Спорт
Скандал: Барселона ќе го тужи Де Јонг, земал преголема плата
Барселона има намера да го тужи Френки де Јонг за договорот кој тој го доби од претходното раководство. Барселона, ова лето, потроши многу пари на нови играчи, но нив не може да ги регистрира се додека не продаде најмалку двајца играчи од актуелниот состав.
Барселона има проблем со финансискиот фер-плеј кој се однесува на платите на фудбалерите. Нивниот најголем проблем е Френки де Јонг од чиј договор сакаат да се ослободат, клубот се договори со Манчестер јунајтед, но Холанѓанецот не сака да замине од клубот. Откако Де Јонг одби да се пресели во Манчестер јунајтед, Барселона започна да го уценува фудбалерот.
Шпанските медиуми пренесуваат дека Барселона побарала од Де Јонг да се согласи со новите услови на договорот, според кои тој ќе добива значително помала плата, а бидејќи тој ја одбил понудата има се повеќе и повеќе гласини дека ќе мора да прифати да се пресели на клупата, под услов да не го напушти „Ноу Камп“.
За да го забрза овој процес, Барселона најави тужба против Френки де Јонг, пренесува добро информираниот „Атлетик“ со речиси неверојатни информации од овој случај.
Наводно, Барселона му се заканува на Де Јонг за потпишување незаконски договор со претходното раководство. Со други зборови, тие веруваат дека се е направено надвор од прописите и дека можат да победат против него на суд и да го раскинат договорот, па го убедуваат да ги прифати новите услови што му ги нудат…
Проблемот во договорот, барем како што гледа Барселона, е што платата на Де Јонг се зголемува од сезона во сезона, а следното лето би достигнала максимум кој сериозно би го загрозил клупскиот бизнис.
Инаку, Барселона има неполни седум дена да ги реши финансиските проблеми за да може да ги регистрира сите засилувања, а доколку Де Јонг и Депај не го напуштат „Ноу Камп“, ниту еден од новите играчи нема да може да биде регистриран.
Претседателот на синдикатот на холандските играчи, Евгени Левченко, акцијата на Барса ја смета за „изнуда“ и најави дека се ќе биде предадено на ФИФА и Светскиот синдикат на играчи.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Реал победи во Сан Себастијан, еден триумф го дели од шампионската титула
Фудбалерите на Реал Мадрид го совладаа имењакот од Сан Себастијан на „Реале арена“ со 1:0 (1:0) во премиерниот натпревар од 33.коло.
На овој начин „кралскиот клуб“ со натпревар повеќе стекна 14 бодови предност во однос на Барселона.
Практично само теорија го дели Реал Мадрид од 36. титула во клупската историја.
Карло АНчелоти натпреварот го започна со комбиниран состав, а за прв пат стартер беше младиот Арда Ѓулер.
Токму младиот Турчин со голот во 29. минута му донесе победа на својот тим. Карвахал нафрли во шеснаесетникот, а Гулер шутираше низ нозете на голманот Ремиро.
Три минути подцна Реал Сосиедад преку Такефуши Кубо постигна гол кој беше поништен поради офсајд.
Сосиедад остана на шестата позиција со 51 бод до крајот на сезоната ќе се бори за пласман во Лига Европа или Конференциската лига.
Спорт
(Видео) Евролигата покрена постапка против судијата Болтаузер – Украл парфем од „фри-шоп“
Еден од најпознатите европски судии, Словенецот Матеј Болтхаузер (49) е тема број 1 во европската кошаркарска јавност поради видеото кое излезе во јавноста.
Имено, Болтаузер е снимен на него на аеродромот „Никола тесла“ во Белград на 8 декември минатата година како краде парфем на Том Форд од „фри шоп“.
Станува збор за парфем кој чини 221 евро.
Болтхаузер тогаш се враќаше од натпреварот од Евролигата меѓу Монако и Партизан, која ја судеше во Франција.
Поради видеото кое се појави пет месеци подоцна, Евролигата покрена постапка против Болтаузер.
Тој сигурно ќе се соочи со драстична казна, па дури и играчите си земаа слобода да кажат „збор-два“ за Словенецот.
Најгласен беше Мет Џенинг, кој директно го обвини Болтхаузер дека со години крадел, не само на аеродромот, туку и на терените во Евролигата.
„Човекот краде со години! Евролигата има голем број одлични судии, но ова момче е убедливо најлошиот и не е тешко да се разбере зошто”, напиша Џенинг, поранешен играч на Монтепаски, Ефес, Басконија, како одговор на видеото кое брзо се прошири низ Европа.
Salen a la luz imágenes de Boltauzer, árbitro de la Euroliga, robando un perfume en el aeropuerto de Belgrado
🫣 Los hechos sucedieron tras el partido entre Partizan y Mónacopic.twitter.com/brQUbuRYqa
— Eurohoops España (@EurohoopsES) April 26, 2024
Спорт
Арне Слот ќе биде новиот тренер на Ливерпул
Холандскиот стручњак Арне Слот од следната сезона ќе биде тренер на Ливерпул.
Трансфер инсајдерот, новинарот Фабрицио Романо тврди дека двата клуба се договориле, Ливерпул на Феенорд ќе му исплати одредена отштета за тренерот чии договор истекува во 2026 година.
Допрва ќе биде познато колкава сума ќе плати Ливерпул. Наводно Ливерпул понудил 9.000.000 евра, а Феенорд бара 13.000.000 евра.
Слот од 2021 година е на клупата на клубот од Ротердам на кој му донесе голем успех.
Во првата сезона го водеше тимот до финалето на Конференциската лига, таа година беше прогласен за тренер на сезоната во Ередивизие, а една година подоцна ја освои домашната титула со Феенорд.
Во својата втора сезона во клубот, тој го предводеше тимот до четвртфиналето на Лига Европа.
Пред Феенорд, Слот ги водеше Камбур и АЗ.