Спорт
Швед за бруталениот напад: Се обложиле на победа на ЦСКА и изгубиле
![](https://makfax.com.mk/wp-content/uploads/2023/05/10x529.jpg)
Познатиот руски кошаркар Алексеј Швед синоќа за прв пат се појави во јавноста откако на почетокот на месецот беше брутално претепан на улица во Москва. Швед заврши во болница со сериозни повреди на главата.
Швед беше на мечот на својот тим ЦСКА Москва, кој го победи Зенит со 72:69 и ја заврши сезоната на третото место во ВТБ лигата. Серијата против Зенит, ЦСКА ја доби со 4:1.
За прв пат во историјата на ова натпреварување ЦСКА не влезе во финалето, а по поразот во полуфиналната мајсторка од Локомотив Кубан, Швед беше нападнат од група незадоволни навивачи.
„Се чувствувам добро и мило ми е бидејќи сум овде. Како играч ќе се вратам на теренот следната сезона, ќе ја продолжам кариерата”, изјави 34. годишниот Швед
„Повредите се сериозни, но закрепнувањето оди добро. Имав контузија на мозокот, хематом, воздух влезе во фрактурата, а имам и уште една фрактура. Се уште не слушам добро на левото уво”, рече Швед, кој беше отпуштен од болница на 9 мај, осум дена по нападот. Му дијагностицирале ретроградна амнезија, напукната темпорална коска и епидурален хематом.
Инцидентот се случи вечерта кога ЦСКА загуби од Кубан со 104:103 и ја загуби полуфиналната серија од ВТБ лигата со 4:3. По натпреварот, Швед отишол во ресторан во центарот на Москва на вечера со семејството и пријателите.
Истрагата е во тек, а Швед е убеден дека бил нападнат од луѓе кои се обложиле на ЦСКА и изгубиле многу пари поради тој пораз. Меѓу нив бил и 17. годишниот Рамзин Амирасланов, чиј татко е моќен бизнисмен и има адвокати кои се обидуваат да го ослободат од вина или барем да ја ублажат неговата вина во тепачката.
Тврдат дека се започнало затоа што сопругата на Швед, Анастасија, меѓу другото, на национална основа го навредувала Амирасланов. Швед, пак, настаните од кобната вечер ги видел вака:
„Тие се обложиле на наша победа и ги загубија парите. Кога налетаа на мене по натпреварот, почнаа да ме навредуваат. Не опколија, а потоа дојдоа уште неколку други лица. Не можевме да побегнеме. Ѝ кажав на сопругата да продолжиме, но во тој момент почнаа да ме удираат по нозете и по главата. И одзади. Потоа не се сеќаван на ништо, веднаш ме однесоа во болница“, изјави Швед, а пренесе Обсервер. .
Малолетниот Амирасланов и уште три лица кои учествувале во нападот се уште се во притвор и тврдат дека не се чувствуваат виновни. Адвокатите имаат намера да го искористат тоа што Швед добро закрепнува за да ја намалат казната, пишуваат руските медиуми.
Кошаркарот тврди дека адвокатите на напаѓачот му се јавиле, но „не за да се извини или понудат обештетување, туку со нови тврдења и навреди“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Спорт
Нигериецот Еџуке ја засили Севилја
![](https://makfax.com.mk/wp-content/uploads/2024/06/1634494153-20331709990123.jpg)
Севилја почна да го формира ростерот за следната сезона. Прво засилување на клубот од Андалузија е Чидера Еџуке.
Нигерискиот фудбалер минатата сезона играше како позајмен во Антверпен од ЦСКА Москва. Севилја нема да издвои ниту цент за неговиот транфср, бидејќи му истече договорот со ЦСКА.
Еџуке постигна три гола и четири асистенции на 21 натпревар во белгискиот шампионат, а неговата природна позиција е лево или десно крило.
Во својата кариера, Еџуке играше за Суприм Корт, Гомбе Јунајтед, Валеренга, Херенвен, ЦСКА Москва, Херта и Антверпен.
Спорт
Манчестер сити ја одреди цената за Кансело
![](https://makfax.com.mk/wp-content/uploads/2024/06/ss_20230923_142638908_2345854869.jpg)
Манчестер сити ја одреди цената за десниот бек Жоао Кансело. Португалецот минатата сезона ја мина на позајмица во Барселона.
Пеп Гвардиола не беше задоволен од игрите на Кансело, а Португалецот не беше задоволен од минутажата, па единствено логично решение беше разделбата. Најпрвин беше на шет месечна позајмица во Баерн. Во Минхен беше импресионирани од него, поради што и не го откулија неговиот договор.
Во Барселона, минатата сезона имаше добри периоди, медиумите шпекулираа дека клубот ќе го откупи од Манчестер сити, но прашање е дали Барселона ќе троши пари за десен бек.
Манчестер сити од клубовите кои се заинтересирани да го донесат Кансело ќе бара 30 милиони евра, што отприлика ја претставува неговата проценета вредност.
Кансело во Манчестер сити пристигна во 2019 година, а одигра 154 натпревари, постигна девет гола си забележа 21 асистенција.
Спорт
(Видео) Хрватските навивачи пееја усташка песна на улиците во Берлин
![](https://makfax.com.mk/wp-content/uploads/2024/06/Screenshot-2024-06-17-122556.jpg)
На инстаграм-профилот на ultra_pokret_hr се појави видео на кое се гледаат хрватските фанови како шетаат на улица и ја пеат песната „Истрчале загребачке фрајле“, објави хрватски „Индекс“.
„Чекор по чекор, млад усташ под знамето. Битката се води, се води, се вее усташкото знаме, за слобода и за дом, хрватски дом“, пеат навивачите.
View this post on Instagram
Во описот на видеото стои: „Хрватските “ултраси” до Олимпискиот стадион во Берлин“. Според тоа, се претпоставува дека снимката е направена во саботата пред натпреварот од 1. коло на Европското фудбалско првенство меѓу Хрватска и Шпанија.