Едер Милитао, 27-годишен бразилски фудбалер и одбранбен играч на Реал Мадрид, повторно се повреди, овој пат на пријателскиот натпревар против Тунис.

На натпреварот одигран во Франција, кој заврши без победник 1:1, Едер Милитао заработи повреда на аддукторскиот мускул и беше принуден да го напушти теренот по еден час игра.

Засега нема официјални информации од Реал за тоа колкава пауза го чека Бразилецот, а шпанските медиуми наведуваат дека, во најдобар случај, ќе биде надвор од теренот две, а во најлош случај, шест недели.

Самата повреда не треба премногу да ги загрижува челниците на Реал, туку фактот дека Милитао ја продолжи серијата повреди со кои се соочува во последните две години.

Едер Милитао пристигна во Реал од Порто во 2019 година, но во последните сезони почесто е на листата на повредени отколку на теренот.

Во последните две години, Едер Милитао двапати заработи сериозна повреда на коленото, а од август 2023 година, поради повреди пропушти повеќе од 200 дена. Милитао е многу важен во играта на Реал бидејќи уште еден искусен дефанзивец, Антонио Ридигер, е повреден и надвор од игра, а проблеми има и Дин Хаусен.

Foto/ EPA

Поранешниот швајцарски тенисер Роџер Федерер е избран во Меѓународната тениска сала на славните.

Во соопштението се вели дека Федерер е избран во Куќата на славните со седиште во Род Ајленд.

„Отсекогаш ја ценев историјата на тенисот и примерот што го поставија оние пред мене. Се чувствувам многу почестен што сум признаен на овој начин од спортот и моите врсници“, рече Федерер.

Церемонијата за воведување во Куќата на славните ќе се одржи во август 2026 година во Њупорт.

Федерер освои 103 трофеи во својата кариера, вклучувајќи 20 гренд слем титули. Тој помина вкупно 310 недели на врвот на АТП листата.

„Не можев да предвидам дека ќе освојам толку многу големи титули. Се надевав дека можеби ќе имам една, да бидам искрен, на почетокот на мојата кариера“, рече Федерер.

Во НБА лигата, од почетокот на сезоната многу се зборува за бројни повреди на најголемите ѕвезди.

Џејсон Тејтум (Бостон), Тајрис Халибартон (Индијана) и Кајри Ирвинг (Далас) претрпеа сериозни повреди од минатата сезона. Во моментов повредени се Јанис Адетокумбо (Милвоки) и Виктор Вембањама (Сан Антонио), а на таа листа им се приклучи Стеф Кари од Голден стејт Вориорс.

Претходно, Џејлен Брансон од Њујорк, Треј Јанг од Атланта и Паоло Банкеро од Орландо имаа помали или малку посериозни повреди оваа сезона. Ова се главните играчи на нивните тимови.

Сето ова го загрижува Стив Кер, тренер на Голден Стејт Вориорс, кој верува дека постои решение за проблемот.

„Секогаш ќе се залагам за помал број натпревари. На играчите би им значело многу да се намалат од 82 на 72 во текот на главниот дел од сезоната. Не е само пренатрупаниот распоред виновен за бројните и чести повреди. Никогаш толку не се трчало во кошарката. Сите играат транзициска кошарка. Ако го комбинираме тоа со играње секоја втора вечер, завршуваме со полни листи на повреди“, рече Кер.

„Понекогаш сме на гостински турнеи повеќе од една недела. Во тие моменти, воопшто немате време за тренинг. Сè се одвива во ритамот од натпревар на натпревар. Ваков систем неводи никаде“, додаде 60-годишниот тренер кој, играјќи за Чикаго и Сан Антонио, беше петкратен шампион во НБА, додека го водеше Голден Стејт до четири титули во НБА како тренер.