Шкотскиот стручњак Дејвид Мојс се врати во Евертон. 61-годишникот од Глазгов на клупата го наследи Шон Дајч, кој доби отказ во четвртокот.

Дајч доби отказ, поради лошите резултати, Евертон е 16-ти во Премиер лигата, само еден бод над зоната за испаѓање. Клубот од Гудисон Парк има само три победи од 19 натпревари во Премиер лигата.

Евертон го победи третолигашот Питерборо Јунајтед со 2-0 во третото коло од ФА Купот во четвртокот, при што тимот го водеа капитените, поранешниот и сегашниот, Лејтон Бејнс и Шејмус Колман.

Мојс во Евртон се врати по 12 години, претходно го предводеше клубот од 2002 до 2013 година. Во 2013 се пресели во Манчестер јунајтед како наследник на неговиот познат сонародник Алекс Фергусон, но тој беше отпуштен по 10 месеци. Тој подоцна беше тренер на Реал Сосиедад, Сандерленд и Вест Хем во два наврати и ја освои Конференциската лига на УЕФА со клубот од Лондон во 2023 година.

Гаел Монфис испиша историја на турнирот во Окленд, стана најстариот шампион од 1990 година кога е основан АТП тур. Французинот со 38 години и четири месеци го собори рекордот на Роџер Федерер од Базел 2019 година, тогаш Швајцарецот триумфираше на возраст од 38 години и два месеци.

„Многу ми значи овој триумф“, рече Монфис по победата над Белгиецот Зизу Бергс со 6:3, 6:3 и дополни.

„Годините се само бројка. Продолжувам да работам, да верувам дека можам да играм квалитетен тенис и тоа го покажав оваа недела. Многу сум среќен“.

Еден од најхаризматичните тенисери сега има 13 трофеи во кариерата. Инаку првиот трофеј во кариерата, Монфис го освои во далечната 2005 година во Сопот, Полска.

Денвер го совлада Бруклин со 124:105, во натпревар во кој Никола Јокиќ и Расел Вестбрук испишаа историја во НАБ лигата.

Јокиќ се врати во тимот на Денвер, откако поради болест пропушти два натпревари. Натпреварот го заврши со 15. трипл-дабл сезонава. Актуелниот МВП имаше 35 поени, 12 скока и 15 асистенции.

Двоцифрен во три статистички категории беше и ветеранот Вестбрук (25 поени, 11 скока и 10 асистенции).

Ова дуо по трипл-дабл забележа и пред новогодишната ноќ во Солт Лејк Сити кога Денвер ја победи Јута Џез со 132:121. Против Бруклин станаа првиот тандем соиграчи што забележал трипл-дабл на два натпревари во иста сезона.

NIKOLA JOKIC AND RUSSELL WESTBROOK ARE JUST THE 2ND TEAMMATES IN NBA HISTORY TO RECORD A TRIPLE-DOUBLE IN THE SAME GAME MULTIPLE TIMES 🔥 pic.twitter.com/sD2OYN2L52

— SpunkCenter (@SpunkCenter) January 11, 2025

Мајкл Портер Јуниор го постигна 17 поени, Џулијан Стротер додаде 12, а Кристијан Браун постигна 11 поени.

Кион Џонсон го предводеше Бруклин со 22 поени, Тајрис Мартин постигна 17, Ноа Клуни 15, а заборавениот Бен Симонс имаше десет поени и седум асистенции.

Резултати:

Индијана – Голден Стејт 108:96
Орландо – Милвоки 106:109
Филаделфија – Њу Орлеанс 115:123
Бостон – Сакраменто 97:114
Њујорк – Оклахома 101:126
Чикаго – Вашингтон 138:105
Денвер – Бруклин 124:105