Спорт
Сити од Лондон ќе тргне во одбрана на титулата, Ливерпул на стартот против Фулам, Челси на гости кај Евертон

Кристал Палас и Арсенал, во петок на 5.август, ќе ја отворат новата сезона во Премиер лигата.
Актуелниот шампион Манчестер сити, одбраната на титулата ќе ја започне од Лондон. „Граѓаните“ на 7.август ќе гостуваат кај Вест Хем.
Во првото коло, повратникот во лигата Фулам, ќе го пречека вице-првакот Ливерпул. Во првото коло Челси ќе гостува кај Евертон, додека Ерик тен Хаг ќе дебитира на клупата на Манчестер јунајтед против Брајтон на „Олд Трафорд“.
Дербито помеѓу Манчестер сити и Ливерпул ќе се одигра на 15.октомври на „Етихад“.
Првата пресметка помеѓу Челзи и Манчестер Сити е закажана за 2.јануари, а втората во претпоследното коло. Интересни денови ќе бидат 1.октомври и 14.јануари 20223 година, бидејќи тогаш ќе градските дуели, Сити-Јунајтед и Арсенал-Тотенхем.
На 3. септември веќе се игра првото Мерсисајд дерби меѓу Евертон и Ливерпул, а домаќин ќе бидат „карамелите“.
Сезоната 2022/23 ќе биде единствена, бидејќи вклучува пауза од 13.ноември до 26. декември поради Светското првенство во Катар. Сезоната продолжува на „Боксинг деј“кога ќе се играат натпреварите Арсенал – Вест Хем, Брентфорд – Тотенхем, Кристал Палас – Фулам и Манчестер Јунајтед – Нотингем Форест.
Комплетниот распоред во Премиер лигата за сезоната 2022/23 може да го погледнете овде .
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
(Видео) „Се вика Диого, подобар е од Фиго“

Фото/ EPA-EFE/ADAM VAUGHAN
Рано утрово, фудбалската јавност ја потресе трагичната вест за смртта на португалскиот напаѓач, Диого Жота. Трагедијата се случи во Шпанија, во близина на границата со Португалија во областа Замора.
Жота бил во автомобил со својот брат Андре (26), исто така професионален фудбалер, кога излетал од автопатот А-52 на 65-от километар во близина на општината Паласиос де Санабрија.
Двајцата загинале.
Тешко е да се добие песната на познатиот „Коп“ на стадионот на Ливерпул. Жота успеа да го добие тоа.
„Се вика Диого, подобар е од Фиго“, се само дел од зборовите со кои беше пречекан секој пат кога ќе направеше нешто големо за „црвените“. Имаше многу такви моменти во петте години додека го носеше дресот на Ливерпул.
Голови во финалето на купот, ладнокрвно изведени пенали во пенал сериите, неверојатни пробиви… Жота ќе биде запаметен во историјата на Ливерпул по сето ова. Секако, тој беше важен дел и од двете титули на Ливерпул во Премиер лигата, особено во првата во 2021 година.
Не само што остави длабок белег на „Енфилд“, туку тоа го направи и во Вулверхемптон.
На своето деби во Премиер лигата, тој постигна хет-трик против Лестер и со тоа најави каков играч ќе стане. Тој исто така му помогна на тимот од стадионот „Молино“ да стигне до Премиер лигата постигнувајќи 17 гола како позајмен играч од Атлетико Мадрид.
Одигра 49 натпревари за португалската репрезентација и постигна 14 гола.
Ќе биде запаметен. Тоа е сигурно. Песната посветена на него живее и ќе живее на „Енфилд“.
„Тој ќе нè води до победа, а кога трча по левата страна, ќе влета во средината и ќе постигне гол за Ливерпул“…
Спорт
Марка: Диого Жота загина во сообраќајна несреќа

Фото/ EPA-EFE/ADAM VAUGHAN
Португалскиот фудбалер Диого Жота (28) загина во сообраќајна несреќа.
Трагедијата се случи во Шпанија, во близина на границата со Португалија во областа Замора.
Жота бил во автомобил со својот брат Андре (26), исто така професионален фудбалер, кога излетал од автопатот А-52 на 65-от километар во близина на општината Паласиос де Санабрија.
Двајцата загинале.
⚫ Muere el futbolista del Liverpool Diogo Jota en un accidente de tráfico en la provincia de Zamora
😢 El siniestro se produjo en el kilómetro 65 de la A-52, a la altura del término municipal de Palacios de Sanabria. pic.twitter.com/Uz15fMHKoZ
— MARCA (@marca) July 3, 2025
Според сведоците, возилото било зафатено од пламен, кој потоа се проширил на блиската вегетација.
Одделот за итна медицинска помош (УИМ) и медицинскиот персонал за примарна здравствена заштита (МАП) од Здравствениот центар Момбуј можеле само да ја потврдат смртта на двајца млади луѓе на лице место.
Трагедијата е уште поголема бидејќи Диого се ожени на 22 јуни. Тој зад себе ги остави сопругата, со која се ожени пред само четири дена, и три деца.
• 22 de Junho de 2025 •
Sim, para sempre ♾️ pic.twitter.com/pZvQwKADgd— Diogo Jota (@DiogoJota18) June 28, 2025
Диого Жота кариерата ја започна во Пакош Ферерира во 2014 година. По две години се сели во Атлетико Мадрид, а потоа патото преку Порто и Вулверхемптон го однесе во Ливерпул.
За клубот од „Енфилд“ со кога сезонава стана англиски шампион, потпиша во 2020 година. Ливерпу за неговиот трансфер издвои 40 милиони фунти.
Спорт
Еспањол продаден за 200 милиони евра

Фото/ EPA-EFE/ANDREU DALMAU
Фудбалскиот клуб Еспањол од Барселона наскоро ќе има нови сопственици.
Според „Марка“, станува збор за американскиот инвестициски фонд „Велосити Спорт Партнерс (ВСП)“, основан и управуван од бизнисменот Алан Пејс.
Овој фонд е и мнозински сопственик на англискиот премиерлигашки клуб Брајтон.
„Марка“ пишува дека целата трансакција изнесува 200 милиони евра, од кои 180 се инвестиции со кои новите сопственици ќе преземат 99 отсто од акциите во клубот, а дека дополнителни 20 ќе бидат издвоени како стимулација поврзана со перформансите и целите за перформанси.
„Ова е една од најголемите инвестиции во шпанскиот фудбал во последните години“, пишува „Марка“.
Конечниот договор меѓу двете страни, старите и новите сопственици, е постигнат по три месеци интензивна проверка на сите документи, договори и внатрешната структура на клубот.
Се очекува договорот да биде финализиран следната недела, со што би започнала нова ера на Еспањол, чиј прв чекор со новите сопственици би бил зајакнување на тимот за следната сезона.