Фудбалскиот клуб Еспањол побара Ла Лига да го поништи неговото испаѓање во Втората лига. Од клубот оцениле дека неправедни биле условите во кои била завршена сезоната откако таа беше ре-стартирана поради пандемијата со коронавирусот.

Еспањол сезоната 2019/2020 ја заврши на последното место. Кога сезоната беше ре-стартирана Еспањол одигра 11 натпревари, победи на само еден.

„Крајот на сезоната не беше праведен од спортски аспект бидејќи условите не беа еднакви за сите на последните мечеви“, рекле од клубот.

Покрај Еспањол и Депортиво Ла Коруња побараа да биде преиспитана одлуката за нивното испаѓање од Втората во Третата лига.

Ла Коруња не го одигра натпреварот од последното коло против Фунлабрада во чии тим ден пред натпреварот неколку играчи беа заразени со коронавирусот.

Депортиво испаднаа бидејќи нивните директни ривали забележаа победи, а на крајот ниту Фуенлабрада не доби можност да игра бараж за пласман во елитниот ранг на шапнскиот фудбал.

Деневер, Лејкерси и Индијана забележаа победи на натпреварите во НБА лигата. ЛА Лејкерс со победата над Јута Џеџ 116:108 го обезбедија првото место во Западната конференција пред почетокот на плј-офот.

Лејкерси натпреварот против Јута го решиа во третиот период кога дојдоа до двоцифрена предност. Ентони Дејвис блескаше со 42 поени и 12 скокови, Леброн Џејмс забележа 22 поени, осум скока и девет асистенции.

Денвер Нагетс во драматичен меч успеа да слави против Оклахома тандер со 121:113. Победникот беше решен во продолжението откако во регуларниот дел резултатот беше 109:109. Крис Пол во самиот финиш погоди само едно од двете слободни фрлања.

Денвер со трипл-дабл го предводеше Никола Јокиќ со 30 поени, 12 скока и 10 асистенции, а Мајкл Портер јуниор го одигра мечот на јариерата (37 поени и 12 скока).

Денвер се трети на Западот, а Оклахома е на шестото место и можно е овие два тима да се сретнат во плеј-офот.



Индијана предводена од ТиЏеј Ворен успеа да ги победи Вашингтон Визардс со 111:110. Ворен натпреварот го заврши со 34 поени и 11 скока.

Мото ГП шампионот Марк Маркез мораше да оди на втора операција за да се поправи оштетената плочка поставена во неговата рака, зголемувајќи ги сомнежите дека одбраната на титулата ќе биде невозможна за Шпанецот.

Маркез ја повреди раката при падот за време на првата трка од сезоната во Шпанија, по што веднаш беше однесен на операција, но се врати само три дена подоцна во обид да се натпреварува на трката во Андалузија, но се повлече по квалификациите.

Пред Чешкото ГП во Брно, пак, тој мораше да оди на нова операција во Барселона за поправање  на плочката и сега ќе мора да остане во болница барем 48 часа. Останува да се види дали тој ќе може да се врати на неделната трка.

Фабио Квартараро по двете победи во Херез има 50 поени предност во генерален пласман, кои можат да бидат одлучувачки во скратената Мото ГП сезона.