Спорт
Сити го растури Ливерпул
Фудбалерите на Манчестер сити го декласираа Ливерпул со 4:1 (1:1), во дербито на колото во Премиер лигата. Ситиуште еднаш одиграа одличен натпревар, а особено импресивни беа во второто полувреме. Со ист број на одиграни натпревари, по 28, Сити сега има пет бода помалку од лидерот Арсенал. Ливерпул се шести на табелата, но во зависност од резултатите во ова коло можат да паднат на деветтото место.
Манчестер сити му одржа час по фудбал на Ливерпул и покрај тоа што „црвените“ го постигнаа првиот гол на мечот. Салах одлично реагираше и ја реализираше контрата на Ливерпул во 17.минута.
Од тој момент Сити запона да го „гази“ противникот. Јирген Клоп не најде начин како да ја запре осовината Грилиш-Де Брујне-Марез.
Десет минути по голот на Салах, сјајна тимска акција на Сити, која со гол за заврши Хулијан Алварез.
50 секунди игра во вториот дел им беа потребни на домаќините за да го постигнат вториот гол. Погоди Де Брујне. Седум минути подоцна Гундоган ги разреши дилемите околу конечниот победник.
Во 74. минута играчот на натпреварот Грилиш стави точка на мечот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Бањаја ја освои Каталуња, Мартин втор, Маркез трет
Актуелниот шампион Пеко бањаја победи на трката за Големата награда на Каталуња. Возачот на Дукати победи пред лидерот во првенството, Хорхе Мартин (Прамак Дукати) и Марк Макркез (Гресини Дукати).
Бањаја на најдобар начин се рехабилитира за вчерашната грешка во спринт трката, кога како лидер падна и не ја заврши трката. Италијанецот стартуваше добро, ја презеде лидерската позиција. До крајот на петтиот круг го престигнаа Педро Акоста и Хорхе Мартин.
Додека Мартин напред се обидуваше да изгради некаква предност, Бањаја се бореше со Акоста. Дебитантот не успеа да го издржи притисокот, направи грешка заврши надвор од патеката, а потоа Бањаја тргна во лов на Мартин.
Успеа да го престигне на шест круга до крајот. а потоа со речиси две секунди предност како прв ја мина целта.
Третото место му припадна на Макрз, кој имаше уште една одлична трка, бидејќи од 14.место успеа да дојде до подиумот.
Вчерашниот победник во спринт трката, Алеиш Еспаргаро, кој се повлекува на крајот од сезоната, последната трка пред своите навивачи ја заврши на четвртото место.
Генерален пласман: Хорхе Мартин (Прамак Дукати) 155, Франческо Бањаја (Дукати) 116, Марк Маркез (Прамак) 114, Енеа Бастианини (Дукати) 94…
Следната трка во Мото Гп шампионатот ќе се вози во Муџело, Италија.
Спорт
Челси сака да ја „одработи“ казната и да ја прескокне Конференциската лига
Победата на Манчестер јунајтед против Манчестер сити во финалето на ФА Купот во саботата попладне (2:1) го испрати Челзи во Конференциската лига. Сепак, англиски „Телеграф“ навестува дека Челси ќе се обиде да го прескокне ова натпреварување.
Челзи во саботата навечер на својата веб-страница и социјалните мрежи објави дека следната сезона ќе игра во Конференциската лига, но на Островот се шират шпекулации дека тоа нема да биде случај.
Се шпекулира дека Челзи би можел да го следи примерот на Јувентус од минатат сезона.
Јувентус постигна договор со Европската фудбалска унија да се повлече од Конференциската лига и со тоа практично да ја одработи казната поради прекршување на правилата на финансискиот фер-плеј.
Токму тоа го наведува „Телеграф“ во написот на Мет Лоу, кој нагласува дека УЕФА ги контролира финасиите многу построго од Премиер лигата.
Понатамошната логика е јасна, ако Челзи веќе мора да прескокне сезона во Европа, тогаш најлесно е тоа да биде сезона во третото најсилно европско натпреварување.
Дали ќе биде така и дали Њукасл ќе го замени Челзи во Конференциската лига ќе биде познато наскоро.
Спорт
Арасате ја напушти Осасуна
Тренерот на Осасуна, Јагоба Арасате, последен пат го предводеше тимот во саботата. Играчите и навивачите емотивно се простија од тренерот по натпреварот помеѓу Осасуна и Виљареал кој заврши 1:1.
„Ќе се сеќавам колку им бев драг на луѓето, а денес беше кулминација на тоа. Од понеделник почнува времето за носење одлуки“, рече 46-годишниот Арасате на прес-конференција.
Медиумите шепкулираат дека тој ќе ја преземе Мајорка или да се обиде да ја подигне Севилја.
Арасате шест години ја водеше Осасуна, која сезонава ја заврши на 10. место меѓу 20-те клубови од Примера. Засега не се знае кој ќе биде новиот тренер на Осасуна.