Спорт
Симеоне: Не ме чуди што Челси го сакаат Облак, кај нас играат најдобрите

Тренерот на Атлетико Мадрид Диего Симеоне нее изненаден од интересот на другите клубови за голманот Јан Облак (27). Словенецот четири години е најдобриот голман во Ла Лига, а оваа сезона досега примил 26 гола на 36 натпревари.
Медиумите вчера објавија дека Челси ќе се обиде да го донесе Облак на „Стенфорд Бриџ“. Според шпекулациите Челси за Облак го нуди најскапиот светски голман Кепа Аризабалага и 30 милиони евра.
„Не сум изненаден, секоја година нашите најдобри фудбалери се на мета на најдобрите клубови во светот. Нормално е да ги барате најдобрите, а ние имаме многу такви играчи. Некои заминаа, некои останаа. Логично е и нормално е да постои интерес за Облак, тој е напиот капитен и важен играч во тимот“, рекол Симеоне и дополнил.
„Тој е играч кој прави разлика на теренот, важен за нас е и на теренот и во соблекувалната, напредуваше на сите полиња, како голман и внатре во групата“.
Облак кариерата ја започна во Олимпија од Љубљана, четири години мина во Бенфика, а во Атлетико е од 2014 година. За неговиот трансфер „јорганџиите“ издвоија 16 милиони евра.
Облак има договор со Атлетико до 30 јуни 2023 година и откупна клаузула од 120 милиони евра.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Папаниколау апсолутен рекордер на Олимпијакос

Капитенот на кошаркарите на Олипијакос, Костас Папаниколау, во поразот на својот тим во Мадрид, од Реал (89:77), испиша нова страница во клупската историја.
Папаниколау, против Реал го одигра 748-от натпревар во дресот на Олимпијакос. Тој стана играч со најмногу одиграни натпревари во дресот на Олимпијакос. На вечната листа мина уште една клупска легенда, Јоргос Принтезис.
Папаниколау има 370 настапи за Олимпијакос во Евролигата, 339 во грчкото првенство, 31 во грчкиот куп и осум во Суперкупот.
За време на неговиот мандат, 35-годишникот му помогна на клубот да освои две титули во Евролигата, пет титули во грчкото првенство и куп и четири титули во Суперкупот.
Спорт
Ливерпул ќе биде два месеци без Алисон

Фудбалерите на Ливерпул, влегуваат во серијата тешки натпревари, без голманот Алисон Бекер.
Бразилскиот голман се повреди во средата, во поразот од Галатасарај (1:0), во Лигата на шампионите.
Алисон се пожали на повреда на „задната ложа“. Според првичните информации тој ќе отсуствува до крајот на ноември.
Голманот ќе пропушти неколку важни натпревари во овој период, како што се дуелите со Челзи, Манчестер Јунајтед, Манчестер Сити, како и Реал во Лигата на шампионите.
Арне Слот сега ќе се потпира на Георги Мамардашвили. Голманот на репрезентацијата на Грузија, минатото лето беше купен од Валенсија за 30 милиони евра, а на „Енфилд“ пристигна ова лето.
Фото/ Принтскрин
Спорт
Тен Хаг блиску до враќање во својот стар клуб

Ерик Тен Хаг наскоро би можел повторно да седне на клупата на клубот каде што бележеше најдобри резултати.
Во последно време, јавноста многу зборува за ненадејниот пад на кариерата на Тен Хаг откако беше отпуштен од Манчестер Јунајтед и Баер Леверкузен.
Според последните информации што доаѓаат од Холандија, Тен Хаг би можел да се врати во Ајакс, со кого постигна фантастични резултати пред пет години.
Великанот од Амстердам игра лошо од почетокот на сезоната, алармот е вклучен во клубот и според медиумите реално е Тен Хаг да се врати на „Јохан Кројф арена“.
Тен Хаг е отворен за преговори со челниците на Ајакс, па затоа договорот меѓу двете страни е многу веројатен.