Спорт
Синер го освои егзибицискиот турнир во Ријад и заработи шест милиони долари

Италијанскиот тенисер Јаник Синер е победник на егзибицискиот турнир „Слемот на шест кралеви“.
Првиот светски рекет го совлада Карлос Алкараса во финалето во Ријад по пресврт со 2:1 (6:7, 6:3, 6:3).
Мечот со Шпанецот беше се освен егзибиција, бидејќи влогот беше голем. Дури шест милиони долари заработи победникот.
Можеби Синер можеше порано да ја заврши работата, доколку беше малку поконцентриран. Тој прв стигна до брејк во мечот и имаше големи 4:1, но Алкараз успеа да направи пресврт. На крајот Шпанецот в тај-брејк го освои првиот сет.
Во вториот сет повторно Синар прв направи брејк, а Алкараз возврати. Се чинеше дека уште еднаш ќе се повтори сценариото од првиот сет, но Синер не го дозволи тоа, уште еднаш му го одзеде сервисот на противникот и изедначи на 1:1.
Во решавачкиот сет двајцата влегоа претпазливо. Третиот сет целосно се разликуваше според интензитетото од првите два. Првиот брејк се случи во во осмиот гем. Го направи Синер и на тој начин стигна до клучна предност што не ја испушти. Алкараз со дупла сервис грешка му подари брејк. Лош начин да се реши судирот на лидерите на новата генерација.
Претходно Новак Ѓоковиќ го освои третото место со победата над Рафаел Надал со 6:3, 7:6.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
(Видео) „Шумарите“ на колена пред Брентфорд

Фудбалерите на Брентфорд го победија Нотингем Форест со 2:0 на гостински терен во 34-то коло од Премиер лигата.
Со овој натпревар беше комплетирано 34-то коло од елитното ниво на фудбал на островот, а Брентфорд им направи огромна услуга на Њукасл, Сити и Челзи.
Овие три екипи сега се на последните три места што водат кон Лигата на шампионите следната сезона, додека Форест е шести, што е доволно само за Лигата на Европа.
Гостите поведоа во 44-тата минута преку Шаде, а предноста беше удвоена во 70-тата минута преку Виза.
На Висa му асистираше голманот Флекен, што беше деветта асистенција на голман оваа сезона во Премиер лигата, што е нов рекорд. Тоа беше втора асистенција за искусниот холандски голман, а пред него е само Едерсон со неверојатни четири.
Спорт
Познато е колку ќе отсуствува Жил Кунде

Фудбалерот на Барселона, Жил Кунде, ќе отсуствува најмалку две недели поради повреда на бутниот мускул на левата нога.
„Тестовите извршени утрово покажаа дека Кунде има повреда на феморалниот бицепс на левата бутина. Враќањето на динамиката во тимот ќе биде утврдено подоцна“, се вели во соопштението на клубот, без детали за должината на паузата.
Фудбалерот на Барселона, Жил Кунде, заработи повреда на натпреварот со Интер (3:3).
Шпанските медиуми истакнуваат дека Французинот ќе биде надвор од терените најмалку две недели, што значи дека нема да игра на реваншот од полуфиналето на Лигата на шампионите против Интер следната недела во Милано, како и на „Ел Класико“ во кое Барселона го пречекува Реал на 11 мај во можеби решавачкиот дуел за титулата шпански шампион.
Претходниот викенд, Кунде постигна гол во продолжението за победата на Барселона од 3:2 против Реал во финалето на Купот на кралот.
Спорт
Дончиќ по елиминацијата: Психички сум исцрпен

Лука Дончиќ ја сумираше најтурбулентната сезона во неговата кариера по поразот на Лејкерси од Минесота и елиминацијата од плејофот.
Словенецот го одигра последниот натпревар од серијата и покрај повредата на грбот.
„Грбот не ми е добар, не се чувствувам добро, но се обидов да играм и да му помогнам на тимот. Во целата серија со Минесота, не играв онака како што требаше да играм, а не игравме ни ние толку добро како тим. Минесота беше подобра“, рече Дончиќ.
Накратко, тој го сумираше периодот поминат во франшизата Лос Анџелес.
„Да се биде играч на Лејкерси е фантастично, навивачите исто така ме прифатија одлично. Среќен сум што сум тука, веќе имам неколку одлични моменти зад мене каде што се обидов да научам што е можно повеќе за тимот, градот, се обидов да го обработам сето тоа“.
Неизбежна тема на ова интервју со новинарите беше размената од Далас, бидејќи тоа е момент кој, секако, ја одбележа не само сезоната туку и кариерата на Дончиќ.
„Искрено, не знам како да се чувствувам во врска со размената. Кога ќе размислам по сè што се случи, сум ментално исцрпен. Сега е моментот конечно да го обработам сè што се случи. Искрено, дури и не знам што научив за себе од тогаш, сега е моментот за анализара.“
Дончиќ има лето полно со големи одлуки пред себе. Покрај тоа што, како што вели, ќе треба да го анализира сè што му се случи оваа сезона, ќе мора да размисли и за продолжување на соработката со Лејкерси.
Договорот истекува во 2026/2027 година. Дончиќ најверојатно ќе го продолжи договорот.
„Сè уште не сум размислувал за тоа. Бев целосно фокусиран на кошарката. Сега е време да размислувам и на таа тема“, рече Словенецот.
Секако, очекувана е и одлуката да игра за словенечката репрезентација на Евробаскетот.