Фудбалерите на Фламенго го победија Челзи со 3:1 во натпреварот од второто коло на Светското клупско првенство. Англичаните поведоа со голот на Педро Нето во 13-тата минута, но Бразилците доминираа во второто полувреме. Прво, Бруно Енрике израмни во 62-та минута, додека Данило постигна гол во 65-та минута за 2:1. Конечните 3:1 ги постави Волас Јан во 83-та минута.

Работата на Фламенго му ја олесни Николас Џексон, кој доби директен црвен картон во 68-та минута. Сенегалскиот напаѓач влезе во игра четири минути претходно, а неколку моменти подоцна го удри Лукас Аиртон со високо крената нога. Судијата веднаш го исклучи и го остави Челзи со десет играчи.

Mikel didn’t hold back 😳

“Jackson needs to have a look at himself.”
John Obi Mikel had plenty to say after that red card.

Catch the @FIFACWC | June 14 – July 13 | Every game. Free. | https://t.co/i0K4eUu4lJ | #FIFACWC #TakeItToTheWorld pic.twitter.com/HHyiKK68ax

— DAZN Football (@DAZNFootball) June 21, 2025

Џон Оби Микел (38), пензиониран нигериски играч од средниот ред кој играше за Челзи од 2006 до 2017 година, жестокот го критикуваше Џексон. Оби Микел работи како стручен коментатор за DAZN, кој го емитува Светското клупско првенство.

„Невидено. Глупава, глупава, глупава грешка. Не знам што му беше во главата. Влегуваш во натпреварот, губиш со 2:1, тимот има потреба од тебе. И го правиш тој потег. Не му е прв пат. Истото го направи и против Њукасл во многу важен натпревар во борбата за Лигата на шампионите. Тогаш црвен, сега повторно. Не можеш постојано да ги правиш истите грешки.“

Кога водителката Кели Сомерс го праша дали Џексон можеби бил фрустриран што не играл од првата минута, Микел одговори: „Не ме интересира дали тоа го фрустрира. Ова е голем клуб, станува збор за конкуренција. Ако сте лути затоа што доаѓа Делап (нов играч на Челзи) кој ќе ви биде конкуренција, прифатете го тоа. Ако сте одличен играч, мора да знаете како да се борите за место. Тоа е единствениот начин да освоите трофеи.“

Трансферот на Мартин Зубименди реши само еден проблем во редот на врска во Арсенал. До крајот на преодниот рок, Микел Артета ќе мора да затвори уште една „дупка“.

Непланирано, Арсенал на пазарот ќе мора да најде уште еден дефанзивен играч во редот за врска.

Ваквиот епилог е резултат на неуспешните преговори со Томас Парти. Репрезентативецот на Гана од 30 јуни ќе биде слободен играч, клубот неколку месеци преговара со неовиот менаџер, но засега нема назнаки дека двете страни ќе најдат решение.

Менаџерот на лондонскиот клуб, Микел Артета, веруваше дека Парти ќе остане на „Емирати“ и дури не размислуваше за можна замена, но реалноста е поинаква. Медиумите во Англија тврдат дека Артета има решение.

Станува збор за искусниот играч за врска на Брентфорд, Кристијан Норгард, кој минатиот месец ја заврши својата шеста сезона во редовите на „пчелите“, но е врзан со договор со клубот до летото 2027 година, па Арсенал ќе мора да плати обештетување.

Според податоците на „Трансфермаркт“, пазарната вредност на поранешниот фудбалер на Брондби и Фиорентина е 11 милиони евра. Ова значи дека Арсенал ќе мора да издвои помеѓу 15 и 20 милиони евра за да го реализира трансферот.

Фудбалерите на Ривер Плата, во раните утрински часови по средно европско време ќе го одиграат вториот натпревар на клупскиот Мундијал. По победата над Урава (3:1) во првото коло, во второто Ривер за противник ќе го има Монтереј.

Марсело Гаљардо, тренерот на тимот од Буенос Аирес, им откри на медиумите дека тој го повикал Кристијано Роналдо да игра на Светското клупско првенство за Ривер Плата.

Роналдо неодамна изјави дека имал „покана од клуб во Аргентина“, но во тој момент не не го откри името на клубот. Гаљардо реши целосно да ги отвори картите.

„Во средината на март, преку заеднички пријател, му реков: „Доаѓа светското клупско првенство, дали си заинтересиран да играш за нас? Тоа е турнир створен за некој како тебе, кој оставил таков белег во спортот. Се почувствува почестен и побара време да размисли пред конечно да ми каже: „Морам да се фокусирам на следната сезона“. Беше неофицијален разговор, ќе останеше приватен како и многу други работи ако самиот не го откриеше. Затоа решив да кажам сè, Роналдо одлучи да го објави“, откри Гаљардо.

Искусниот тренер имаше можност да биде заедно со Португалците кога го водеше Ол Стар тимот на Саудиска Арабиска лига во пријателски натпревар.

„Имав можност да го тренирам на тој пријателски натпревар. Освен што е врвен професионалец, тој е и одлична личност. Имаме одличен однос“, додаде тренерот на Ривер Плата.