Спорт
Шуми Јуниор: Роден сум да возам во Ф1

Мик Шумахер, синот на легендарниот возач на Ферари, Михаел Шумахер, смета дека е целосно подготвен за настапи во Формула 1 откако постојано ги подобрувал своите квалитети.
21-годишниот Шуми Јуниор е со мотоспортот во крвта, но мораше да го преземе вообичаениот пат до Ф1 – лани настапуваше во Формула 3 шампионатот, а оваа година е лидер во Формула 2 шампионатот на две трки пред крајот.
„Последните години имав цел да се развивам како возач и морам да кажам дека сум задоволен. Затоа мислам дека сум целосно подготвен за Формула 1. Задоволен сум што резултатите се добри и што имам силен тим зад мене“, вели Мик Шумахер.
Првичните најави дека ќе добие место во тимот на Алфа Ромео за следната сезона, но Кими Раиконен и Антонио Џовинаци беа потврдени за 2021, така што сега единствена реална опција е Хас Ф1, уште еден тим кој користи мотори на Ферари, иако шефот на тимот Матија Биното изјави дека конечната одлука не е донесена.
Тој требаше да има прв вкус на Ф1 болид на тренингот за трката во Нирбургринг со Алфа Ромео, но поради дождот сесијата беше откажана. Сега тој ќе добие втора шанса во Абу Даби.
„Ќе беше подобро да возев, но тоа беше добар викенд да се работи со Ф1 тим, да се разговара со инеженерите и да се добие претстава како функционира еден Ф1 викенд. Желбата да бидам Формула 1 секогаш ми била вродена и ќе дадам се за оваа цел“, додаде Шуми Јуниор.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Здодевен „Олд Фирм“ – Миовски дебитираше за Ренџерс

Поладнево во Глазгов, вечните ривали Ренџерс и Селтик го одиграа 447-ми „Олд Фирм“. Прв пат во кариерата Македонија имаше претставник во еден од најголемите дерби мечеви во светот на фудбалот. Бојан Миовски дебитираше за Ренџерс.
Дербито ги разочара сите буквално ништо не се случи на теренот за 90 минути игра. Без шанси, без интензитет, дури и без „оган“ на теренот меѓу играчите.
Во првото полувреме, Ренџерс беа малку поконкретни, додека Селтик не упатија ниту еден удар кон голот на Батланд. Единствениот момент во што вреди за се забележи се случи во 32-та минута, домашните ја затресоа мрежата преку Сутар, но голот беше поништен поради офсајд.
Бојан Миовски одигра солидно, ако се знае дека одработи само еден тренинг со новите соиграчи, по трансферот од Џирона. Македонскиот напаѓач играше 70.минути кога беше заменет со Десерс.
По четири рунди Селтик има 10, а Ренџерс само четири бода (четири нерешени), поради што се шпекулира дека менаџерот Расел Мартин ќе добие отказ.
Фото/ Принтскрин
Спорт
Филип Поповски го истрча маратонот во Сиднеј: Доживување е да трчаш заедно со Кипчоге и Шифан Хасан

Листата од најголеми шест светски маратони од годинава е зголемена за уште еден – маратонот во Сиднеј. Со тоа овој град се додаде на листата најголеми маратони во светот, заедно со оние во Токио, Берлин, Лондон, Чикаго, Бостон и Њујорк.
Првото издание на маратонот во Сиднеј, како дел од светската маратонска елита се одржа денес, учествуваа дури 35.000 луѓе од целиот свет, а меѓу нив беше и Македонецот Филип Поповски, од клубот „091 Run Crew“.
Маратонската трка, Поповски ја заврши со време од 3 часа и 53 минути.
„На маратонот трчаа и Кипчоге и Шифан Хасан, најдобрите во светот во оваа дисциплина, па самото тоа што трчаш иста трка со нив е доживување. Се обидов да ги стигнам но без успех, ха, ха.
Целта не ми беше да постигнам некое време, туку со нашето друштво „091 Run Crew“ да ја шириме трчачката култура и да се поврзуваме со здруженија и трчачки друштва од целиот свет. Кога одиме на трки ја имаме таа можност да се дружиме и да разменуваме мислења и идеи, да ги поканиме да ни дојдат во Македноја, тие да нè поканат нас (како што им бев сега јас гостин 2-3 дена во Сиднеј).
Јас бев единствениот претставник од нашето здружение, а имаше претставници од здруженија од целиот свет и, секако, ги поканив да дојдат на некој од нашите маратони.
Интересно е што тука ни беа поделени пасоши, кои се викаат „United Nations of Crews“, со кои и официјално „091 Run Crew“ стана член на светското здружение на трчачки друштва, како единствени претставници од Македонија“ – вели Поповски.
Финиш линијата на маратонот беше поставена пред Операта во Сиднеј.
Победник во машка конкуренција е Хаилемаријам Киорос од Етиопија, додека кај жените најдобро време имаше Шифан Хасан од Холандија.
Спорт
Неверојатната сума Жозе Мурињо во кариерата заработил од отказите

Жозе Мурињо, пред три дена доби отказ, повеќе не е тренер на Фенербахче. Откакзот ќе внесе дополнителна и не мала сума пари на неговата сметка.
Португалскиот стручњак една година се задржа на клупата на Фенербахче. елиминацијата од Бенфика, во плеј-офот за пласман во Лигата на шампионите, но е неколкуте изјави што ги даде на почетокот на сезоната беа доволни да добие отказ.
Мурињо има уште една година од договорот, што значи дека добро ќе го наплати отказот. Според турскиот новинар Јагиз Сабунџуоглу, Мурињо ќе добие 8,9 милиони евра отпремнина. Пресметано, од отказите Мурњо во кариерата заработил неверојатни 102,78 милиони евра.
Листа на клубови од кои Мурињо ги наплатил отказите:
Челзи (прв отказ) – 20,88 милиони евра
Реал Мадрид – 19,72 милиони евра
Челзи (втор тказ) – 9,63 милиони евра
Манчестер јунајтед – 22,74 милиони евра
Тотенхем – 17,40 милиони евра
Рома – 3,48 милиони евра
Фенербахче – 8,93 милиони евра
Foto/ EPA