Спорт
Сити преку Баварија до средба со Реал, Интер и Милан во градско полуфинале
Манчестер сити не дозволи никакво изненадување на „Алијанц арената“ одигрувајќи 1:1 со Баерн Минхен, за со неверојатни вкупни 4:1 да го елиминираат тимот на Томас Тухел во четврт-финалето на Лигата на шампионите и да закажат мега-пресметка со актуелниот шампион, Реал Мадрид.
На „Сан Сиро“, пак, Интер одиграа 3:3 со Бенфика по гостинскиот 2:0 триумф, за да закаже уште поинтригантно полуфинале против лутиот градски ривал, Милан.
Во Минхен, Тухел најави дека на Баерн ќе му биде потребно „чудо“ да го помине англискиот шампион, и тоа не беше на повидок. Во првото полувреме, пак во главна улога беше Ерлинг Халанд. Прво Норвежанецот го примора судијата Клеман Турпан да му даде црвен картон на Дајот Упамекано по неговиот фаул над Халанд пред празен гол, пред само десетина секунди подоцна да го повлече по досудениот офсајд.
Упамекано и Халанд беа главни протагонисти и до крајот на мечот. Во 38. минута од мечот, беше досуден пенал по ненамерното играње на Упамекано со рака во шестнаестникот, но Халанд по 18 прецизни пенали во кариерата, ја прати топката високо над голот. На почетокот на второто полувреме, во 57. минута, немаше грешка. Кевин де Брујне го пронајде Халанд, кој го „седна“ Упамекано со интересен потег, за да го совлада Зомер за 0:1. Баерн се врати во играта во 82. минута, кога повторно беше досуден пенал за игра со рака во шестнаесетникот, а Џошуа Кимих не згреши
Во Милано, пак, имаше шоу на убави голови, а тимот на Симоне Инзаги без проблем влезе во полуфиналето. Николо Барела, слично како на првиот меч во Лисабон, постигна прекрасен гол во 14. минута, пред Бенфика да одговори во 38. минута со исто толку убав гол на Норвежанецот Фредрик Аурснес.
„Нераѕурите“ во второто полувреме ставија крај на сите надежи на гостите за можна сензација. Лаутаро Мартинез беше одлично пронајден од Федерико Ди Марко во 65. минута од мечот за 2:1, а Хоакин Кореа во 68. минута зголеми на 3:1. Антонио Силва во 82. минута намали на 3:2, за Хрватот Петар Мусо да израмни на 3:3 во 95. минута.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Меси со спектакуларен гол ја режира победата на Интер
Со спектакуларниот гол на Лионел Меси, Интер Мајами го победи Порто со 2:1 и дојде на чекор до пласман во осминафиналето на Светското клупско првенство во Соединетите Американски Држави.
Еден од најдобрите играчи во историјата ја намести топката во 54-та минута и изведе совршен слободен удар од околу 20 метри. Аргентибецот го погоди левиот горен агол од голот на Клаудио, кој не можеше да се одбрани. Тоа беше клучен момент на натпреварот.
Во првото полувреме, Порто беше подобриот тим. Тие поведоа веќе во осмата минута кога шпанскиот репрезентативец Сама постигна гол од пенал. Португалците можеа да водат поубедливо, но не ги искористија своите можности.
Сè се промени за осум минути во второто полувреме. Прво, Сеговија го израмни резултатот по додавање на Вејнгант, а потоа волшебникот од Росарио реши сè.
Палмеирас и Интер сега имаат по четири бода, додека Ал Ахли и Порто имаат по еден бод.
Спорт
Рафаел Надал ја доби титулата маркиз
Шпанскиот крал Фелипе VI денеска му ја додели титулата маркиз на легендарниот тенисер Рафаел Надал како признание за неговиот придонес кон нацијата поради неговите неверојатни спортски резултати.
Надал отсега ќе ја носи титулата Маркиз од Левант де Мајорка, островот каде што е роден и живее, а тоа е наследна титула.
За време на својата богата кариера, Надал освои 22 грен слем титули, од кои неверојатни 14 беа на Ролан Гарос, и без сомнение е најдобриот играч во историјата на земјена подлога.
Покрај Надал, кралот ги почести и поп-рок пејачката Луз Касал и параолимписката пливачка Тереза Пералес.
„Тие се гордост на Шпанија и постојана референтна точка на вредности што треба да го инспирираат нашето општество“, објави шпанската кралска куќа.
Спорт
Мбапе е хоспитализиран!
Францускиот фудбалер Килијан Мбапе е хоспитализиран поради акутен гастроентеритис и е задржан на понатамошни тестови.
Во превод, Мбапе има стомачен грип, а оваа информација официјално ја објави неговиот клуб, Реал Мадрид.
„Нашиот играч Килијан Мбапе има акутен гастроентеритис и е хоспитализиран на дополнително тестирање и лекување“, се вели во соопштението.
Parte médico de Mbappé.
— Real Madrid C.F. (@realmadrid) June 19, 2025
Реал и Мбапе моментално се во Соединетите Американски Држави, каде што ремизираа со Ал-Хилал во првото коло од Светското клупско првенство на ФИФА.
