Спорт
Синер преку Медведев до полуфиналето на Ју-ес опен

Јаник Синер е последниот полуфиналист на Ју-ес опен. Пласман меѓу најдобрата четворка на турнирот во Њујорк избори со победата над Данил Медведев 6:2, 1:6, 6:1, 6:4. На првиот тенисер во светот му беа потребни два часа и 39 минути за да го совлада некогаш најдобриот, а денеска петти на светската ранг-листа.
Ова беше 13. меѓусебен дуел меѓу Синер и Медведев. Со победата Италијанецот го намали резултатот на 6:7 во однос на рускиот тенисер. Синер оваа година има биланс од 53 победи и пет порази.
Натпреварот меѓу Синер, победникот на овогодинешното издание на Австралија опен, и Медведев беше последен во четвртфиналето, Комплетирани се полуфиналните двојки, Синер ќе игра против Британецот Џек Дрејпер, 25. носител на турнирот, за кого ова е најдобар резултат на Грен слем турнирите.
Во второто полуфинале ќе играат Американците, 12. носител Тејлор Фриц и 20. Френсис Тиафо.
Полуфинални парови на Ју-ес опенб:
Тенисери:
Синер (1) – Дрејпер (25)
Фриц (12) – Тиафое (20)
Тенисерки:
Пегула (6) – Мучова
Сабаленка (2) – Наваро (13)
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
Зошто само Вучиќ и Фицо дојдоа од Европа на историската парада на Шји во Кина?

Речиси сите европски лидери одлучија да ја бојкотираат кинеската воена парада по повод Денот на победата во Пекинг, со исклучок само на двајца лидери, чие присуство предизвика многубројни контроверзии, пишува Би-би-си.
Тоа се словачкиот премиер Роберт Фицо и српскиот претседател Александар Вучиќ, кои со тоа повторно се најдоа во центарот на вниманието. И двајцата присуствуваа на руската парада за Денот на победата во Москва во мај и исто како и тогаш, и сега во Пекинг се сретнаа со рускиот претседател Владимир Путин.
Иако двајцата пристигнаа во Пекинг, нивните мотиви се разликуваат. Србија, иако е кандидат за членство во ЕУ, има блиски економски односи со Кина и се обидува да одржи неутрален став кон Русија и покрај осудите на војната во Украина.
Од друга страна, позицијата на Роберт Фицо е многу посложена. Неговата Словачка е членка и на ЕУ и на НАТО, но Фицо отворено повикува на нормализација на односите со Русија.
Додека Брисел планира да го прекине увозот на руска нафта и гас до крајот на 2027 година, словачкиот премиер сака да го зголеми снабдувањето на својата земја со руски енергетски производи и покрај напорите на Украина да го прекине гасоводот.
Остра порака од Брисел
Додека Путин го фали Фицо за неговата „независна надворешна политика“, европските сојузници го гледаат тоа сосема поинаку.
На прашањето дали словачкиот премиер ја претставува Европската Унија во Пекинг, портпаролката на Европската комисија даде краток и јасен одговор – „не“. Таа нагласи дека Кина е клучен поддржувач на Русија во војната против Украина.
Политичките противници на Фицо во Словачка го обвинуваат дека служи на руската пропаганда и дека ги предал интересите на сопствената земја. Самиот Фицо го оправдува своето доаѓање со тоа што наведува дека е во Пекинг „додека се формира новиот светски поредок“.
По разговорот со Путин, тој рече дека дошол до неколку заклучоци и дека има сериозна порака за украинскиот претседател Зеленски, со кого треба да се сретне в петок.
Фото: ЕПА
Спорт
Шпанија може да испадне од Евробаскетот

Бранителот на титулата на Шпанија се соочува со елиминација од Европското првенство веќе во првата фаза.
Во пресрет на последното коло, селекцијата на Серѓо Скариоло е трета во групата, зад Грција и Италија, со резултат 2-2, исто како и Грузија и Босна и Херцеговина.
Шпанците ќе го играат решавачкиот натпревар против Грција, а во случај на пораз, можат да се паднат на претпоследното место во групата, со што ќе бидат елиминирани веќе во првата фаза, што на трофејната селкеција не и се случило никогаш во историјата.
За да се случи ова Шпанија треба да загуби од Грција, а Босна и Херцеговина да слави против Грузија, што би ги направило овие две селекции да се пробијат на третото и четвртото место.
Да ве потсетиме дека Шпанија беше поразена од Грузија во меѓусебен дуел, па во случај ист скор со Грузијците, на крајот би биле елиминирани (2-3).
Босна и Херцеговина и во случај на победа на Шпанија над Грвција ќе се пласира во нокаут фазата.
Може да биде проблематично што натпреварите од последното коло не се играат во исто време.
Грузија и Босна и Херцеговина ќе го играат првиот натпревар, Шпанците и Грците подоцна, Италија и Кипар ќе играат последни, што во основа значи дека Шпанците веќе ќе знаат што да прават ако Грузијците победат – во тој случај, само победата ги остава на Евробаскетот.
Спорт
Триесет секунди пред крајот на преодниот период Њукасл го заврши трансферот на Виса

Завршницата на преодниот рок беше особено возбудлива во Њукасл, кој го во фото-финиш комплетираше трансферот на напаѓачот Јоан Виса.
Виса пристигна од Брентфорд како дополнителна опција во нападот, откако клубот, малку порано, го сруши клупскиот рекорд со трансферот на Ник Валтемаде од Штутгарт за 85 милиони.
И двајцата ќе имаат задача да го компензираат заминувањето на Александар Исак во Ливерпул за 150 милиони евра.
Повеќе од една третина од тие пари Њукасл издвои за Виза (58 милиони), но тој трансфер речиси пропадна поради невниманието на самиот играч, бидејќи не потпиша еден од документите од договорот.
Како што откри „Скај Спортс“, поради невниманието на Конгоанецот, еден од неговите агенти буквално мораше да трча до тренинг-центарот на Њукасл, со хартија во рака, за да ја најде Виса за да може да го потпише преостанатиот документ.
Без иницијалите на Конгоанецот, Премиер лигата немаше да даде „зелено светло“ за трансферот.
Конечно, потписот беше потврден во 20:59 – триесет секунди пред затворањето на преодниот рок.
Foto/ EPA