Спорт
Си-би-ес: Роналдо добил понуда од 216 милиони евра

Ал-Наср, клуб од Саудиска Арабија, му понудил тригодишен договор вреден 216 милиони евра на Кристијано Роналдо, тврди Си-би-ес спорт. Да потсетиме, Манчестер јунајтед го раскина договорот со Роналдо, што се очекуваше по долгиот спор меѓу славниот Португалец и англискиот премиерлигаш.
Си-би-ес наведува дека Ал-Наср долго време е заинтересиран за Роналдо и не е единствениот клуб од Блискиот Исток кој би сакал да го доведе. Интересот на клубот бил „посилен од кога било“ и поради тоа биле подготвени да му понудат околу 70 милиони евра годишно.
„Разговорите започнати во текот на летото напредуваа, но се чека одлуката на Роналдо. Доколку тој ја прифати понудата, договорот експресно ќе биде склучен“, објави Си-би-ес.
Роналдо во моментов го игра последното Светско првенство со Португалија.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Навас се сели кај „шумарите“

Кејлор Навас во финишот на преодниот рок ќе го засили Нотингем Форест.
„Шумарите“ се во потрага по голман, откако Дин Хендерсон се повреди и не е познато кога би можел да се врати во тимот. Дел од медиумите шпекулираат дека за него оваа сезона е завршена.
Навас целосно падна во втор план кај новиот тренер на ПСЖ, Кристоф Галтие, прв голма на „светците“ е Џиџи Донарума.
Претходно се шпекулираше дека Навас би можел да премине во Ал-Наср., но голманот ја одби таа можност.
Спорт
Мартинез ја „натера“ ФИФА да смени едно правило
Контроверзното однесување и психолошките игри на Емилијано Мартинез, во пенал сериите на Сп во Катар, кои ги имаше Аргентина против Холандија во четвртфиналето и Франција во финалето, ја натераа ФИФА да направи промена во правилата.
Новото правило ќе биде донесено на конгресот на ФИФА во март, пишуваат англиските медиуми.
На голманите, на гол-линијата, ќе им биде забрането да им се обраќаат на фудбалерите кои изведуваат пенали, да гестикулираат кон нив, да ги деконцентрираат пред да го шутираат пеналот и да прават други психолошки игри при изведувањето на пеналите.
Новото правило кога ќе биде усвоено ќе започне да се применува од наредната сезона.
Спорт
Продава слики од Михаел Шумахер за 1.000.000 евра

Голем скандал ја потресе Италија. Наводно, највлијателните медиуми во таа земја имаат можност на неименуван извор да му платат еден милион евра за да добијат фотографии на кои се гледа моменталната состојба на Михаел Шумахер. Легендарниот германски возач моментално е во тешка состојба откако доживеа несреќа на скијање во 2013 година и оттогаш многу малку се знае за неговата здравствена состојба.
Неименувано лице, блиско до семејството Шумахер 1 реши да ја искористи несреќата на славниот Шумахер и да заработи речиси една деценија по трагедијата.
Како што пренесува италијанскиот весник „Република“, лицето кое го фотографирало и снимило Михаел Шумахер им понудило на најпознатите медиуми од таа земја да ги купат фотографиите за милион евра, а потоа да му откријат на целиот свет како девет години по несреќата изгледа седумкратниот светски шампион.
Според информациите кои се појавија, семејството знае за постоењето на овие фотографии, но се уште не сака на јавноста да и го открие идентитетот на лицето.
Од друга страна, италијанските медиуми наведуваат дека моментално ниту еден весник во таа земја не сака да ги купи и објави споменатите фотографии.