Спорт
Сигурна победа на Квартараро во Барселона
Возачот на Јамаха Фабио Квартараро е победник на трката во Каталонија во кралската класа во МОТО ГП шампионатот.
Практично од самиот почеток беше јасно дека Фабио Квартараро ќе слави во Барселона.
Веќе на самиот старт Такаки Накагами се елиминираше себеси и Франческо Бањаја од трката, а Квартараро извозе одлична трка од почетокот до крајот и сосема заслужено дојде до триумфот.
From one superstar to another! ?@FabioQ20 celebrates with @rauwalejandro! ?#CatalanGP ? pic.twitter.com/1Zi0jVwegn
— MotoGP™? (@MotoGP) June 5, 2022
Неверојатна работа направи Алеш Еспаргаро на Априлија – практично имаше сигурно второ место, но на еден круг пред крајот почна да слави. И тоа го чинеше место на подиумот. На крајот заврши петти.
Грешката на Еспаргар ја искористи Хорхе Мартин, кој дојде на второто место, а Жоан Зарко заврши трет во трката.
На крајот и Жоан Мир го престигна Еспаргара.
Десетката ја комплетираа Лука Марини, Маверик Вињалес, Бред Биндер, Мигел Оливеира и Алекс Маркез.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Нејмар ги игнорираше лекарските совети и му донесе на Сантос важна победа
Нејмар постигна гол и асистенција, а Сантос го победи Спорт Ресифе (3:0) во клучниот натпревар, во борбата за опстанок на славниот тим во бразилската Серија А.
Нејмар реши да игра и покрај проблемите со повредата на коленото и препораката од лекарите да не игра.
Тој беше во почетниот состав во натпреварот од 36-тото коло на бразилското првенство.
Игнорирајќи го советите на лекарите, тој продолжи да тренира во текот на неделата, а неговата решителност се исплатеше на теренот.
Нејмар го постигна првиот гол во натпреварот, а подоцна забележа асистенција.
Neymar is injured and yet still scoring to save Santos from relegation; football is not just a game. ❤️ pic.twitter.com/aOfzheOtj6
— 𝐌 (@MooreRMFC) November 29, 2025
„Физички сум добро, се чувствувам сè подобро и подобро. Оваа повреда е иритирачка, но нема да ме спречи да продолжам. Затоа сè уште играм. Сега е време да размислувам за Сантос, да размислувам за тоа Сантос да остане таму каде што заслужува да биде, во Серија А“, рече 33-годишниот Нејмар.
Со новите три бода, Сантос, во најлош случај, ќе го заврши овој викенд на 16-то место, веднаш над зоната за испаѓање, благодарение на подобрата гол-разлика од Интернационал.
Спорт
Педри се враќа во тимот на Барселона, Араухо ќе отсуствува
Тренерот на Барселона, Ханси Флик, изјави дека Педри ќе се врати на теренот на натпреварот против Алавес, додека капитенот Роналд Араухо нема да игра поради стомачни проблеми.
Педри го одигра својот последен натпревар на 26 октомври против Реал Мадрид, по што ја повреди левата нога, а Флик изјави дека шпанскиот фудбалер ќе игра против Алавес, но нема да биде стартер.
Тренерот на Барселона додаде дека Араухо нема да може да биде во тимот.
Флик истакна дека сите во тимот се чувствуваат лошо по поразот од 3:0 од Челзи во Лигата на шампионите и рече дека е оптимист за натпреварот против Алавес.
Фудбалерите на Барселона од 16:15 часот ќе го пречекаат Алавес во 14-то коло од Ла Лига. Барселона е на второто место на табелата во шпанското првенство со 31 бод, додека лидерот Реал Мадрид има 32.
Спорт
Мареска: Палмер е подготвен за Арсенал
Тренерот на Челзи, Енцо Мареска, изјави дека Кол Палмер е подготвен за градското дерби против Арсенал.
Палмер го одигра својот последен натпревар на 20 септември против Манчестер Јунајтед, по што имаше проблеми со препоните, а минатата недела имаше несреќа кога го скрши прстот на ногата во својот дом.
„Враќањето на Кол е добра вест и сите се среќни. Навивачите и неговите соиграчи се среќни, а најважно е што и Кол е среќен затоа што, на крајот на денот, играчите сакаат да играат натпревари и да тренираат секој ден. Тој може многу да ни помогне, тој е веројатно нашиот најдобар играч. Сега мора да му дадеме време да биде максимално подготвен. Играше фантастично во минатото и нема сомнение дека ќе направи многу добри работи за овој клуб во иднина“, рече Мареска.
Фудбалерите на Челзи ќе го пречекаат Арсенал во 13-то коло од Премиер лигата во недела во 17:30 часот. Арсенал е лидер на табелата во Премиер лигата со 29 бода, додека Челзи е на второто место со 23.

