Спорт
Симеоне: Анчелоти е многу подобар тренер од мене

За 13 години, два месеци и 17 дена откако беше назначен за тренер на Атлетико Мадрид, Диего Симеоне никогаш не водел толку чести, важни и жестоки битки против никого како против Карло Анчелоти.
Овие двајца некогаш големи играчи, а денес уште поголеми тренери,вечерва по 28. пат ќе се сретнат во реваншот од осминафиналето на Лигата на шампионите.
Ако го победи својот постар колега на „Метрополитано“, Чоло ќе го изедначи резултатот во ова необично ривалство на 10-8-10. Ако го направат тоа со два или повеќе гола разлика, Атлетико ќе постигне нешто што досега не го направиле, ќе го елиминираат Реал Мадрид од Европа.
Во пресрет на уште еден „Мадрилењо“, во кој „Карлито“ ќе влезе со гол предност од „Бернабеу“ (1:2), Симеоне џентлменски изјави дека Италијанецот „е многу подобар тренер од него“.
„Поминав многу време во Италија, а тој е роден таму. Причината поради која понекогаш се чини дека имаме исти идеи не е толку чудна е затоа што пораснав живеејќи таму. Можеби изгледа дека некои работи се слични во нашите стилови. Но, јасно е дека Анчелоти е многу подобар од мене“, изјави Симеоне, чиј прв клуб во Европа беше Пиза, а потоа со голем успех го носеше дресот на Лацио и Интер.
Благодарение на брилијантната партија на Федерико Валверде и Родриго, Анчелоти минатиот вторник повторно поведе во ова ривалство и ја забележа десеттата победа, но кој може да погоди што ќе се случува вечерва од 21 часот на распродадениот „Метрополитано“ каде Чоло загуби само двапати од „Карлито“, а има забележано седум победи.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
(Видео) Олисе започна, Кејн го декласира Лајпциг

Фудбалерите на Баерн беа повеќе од убедливи на отворањето на новата сезона во Бундеслигата. Актуелниот шампион на Германија го пречека тимот на Лајпциг и го декласира со 6:0.
Традицијата продолжи, бранителот на титулата речиси никогаш не ги губи натпреварите што вообичаено ги игра на отворањето на новата сезона.
Исто беше и сега, бидејќи Баерн не остави ниту една шанса за тимот од Лајпциг, за да можат да се вратат од Минхен со бодови.
Од почетокот на натпреварот, домашниот тим го наметна својот ритам и агресивно го нападна голот на гостите.
Лајпциг успеа да издржи до 27-та минута кога Микеал Олисе го совлада Петр Гулачи. Само пет минути подоцна, по една од најдобрите акции на Баерн на овој натпревар, која беше украсена со атрактивно додавање на Серж Гнабри, а ја заврши со гол Луис Дијаз.
До крајот на првото полувреме од натпреварот, Олисе го постигна својот втор гол на натпреварот по нова асистенција од Гнабри.
Второто полувреме го одбележа само еден човек, Хари Кејн.
Најдобриот стрелец минатата сезона, не можеше подобро да ја започне новата натпреварувачка гсезона, бидејќи веќе постигна хет-трик во првиот натпревар.
Во второто коло, Баерн ќе игра против Аугсбург во мало баварско дерби, додека Лајпциг ќе го пречека Хајденхајм на домашен терен.
Foto/ EPA/RONALD WITTEK
Спорт
Рпма се вклучи во трката за потписот на Елмас

Елиф Елмас ќе го напушти Лајпциг до крајот на преодниот рок. Вториот дел од минатата сезона, Елмас ја мина на позајмица во Торино. „Биковите“ немаат пари да го откупат неговиот договор но извесно е дека фудбалерот ќе се врати во Серија А.
Најмногу шанси за да го ангажира Елмас има неговиот поранешен клуб Наполи. Елмас во сезоната 2022/2023 беше дел од тимот кој по три децении ја врати титулата во Серија А, во градот под Везув. Таа сезона тој беше трет најобра стрелец во екипата.
Наполи отвори преговори со Лајпциг, но не за перманентен трансфер туку за позајмица, со право на откуп на договорот по завршувањето на сезоната.
Двете страни сега треба да ги договорат тие услови. Лајпциг ја одбиле орвата понуда од 1.500.000 евра за позајмицата и 11.500.000 евра за откуп на договорот.
Германскиот клуб бара 3.000.000 за позајмицата и близу 20.000.000 за откуп на договорот.
Според италијанските медиуми, Елмас се наоѓа и на радарот на Рома. Џанпјеро Гасперини бара играч што може да ја покрие левата страна откако Џејдон Санчо ја дби понудата од Рим.
foto/ EPA
Спорт
Барселона одбиле 80 милиони за Фермин Лопез

Каталонски „Спорт“, откри дека Манчестер јунајтед и Челзи испратиле понуди до Барселона од 80 милиони евра за Фермин Лопез. Понудата на „Ноу Камп“ пристигнала кон крајот на јули.
Во Барселона имало несогласување околу тоа дали треба да биде продаден или не. Некои членови на Управниот одбор верувале дека продажбата ќе помогне во тешката финансиска ситуација и во регистрацијата на нови играчи, додека тренерот Ханси Флик сакал играчот од средниот ред да остане.
Се вели дека преговорите траеле повеќе од една недела, а двата англиски клуба се обиделе да го доведат 22-годишниот шпански фудбалер.
Флик наводно лично интервенирал за да се осигури дека офанзивниот играч од средниот ред ќе остане на „Камп Ноу“.
Фермин одиграл вкупно 89 натпревари за Барселона, постигнува 19 гола и запиша 11 асистенции.
„Трансфермаркт“ ја проценува неговата вредност на 50 милиони евра.