Спорт
Сите играчи на Челси се на продажба
Тод Боли, газдата на Челси, ќе преземе радикални чекори во летниот преоден рок. Клубот од почетокот на сезоната вложи 611 милиони евра на засилувања и доживеа фијаско во сите натпреварувања.
Челзи беше елиминиран од Реал Мадрид во четвртфиналето на Лигата на шампионите со вкупни 4:0, претходно тимот испадна од ФА и Лига купот, а во Премиер лигата се наоѓа на 11. место.
Тод Боли, според англиските медиуми, веќе донел одлука да ги намали платите на играчите за 30 отсто, но тоа правило нема да важи за сите. Оваа мерка важи само за играчите кои дојдоа во Челзи оваа зима и оние кои неодамна ги продолжија договорите со лондонскиот клуб.
„Football Transfers“, пишва дека втората мерка на Боли е да ги стави на трансфер листата сите играчи.
Според овој извор, во случај на поволна понуда во текот на летниот преоден рок, секој играч може да го напушти Челзи.
Во моментов Челзи има состав од 32 играчи, најскап меѓу нив е Енцо Фернандез, со пазарна вредност од 85 милиони евра, според „Трансфермаркт“.
Рахим Стерлинг, Кристијан Пулишиќ, Пјер-Емерик Обамејанг, Хаким Зијеш, Мејсон Маунт, Калуду Кулибали и Конор Галагер веќе се на половина пат да го напуштат Челзи на лето, откако не ги оправдаа очекувањата оваа сезона.
Челзи е на 11. место во Премиер лигата, со 17 бода помалку од четвртото место кое води во Лигата на шампионите.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Барселона рутински го реши Елче – Јамал го прекина голгетерскиот пост
Фудбалерите на Барселона го победија Елче со 3:1, во натпреварот од 11-то коло на шпанската Ла Лига.
Избраниците на Ханси Флик не си дозволија уште еден неуспех и ја имаа контролата од почетокот на натпреварот.
Со својот прв гол по повеќе од два месеци во првенството, Ламин Џамал и донесе водство на Блауграна во деветтата минута, а само две минути подоцна Феран Торес го дуплираше водството.
Рафа Мир им ја врати надежта на гостите од Елче во 42-та минута, непосредно пред паузата.
Во 61-та минута, Маркус Рашфорд, со удар од гредата, ја врати предноста од два гола на домашниот тим, чија победа не беше доведена во прашање.
Вреди да се спомене, дека Рафа Мир ја погоди стативата десет минути подоцна, но немаше промена на резултатот.
Барса е втора на табелата со 25 бода, пет помалку од лидерот Реал, додека Елче е деветти со 14 бода.
Foto/ EPA
Спорт
(Видео) Хаотично дерби во Турција – Фенер од 2:0 до победа 2:3 кај Бешикташ
Дербито од 11-то коло од турската фудбалска лига помеѓу Бешикташ и Фенербахче (2:3) беше обележано со зголемени тензии кои кулминираа со инцидент во првото полувреме.
Откако атмосферата веќе беше напната поради црвените картони на дуото на Бешикташ, Оркун Кокчу поради груб фаул и Серген Јалчин (надвор од теренот), фудбалерот на Фенербахче, Марко Асенсио, беше погоден во главата со предмет фрлен од трибините.
29-годишниот шпански крилен напаѓач, поранешен играч Реал и ПСЖ, се приближи до корнер знаменцето во 30-та минута за изведе корнер. Во тој момент, непознат предмет излета од трибините и го удри, по што Асенсио падна на тревникот.
Се гледа како Асенсио е во болка додека разни предмети, шишиња и чаши паѓаат околу него.
Asensio'nun tinercilerin kafasına attığı madde sonucunda yerde kaldı. Fenerbahçe oyun başlayınca golü buldu. pic.twitter.com/xoJSHO83UD
— Fener Shadow (@fbshdow) November 2, 2025
Бешикташ поведе со 2:0 со головите на Ел Билал Туре во петтата минута и Емирхан Топчу во 22-та минута.
Откако Бешикташ остана со играч помалку на теренот, Фенербахче се врати во игра со головите на Исмаил Јуксек во 32-та и Асенсио во третата минута од судиското продолжение.
Atılan maddeler sonrası acı içinde yerde kalan Asensio intikam alıyor. pic.twitter.com/m91djRX7XJ
— Fener Shadow (@fbshdow) November 2, 2025
Џон Дуран донесе пресврт и победа на Фенер со гол во 83-та минута.
Dorgeles Nene, golün ardından tribünlerden atılan su şişesini tutuyor. 😂
— Fener Shadow (@fbshdow) November 2, 2025
Спорт
(Видео) Халанд го реши Борнмут
Манчестер сити во дербито го победи Борнмут со 3:1 и се искачи на второто место на табелата. „Граѓаните“ имаат шест бода помалку од Арсенал, зад нив со по 18 поени се Ливерпул и Борнмут.
„Граѓаните“ изгледаа одлично на теренот, играа онака како што сака Пеп Гвардиола и стигнаа до заслужена победа и второ место.
Халанд ја отвори серијата во 17-та минута, а осум минути подцна Донарума ги честеше гостите. По неговата грешка Адамес изедначи. Халанд со својот втор гол во 33-та минута им ја врати предноста на „граѓаните“.
Норвежанецот продолжи да ги тероризира противничките одбрани оваа сезона, веќе постигна 26 гола на 16 натпревари во сите натпреварувања, од кои 13 гола во Премиер лигата.
Точка на мечот, со деби голот за Сити, стави О’Рајли во 60-та минута.
Foto/ EPA

