Спорт
Сити го растури Барнли, хет-трик на Халанд

Фудбалерите на Манчестер сити први изборија пласман во полуфиналето на ФА Купот. На домашен терен убедливо го поразија лидерот во Чемпионшип, Барнли, со 6:0.
На клупата на Барнли седи легендата на Манчестер сити, Венсан Компани, кој со овации беше пречекан од публиката на „Етихад“.
Дуелот учителот и ученик заврши со очекувана победа на првиот.
Второлигашот добро се држеше во првиот половина час, се до моментот кога Халанд го постигна првиот од трите гола на овој натпревар. Три минути подцна Норвежанецот уште еднаш погоди. Хет-трикот го комплетираше во 59.минута.
хет-трик во 59. минута, а потоа неколку минути подоцна Гвардиола го соблече исто како што направи неодамна против Лајпциг кога постигна пет гола.
Во преостанатиот дел од натпреварот два гола постигна Хулијан Алварез (62. и 72. минута) и 20. годишниот Кол Палмер (68) за конечни 6:0.
Македонскиот репрезентативец Дарко Чурлинов поради повреда го пропушти натпреварот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
(Видео) Спектакуларен гол на 42-годишниот Тијаго Силва

Поранешниот играч на ПСЖ, Челзи и Милан, Тијаго Силва, му донесе победа на својот Флуминенсе во 98-та минута со брилијантен гол за триумф над Хувентуд во бразилското првенство.
Силва, кој цела кариера игра како централен дефанзивец, дојде на скок пред голот на противникот, постигна гол со акробатски потег.
O gol espírita que o Thiago Silva arrumou no último lance pro Fluminense no Maracanã: inacreditável o que esse cara joga aos 41 anos!
“O mito que a torcida consagrou”, canta a galera na arquibancada
— Marcelo Hazan (@Marcelo_Hazan) October 17, 2025
Силва пристигна во Милан од Флуминенсе во 2009 година, а набрзо се покажа дека вреди повеќе од 10 милиони евра, кои италијанскиот клуб ги плати за него.
По три сезони во Милано, тој се пресели во ПСЖ за 42 милиони евра, а осум сезони помина во Париз и стана капитен. После тоа, тој се пресели во Челзи како слободен играч, а од пред една година игра за Флуминенсе.
Тој беше шампион на Италија со Милан, освои седум француски првенства со ПСЖ, а ја освои и Лигата на шампионите со Челзи во сезоната 2020/2021.
За бразилската репрезентација, Силва има 113 настапи и седум гола. Тој ја освои Копа Америка со Бразил во 2019 година. Моментално е капитен на Флуминенсе, за која има 36 настапи и три гола оваа сезона и е седми на табелата во лигата.
Спорт
Јамал е меѓу 10-те најплатени во светот, листата ја предводи Роналдо

18-годишниот фудбалер на Барселона и шпански репрезентативец Ламин Јамал влезе на листата на најплатени фудбалери. Магазинот „Форбс“, објави ранг-листа на која Јамал е на 10-то место, со заработка од 37 милиони евра во изминатата сезона.
Најголемата причина за таков скок на заработката на Јамал се потпишаните договори за спонзорство со голем број познати компании (Adidas, Konami, Powerade и Beats by Dre – брендот за слушалки порзан со музичкиот продуцент и поранешен рапер Др. Дре).
Јамал постигна 18 гола и забележа 25 асистенции минатата сезона.
Минатата година го освои Европското првенство со Шпанија и титулата шпански шампион и Кралскиот куп со Барселона. Тој потпиша и нов договор, кој го обврзува со Барселона до 2031 година.
Кристијано Роналдо е сè уште прв на листата на „Форбс“.
Португалецот заработи 240 милиони евра минатата сезона во Саудиска Арабија, играјќи за Ал Наср. На второто место е Лионел Меси со значително помала заработка од 110 милиони евра.
Рангирањето на најплатените фудбалери во последната сезона според Форбс:
1. Кристијано Роналдо (Ал-Наср): 240 милиони евра
2. Лионел Меси (Интер Мајами): 110 милиони евра
3. Карим Бензема (Ал-Итихад): 89 милиони евра
4. Килијан Мбапе (Реал Мадрид): 81 милион евра
5. Ерлинг Халанд (Манчестер Сити): 60 милиони евра
6. Винисиус Жуниор (Реал Мадрид): 51 милион евра
7. Мохамед Салах (Ливерпул): 47 милиони евра
8. Садио Мане (Ал-Наср): 37,5 милиони евра
9. Џуд Белингам (Реал Мадрид): 37,5 милиони евра
10. Ламин Јамал (Барселона): 37 милиони евра
Спорт
Барселона води интензивни преговори со Влаховиќ

Душан Влаховиќ (25), напаѓач на Јувентус и српската репрезентација и најскапиот фудбалер во историјата на таа земја, би можел да се пресели во Барселона во јануари.
Италијанските и шпанските медиуми пишуваат дека преговорите меѓу актуелниот шампион на Шпанија и централниот напаѓач на Јуве започнале во летниот преоден рок, но разговорите меѓу спортскиот директор на Барса, Деко, и менаџерот на Влаховиќ, Дарко Ристиќ, се интензивирале во последно време.
Истите извори додаваат дека се очекува преговорите да станат уште поконкретни до јануари. Причината за ова е што договорот на Влаховиќ со Јувентус истекува на лето.
Планот на Деко е да го донесе наредното лето без обесштетување, но доколку постои шанса да го добие напаѓачот по дисконтна цена во јануари, тогаш во игра е и таа опција.
Влаховиќ е интересен за Барселона од две причини. Поради тешката финансиска ситуација бара напаѓач за кого ќе плати минимално или никакво обештетување. Исто така, клубот мора да најде напаѓач бидејќи договорот на Роберт Левандовски исто така истекува на лето, а тој има 37 години и штотуку претрпе сериозна повреда.
Затоа Барса го гледа Влаховиќ, кој е 12 години помлад и лесно достапен, како совршена замена за полската легенда.
Покрај тоа, Влаховиќ веќе некое време сака да го напушти Јувентус. Јувентус го донесе од Фиорентина во јануари 2022 година со надомест од 83,5 милиони евра, што го прави најскапиот српски фудбалер на сите времиња. Оттогаш, Влаховиќ постигна 62 гола и на 153 натпревари за Јувентус.