Мбапе не беше дел од тој натпревар поради повреда, или поточно болест, а сега е откриено точно за што се работи.
Следниот натпревар на Реал е во недела навечер против Пачука, но големото прашање е дали Французинот ќе биде подготвен за тој дуел.
(Фото) Сателитските снимки покажуваат штета на иранскиот нуклеарен реактор во Арак
Нови сателитски снимки со висока резолуција објавени денес од „Максар Технолоџис“ покажуваат значителна штета на иранскиот реакторски комплекс во близина...
Трамп ќе одлучи дали да го нападне Иран во рок од две недели, објави Белата куќа
Белата куќа објави дека американскиот претседател Доналд Трамп ќе донесе одлука за евентуален напад врз Иран во следните две недели....
Незгода на патниот правец Бошков мост – Дебар, сообраќајот во прекин
На патниот правец Р1202 Бошков мост – Дебар поради случена сообраќајна незгода сообраќајот е во прекин, извести АМСМ. Сообраќајот на...
Израелскиот министер за одбрана: Хамнеи не треба да постои
При посетата на местото на ракетниот напад утрово во Холон, израелскиот министер за одбрана Израел Кац изјави дека врховниот лидер...
(Видео) Иран утрово испали ракети кон Израел: стотици повредени, повеќе од 70 во болница
Најмалку 240 лица беа ранети во иранските ракетни напади утрово, објави Асошиејтед Прес, повикувајќи се на израелското Министерство за здравство....
(Видео) Клековски: Експерт за ампутации од Словенија ќе дојде за третман на повредените во Кочани кои имаат ампутирани прсти
Грижата за повредените во пожарот во Кочани ќе биде долгорочна, ќе трае онолку години колку што ќе имаат потреба и...
Нетанјаху во ракетираната болница: Мојот син мораше двапати да ја откаже свадбата поради тревогата
Израелскиот премиер, Бенјамин Нетанјаху, им се обрати на новинарите пред болницата Сорока во Бершеба, која претходно беше погодена од иранска...
(Видео) Филипче: ВМРО-ДПМНЕ има изгубено 100 илјади гласа досега
Претседателот на СДСМ, Венко Филипче, вечерва укажа на, како што рече, драматичниот пад на поддршката за ВМРО-ДПМНЕ, економскиот колапс и...
(Видео) Тепачка меѓу советници во Општина Кочани
Советници денеска се степаа на седницата на Советот на Општина Кочани. Како што објави Радио Кочани на паузата настанал хаос...
(Видео) Мургашанска од СДСМ: Димитриевски ме тужи затоа што јавно го обелоденив неговиот криминал
Откога му ги откривме сите скандали на Максим Димитриевски, откога јавно проговоривме за сите сомнежи за коруптивни шеми со парцели...
Се закануваат оние што правеа упад и тепаа, вели Мицкоски по најавите за штрајк на контролорите на летање поради партиски вработувања
Партиските вработувања и трупањето несуштински кадри во услови кога нема доволно контролори на летање, според премиерот Христијан Мицкоски, не е...
(Фото) По седум години, повторно се отвори етнокомплексот „Македонско село“
По седум години, денес се отвори етнокомплексот „Македонско село“. Премиерот Христијан Мицкоски рече дека Скопје добива уште едно туристичко место,...
Неексплодирана артилериска граната пронајдена кај Калишта, ДЗС апелира да не се поместуваат вакви убојни средства
Неексплодирано убојно средство од минатите војни е пронајдено кај село Калишта при изведба на градежни работи во близина на кампот...
Грција ќе екстрадира македонски државјанин, кој се сомничи за убиство на пензионер во Германија
Апелациониот суд во Солун даде „зелено светло“ за екстрадиција во Германија на македонски државјанин обвинет за грабеж, а потоа и...
Владата: Педесетина училишта ќе добијат фотоволтаични системи
Владата соопшти кај 50. училишта во Македонија ќе се постават фотоволтаични системи во текот на летниот период. Ова се случува...
Израел нападна ирански нуклеарен реактор
Израелската армија го нападна нуклеарниот реактор во Арак (т.н. тип на тешка вода), западно од Техеран, објавија иранските државни медиуми...
(Видео) Иран погоди болница во Израел со балистичка ракета
Болницата Сорока во Бершева на југот на Израел утринава соопшти дека зградата била погодена со проектил при ирански ракетен напад...
Инженерите повикаа да престане фактурирањето врз основа на измислена потрошувачка за струја: „Регулаторната ја штити ЕВН“
Здружението Инженери на Македонија повторно се огласи по претставката што ја поднесе на 29 мај кога во сила стапи новиот Закон...
ПРП терапијата за пациентите од пожарот во „Пулс“ е достапна во Кочани, нема да мора да патуваат до Скопје
Десет лица повредени во трагедијата во „Пулс“, за првпат во болницата во Кочани, биле третирани со ПРП терапија (плазма збогатена...
Сообраќајна расправија причина за бодењата со нож во Чаир, повредени тројца меѓу кои и малолетник
Скопското обвинителство победе постапка против 18-годишно момче за инцидентот што се случи синоќа во Чаир. Од тука информираа дека постапка...
