Спорт
Шварцман му зема сет на Надал, но тој го чека Ноле во полуфинале
Шпанскиот тениски ас – човекот „роден на земја“ – Рафаел Надал се пласираше во полуфиналето на грен слем тенискиот турнир Ролан Гарос откако предмалку со 3-1 славеше против Аргентинецот Диего Шварцман.
Надал до место во Топ 4 дојде по безмалку 3 часа игра, по сетови 6-3 4-6 6-4 и 6-0.
Куриозитет претставува фактот што Надал загуби сет на својот омилен турнир по низа долга 36 сета.
Во првиот сет Надал имаше два брејка, еден повеќе од 10-тиот светски тенисер во моментов.
Во вториот сегмент од мечот Аргентинецот возврати со иста мерка. Сега тој на двапати одзема поен на сервис на фаворитот, па резултатот на мечот беше 1-1.
Во третиот сет се играше израмнето се до 4-4. Тука Шпанецот доминантно дојде до прв брејк во тој дел од играта, доволен за освојување на сетот и водство од 2-1.
Четвртиот сет се чини беше само формалност затоа што Надал без загубен гем стигна до ново полуфинале во Париз.
Тука за противник го чека подобриот од вечерашното четвртфинале меѓу Новак – Ѓоковиќ и Матео Беретини.
Втората полуфинална двојка ја сочинуваат Стефанос Циципас и Александер Зверев.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Драконска казна во Холандија – клуб исфрлен од првата лига
На фудбалскиот клуб Витезе му беа одземени 18 бодови, по што и официјално испадна од првата холандска лига, соопшти Фудбалскиот сојуз на Холандија (КНВБ).
„Независниот комитет за лиценцирање на КНВБ му изрече санкција на Витезе од минус 18 бодови. Клубот од Арнем ја доби оваа казна затоа што повеќепати не ги исполнуваше барањата од прописите за лиценцирање играчи во подолг временски период“, се вели во соопштението на КНВБ.
Витезе сега има минус еден бод и автоматски го загуби прволигашкиот статус на четири кола пред крајот на првенството.
Најголемиот успех во историјата клубот од Арнем го постигна во сезоната 2016/17 кога го освои Купот на Холандија.
Последен пат Витезе играше во Европа во сезоната 2021/22, кога беа елиминирани од подоцнежниот освојувач Рома во осминафиналето на Конференциската лига.
Спорт
Бакс без Јанис во првото коло од плеј-офот
Милвоки Бакс се соочува со значителен проблем пред почетокот на плеј-оф серијата во која ривал ќе им биде Индијана Пејсерс. Бакс нема да може да смета на Јанис Адетокумбo.
Како што пренесе Шамс Чаранија, Адетокумбо ќе мора да паузира од две до четири недели поради повредата на потколеницата со која се здоби на натпреварот против Бостон Селтикс.
Овие првични проценки за повреди секако значат дека Адетокумбо сигурно ќе го пропушти првото коло од плеј-офот и натпреварите со Индијана.
Плеј-офот за Бакс започнува ноќта помеѓу недела и понеделник, а тие се домаќини во првиот натпревар.
Спорт
Ивановиќ ќе добие отказ во Басконија
Кошаркарите на Басковнија, вечерва (20.30 часот) го играат решавачкио натпревар во Евролигата. Доколку го победат Виртус ќе играат во плеј-оф против Реал Мадрид.
Прашање е дали пласманот во плеј-офот може да ја спаси сезоната, бидејќи Басконија „виси“, кога е во прашање плеј-офот во домашното првенство. Во шпанското првенство се на прагот на плеј-офот.
Шпанските медиуми пишуваат дека Душко Ивановиќ би можел да ја напушти Басконија. Црногорскиот тренер го одработува четвртиот мандат во клубот. Пристигна во текот на сезоната од Црвена звезда.
Замена за Ивановиќ би требало да биде актуелниот тренер на Гран Канарија, Јака Лаковиќ, кој има клаузула во договоорт дека може да замине во тим што настапува во Евролигата.
Локалниот медиуми, „Ла Провинсија“ наведува дека Лаковиќ е првиот избор на баскискиот тим за следната сезона. Овој извор пишува дека Басконија ќе треба да плати одредена сума за да го нагажира Лаковиќ.
Лаковиќ лани со Гран Канарија го освои Еврокупот, претходно тој беше тренер на Улм.