истекува на крајот од сезоната, па прашање на сите прашања е дали тој ќе остане во Мадрид.
„Немам идеја. Флорентино Перез ми се заканува секој пат кога ќе ме види во трпезаријата дека морам да останам овде. Се надевам дека е така. Сите работиме да биде така“, изјави Хезоња за Ел Мундо.
Грчките медиуми го поврзаа со Панатинаикос, а има навестувања и за други потенцијални дестинации за најдобриот стрелец на Реал.
Хезоња сезонава имаше просек од 13,7 поени и 4,4 скока на 36 натпревари во Евролигата.
Хезоња и Реал во петок се соочуваат со фајналфорот во Евролигата, а во полуфиналето во Берлин ќе играат против Олимпијакос, што ќе биде реприза на ланското финале во кое подобри беа избраниците на Чус Матео.
Спорт
Англија со најголемите ѕвезди ќе настапи на ЕУРО 2024
Селекторот на Англија, герет Саутгејт го објави спискот на фудбалери за ЕУРО 2024. На спискот има 33. фудбалери, што значи дека до почетокот на првенството ќе седуммина од кои еден сигурно ќе биде голман.
На ЕП нема да патува долгогодишниот член на националниот тим, Џордан Хендерсон.
Списокот на Саутгејт:
Голмани: Дин Хендерсон, Џордан Пикфорд, Арон Рамсдејл, Џејмс Трафорд
Одбрана: Џеред Брантвајт, Луис Данк, Џо Гомез, Марк Гуеи, Езри Конса, Хари Мегваер, Лук Шо, Џон Стоунс, Киеран Трипиер, Кајл Вокер.
Среден ред: Трент Александар-Арнолд, Конор Галагер, Кертис Џонс, Коби Мајно, Деклан Рајс, Адам Вартон, Џерод Боувен
Напад: Џуд Белингем, Џерод Бовен, Еберечи Езе, Фил Фоден, Џек Гралиш, Ентони Гордон, Хари Кејн, Џејмс Медисон, Кол Палмер, Букајо Сака, Ајван Тони, Оли Воткинс.
Англија на ЕП е во Ц групата заедно со Данска, Словенија и Србија.
Спорт
Димитиревски договорил четири годишна соработка со Валенсија
Репрезетативецот на Македонија Столе Димитиревски од наредната сезона ќе го носи дресот на Рајо Ваљекано. Бројни шапнски медиуми и најпознатиот транфер-инсајдер, Фабрицио Романо, објавија дека голманот со Валенсија потпишал четири годишен договор.
Столе Димитриевски по шест сезони, како слободен играч ќе го напушти Рајо Ваљекано. Од „Ваљехас“ ќе замине како голман со најмногу одиграни натпревари во клупската историја.
Во последното коло, против Атлетик Билбао на домашен терен Македонецот по 192. пат ќе застане на голот на Рајо Ваљекано.
Трансферот на Димитриевски значи дека Валенсија ќе ја напушти Грузиецот, Гиорги Мамрдашвили. Од неговиот трансфер Валенсија треба да заработи 30 или повеќе милиони евра.