Спорт
Сите против Суперлигата, но дали „новата“ ЛШ на УЕФА е многу подобра?
По „бомбата“ со објавувањето на планот за Европската Суперлига (ЕСЛ) на 12-те најмоќни европски клубови следуваа голем број на осуди, од обични фанови, до фудбалери, до поранешни фудбалски легенди.
Одговор на планот дојде денеска со објавата на новиот формат на европски натпреварувања на УЕФА, почнувајќи од 2024. Но, дали тоа е нешто подобро и навистина носи повеќе за „малите“ клубови, „малите“ фудбалски нации и обичните фанови?
Извршниот комитет на УЕФА во Монтро, Швајцарија, едногласно го одобри планот, со кој ќе се направат големи промени на европските натпреварувања од сезоната 2024/25. Што точно има во него?
Лигата на шампионите, елитното натпреварување, се зголемува од 32 на 36 клуба, и наместо натпревари по групи има лигашки статус, и секој клуб ќе има гарантирано 10 лигашки натпревари против 10 различни противници (пет дома, пет на гости). Најдобрите осум влегуваат во нокаут-фазата, а од 9 до 24 место играат во плејоф за влез во осминафинале.
Слични промени ќе има и во Лига Европа (8 меча во лигашкиот дел) и во Конференциската Лига Европа (6 меча во лигашкиот дел).
Квалификациите за ЛШ ќе продолжат да бидат „отворени“ и ќе се заслужуваат според перформансите во домашните шампионати. Сепак, наместо како досега, четири клуба од големите фудбалски нации да имаат место во ЛШ, постои можност и петта екипа да игра во елитата. Тука е и „бонусот“ – две места кои ќе ги добиваат клубовите со највисок коефициент во последните пет години кои не влегле во групната фаза на ЛШ, но играле во квалификациите или во Лига Европа.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Драконска казна во Холандија – клуб исфрлен од првата лига
На фудбалскиот клуб Витезе му беа одземени 18 бодови, по што и официјално испадна од првата холандска лига, соопшти Фудбалскиот сојуз на Холандија (КНВБ).
„Независниот комитет за лиценцирање на КНВБ му изрече санкција на Витезе од минус 18 бодови. Клубот од Арнем ја доби оваа казна затоа што повеќепати не ги исполнуваше барањата од прописите за лиценцирање играчи во подолг временски период“, се вели во соопштението на КНВБ.
Витезе сега има минус еден бод и автоматски го загуби прволигашкиот статус на четири кола пред крајот на првенството.
Најголемиот успех во историјата клубот од Арнем го постигна во сезоната 2016/17 кога го освои Купот на Холандија.
Последен пат Витезе играше во Европа во сезоната 2021/22, кога беа елиминирани од подоцнежниот освојувач Рома во осминафиналето на Конференциската лига.
Спорт
Бакс без Јанис во првото коло од плеј-офот
Милвоки Бакс се соочува со значителен проблем пред почетокот на плеј-оф серијата во која ривал ќе им биде Индијана Пејсерс. Бакс нема да може да смета на Јанис Адетокумбo.
Како што пренесе Шамс Чаранија, Адетокумбо ќе мора да паузира од две до четири недели поради повредата на потколеницата со која се здоби на натпреварот против Бостон Селтикс.
Овие првични проценки за повреди секако значат дека Адетокумбо сигурно ќе го пропушти првото коло од плеј-офот и натпреварите со Индијана.
Плеј-офот за Бакс започнува ноќта помеѓу недела и понеделник, а тие се домаќини во првиот натпревар.
Спорт
Ивановиќ ќе добие отказ во Басконија
Кошаркарите на Басковнија, вечерва (20.30 часот) го играат решавачкио натпревар во Евролигата. Доколку го победат Виртус ќе играат во плеј-оф против Реал Мадрид.
Прашање е дали пласманот во плеј-офот може да ја спаси сезоната, бидејќи Басконија „виси“, кога е во прашање плеј-офот во домашното првенство. Во шпанското првенство се на прагот на плеј-офот.
Шпанските медиуми пишуваат дека Душко Ивановиќ би можел да ја напушти Басконија. Црногорскиот тренер го одработува четвртиот мандат во клубот. Пристигна во текот на сезоната од Црвена звезда.
Замена за Ивановиќ би требало да биде актуелниот тренер на Гран Канарија, Јака Лаковиќ, кој има клаузула во договоорт дека може да замине во тим што настапува во Евролигата.
Локалниот медиуми, „Ла Провинсија“ наведува дека Лаковиќ е првиот избор на баскискиот тим за следната сезона. Овој извор пишува дека Басконија ќе треба да плати одредена сума за да го нагажира Лаковиќ.
Лаковиќ лани со Гран Канарија го освои Еврокупот, претходно тој беше тренер на Улм.