Спорт
Сити без мака во четврт-финалето, продолжува сезоната од соништата за Колчестер (видео)
Манчестер сити со 3:1 го совлада Саутемптон за рутински да се планира во четврт-финалето на Англискиот лига куп, еден од трите домашни трофеи кои ги освоија минатата сезона.
Николас Отаменди во 20. минута го отвори резултатот, пред во 38. минута Серхио Агуеро да донесе 2:0 предност за „граѓаните“. Агуеро во 56. минута зголеми на 3:0 и на Саутемптон им се закануваше нова катастрофа по 9:0 поразот од Лестер во Премиер лигата, но тимот на Пеп Гвардиола не отиде до крај. Џек Стивенс даде утешен гол за Саутемптон во 75. минута.
Колчестер јунајтед пак, третолигашот кој претходно успеа да ги елиминира Кристал палас и Тотенхем во натпреварувањето, го продолжи сонот со 3:1 победа кај Краули. Ова е најголем успех во историјата на овој клуб, израмнувајќи го четврт-финалето од сезоната 1974/75.
Лестер исто така е во четврт-финалето по 3:1 победата над Бартон, исто како и Евертон, кој со 2:0 го совладаа Ватфорд.
ЕФЛ КУП, 1/8 ФИНАЛЕ
Бартон – Лестер 1:3
Краули – Колчестер 1:3
Евертон – Ватфорд 2:0
Манчестер сити – Саутемптон 3:1
Оксфорд јунајтед – Сандерленд 1:1, 4:2 пен.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Во сообраќајна несреќа тешко повреден Бабнгида, брат му загина, сопругата и детето се во критична состојба
Поранешниот нигериски фудбалер Тијани Бабангида (50) имал тешка сообраќајна несреќа на автопатот во Нигерија, а во несреќата загинал неговиот три години помлад брат Ибрахим.
Тијани, неговата сопруга, син и куќна помошничка, кои исто така биле во автомобилот, со тешки повреди биле примени во болница.
Некои медиуми тврдат дека Тијани е свесен, а остатокот од семејството сѐ уште е во критична состојба, но закрепнува.
Тијани Бабангида беше репрезентативец на Нигерија од 1994 до 2004 година и играше на Светското првенство во 1998 година, а најголема трага во клупскиот фудбал остави во Ајакс во периодот од 1996 до 2003 година.
Тијани моментно е претседател на Здружението на професионалните фудбалери на Нигерија. Фудбал играше и трагично загинатиот Ибрахим. Најмногу играше за африкански клубови, но стигна и до холандски Волендам.
Спорт
Евролига: Прочида најдобар млад играч
Кошаркарот на Алба од Берлин, Габриеле Процида е прогласен за најдобар млад играч на Евролигата, објавено е на веб-страницата на елитното натпреварување.
Прочида е третиот Италијанец кој ја освоил престижната награда, по Андреа Барњани (2005/06) и Данило Галинари (2007/08).
Талентираниот кошаркар имаше голема конкуренција за наградата, особено од неговиот соиграч од Алба и сонародник Матео Спањоло.
Сепак, тој имаше поголема улога во тимот, поради што и го доби признанието кое го изгласаа тренерите на екипи во Евролигата.
Оваа сезона имаше просек од 8,3 поени, 1,6 скока и 1,4 украдени топки.
Сезонава 10 пати имаше двоцифрен учинок, а најдобра партија ја имаше против Макаби, кога мечот го заврши со 22 поени и три украдени топки.
Спорт
Дест се враќа во Барселона – ПСВ нема да го откупи неговиот договор
Сержињо Десет како позајмен од Барселона во ПСВ ја освои титулата во Холандија со клубот од Ајндховен. Сепак ПСВ нема да го откупи неговиот договор и покрај тоа што во клубот биле задоволни од неговите изданија. Причината е повредата на коленото од која репрезентативецот на САД се уште не се рехабилитирал.
Дест во јуни ќе се врати во Барселона каде ќе ја продолжи со рехабилитацијата по операцијата на коленото во Холандија.
Дест се пресели од Ајакс во Барселона во 2020 година, вкупно за Барселона одигра 72 натпревари и постигна три гола.
Тој минатата сезона замина на позајмица во Милан, незадоволен од својата минутажа во Барселона, а оваа сезона ја мина на позајмица во ПСВ.
Се очекува тој да се врати на терените на почетокот на 2025 година.