Спорт
Синдикатот на фудбалерите поднесе тужба против ФИФА

Меѓународниот фудбалски синдикат ФИФПРО поднесе тужба против Меѓународната фудбалска федерација (ФИФА) во судот во Брисел поради проширување на Светското клупско првенство.
Светско клупско првенство, во новиот формат, со 32 екипи, ќе се одржи во јуни и јули 2025 година во САД.
ФИФПРО веднаш излегоа со став дека се загрижени за физичките и металните барања што им се поставуваат на играчите и додаде дека ваквите одлуки „ги кршат правата на играчите и нивните синдикати“.
Се додава дека и синдикатите на фудбалери од Англија и Франција поднеле тужба до Стопанскиот суд во Брисел. Од бриселскиот суд се бара да го упати случајот до Европскиот суд на правдата.
ФИФА ги откри деталите за своето проширено Светско клупско првенство во декември.
ФИФПРО веднаш се спротивстави на плановите, за кои рече дека покажува „недостаток на грижа за менталното и физичкото здравје на играчите, како и непочитување на нивниот личен и семеен живот“.
ФИФА соопшти дека распоредот за едномесечниот турнир, за време на паузата во повеќето лиги ширум светот, ќе обезбеди играчите да имаат доволно одмор.
Тоа тврдење беше оспорено од ФИФПРО.
„Кога се вклучени подготвителните периоди и патувањата, турнирот најверојатно ќе создаде до шест недели дополнителна работа, што дополнително ќе го оптовари веќе преполниот распоред“, се вели во соопштението на ФИФПРО.
Организацијата на Светското клупско првенство во 2025 година значи дека најдобрите светски фудбалери три години по ред ќе играат големи натпреварувања во летниот период, со оглед на тоа што оваа година се одржуваат Европското првенство и Копа Америка, а Светското првенство е во 2026 година.
„Бидејќи сите обиди за дијалог не успеаја, сега останува на нас да обезбедиме целосно почитување на основните права на фудбалерите со тоа што ќе го изнесеме предметот на суд“, рече претседателот на ФИФПРО Европа, Дејвид Терие.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Јовиќ потпиша договор со АЕК

Српскиот репрезентативец Лука Јовиќ потпиша договор со АЕК Атина, објави клубот.
Финансиските детали и времетраењето на договорот не беа откриени, но грчките медиуми тврдат дека Јовиќ се согласил на двегодишен договор, при што српскиот фудбалер треба да заработи вкупно шест милиони евра.
Својата кариера ја започна во Црвена звезда, а потоа играше за Бенфика, Ајнтрахт Франкфурт, Реал Мадрид и Фиорентина. Последните две сезони ги помина во Милан.
Одигра 45 натпревари за српската репрезентација и постигна 11 гола.
Спорт
Партијата на суд под обвинение за силување

Поранешниот фудбалер на Арсенал, Томас Парти, претпладнево се појави во Судот за прекршоци во Вестминстер во Лондон откако беше обвинет за силување.
Тој е обвинет за пет обвиненија за силување и едно обвинение за сексуален напад. Сите наводни кривични дела се случиле помеѓу април 2021 и јуни 2022 година.
Облечен во црн џемпер и држејќи јакна во рака, тој брзо помина покрај новинарите и фотографите во судницата.
Неговата адвокатка, Џени Вилтшир, претходно изјави дека фудбалерот ги негира сите обвиненија и со нетрпение ја очекува можноста „конечно да го исчисти своето име“.
Парти, на суд беше условно ослободен по обвиненијата за силување и сексуален напад. Условите за негово ослободување предвидуваат дека 32-годишниот Парти не смее да контактира со ниту една од трите жени и дека мора да ја извести полицијата за секоја трајна промена на адресата или меѓународно патување, објави Би-Би-Си.
Полицијата соопшти дека започнала истрага против Парти во февруари 2022 година, кога првпат добила пријава за силување.
Петте обвиненија за силување се однесуваат на две жени, додека обвинението за сексуален напад се однесува на трета жена.
Парти го напушти Арсенал откако му истече договорот, кој траеше до 30 јуни, а четири дена подоцна беше обвинет за силување.
Арсенал во 2020 година за услугите на Парти на Атлетико Мадрид му плати 50 милиони евра..
Спорт
Сити му нуди нов договор на Родри
Манчестер сити му понуди нов договор на Родри. Освојувачот на Златната топка ја пропушти сезоната поради тешката повреда на лигаментите. Отсуството на Родри се рефлектираше врз резултатите на тимот. Сити не освои ниту еден трофеј и се до три кола пред крајот му висеше пласманот во Лигатана шампионите.
Иако деталите не се познати, а со тоа и точната бројка, речиси е сигурно дека тој би стнал вториот најплатен играч во тимот, веднаш по Ерлинг Халанд. Исто така, познато е дека овој договор би важел до 2029 година.
Минатата сезона Родри одигра само осум натпревари во сите натпреварувања.
Фото/ Принтскрин