Спорт
Скандал ја тресе Шпанија – снимките докажуваат дека имало „местенка“ Валјадолид-Валенсија
Седум фудбалери на Реал Валјадолид биле „купени“ за да го загубат последниот меч од сезоната против Валенсија, јавува шпанскиот весник „Ел мундо депортиво“, откривајќи ја операцијата за местење мечеви која шпанската полиција ја води под кодното име „Операција Оикос“.
„Имаше седум купени фудбалери, ништо повеќе“, вели во еден од пресретнатите телефонски разговори на сега пензионираниот фудбалер, Карлос Аранда.
„Обложи се 10 илјади и ќе добиеш 20 илјади“, вели во вториот разговор на Аранда, кој додава: „Види брату, Валенсија ќе го добие првото полувреме и второто. Знаете за што се работи, никој не смее да дознае. Ни вашите пријатели“.
“Seven players were bribed”
El Mundo have published phone conversation recordings
They prove that match-fixing took place during Real Valladolid’s game with Valencia
Read the full story here?https://t.co/o075llYwgh pic.twitter.com/zPIgwOWnXb
— MARCA in English (@MARCAinENGLISH) June 4, 2019
Минатата недела шпанската телевизија „Антена 3“ тврдеше дека полицијата ја истражува 2:0 победата на Валенсија над Валјадолид со која „Лос че“ се квалификуваа за Лигата на шампионите. Не постоеше опасност Валјадолид да испадне од лигата откако победија кај Рајо Валјекано во претпоследното коло.
Според „Ел мундо“, не постои сомнеж дека двата клуба биле вклучени во „местенката“ и дека се работи за „дил“ меѓу фудбалерите. Сепак, наводно под истрага биле и 6:2 победата на Валенсија над Уеска и 2:1 победата на Реал Бетис над Уеска поради необична активност кај обложувалниците.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Покетино си заминува од Челзи
Од Англија пристигнуваат вести дека аргентинскиот тренер Маурисио Покетино ќе го напушти Челзи.
„Сините“ сезоната во Премиер лигата ја завршија на шестото место со 63 бодови.
Со ова изборија пласман во Конференциската лига, што секако не соодветствува со амбициите на клубот.
BREAKING: Mauricio Pochettino is leaving Chelsea as head coach after one season in charge 🚨🔵 pic.twitter.com/8Forlxrsdj
— Sky Sports Premier League (@SkySportsPL) May 21, 2024
Особено по огромните инвестиции кои ги имаше Челзи, а Покетино мораше да го плати цехот.
По завршувањето на сезоната, Аргентинецот имаше средба со челниците на клубот и со заедничка одлука беше решено двете страни да се разделат.
Се уште не е познато кој е во плановите на раководството на Челзи за негов наследник.
Спорт
Хезоња за својата иднина: „Немам идеја“
Кошаркарот на Реал Мадрид, Марио Хезоња изјави дека се уште нема поим што ќе се случува со неговата кариера во иднина.
Договорот на хрватскиот кошаркар со „кралскиот клуб“ истекува на крајот од сезоната, па прашање на сите прашања е дали тој ќе остане во Мадрид.
„Немам идеја. Флорентино Перез ми се заканува секој пат кога ќе ме види во трпезаријата дека морам да останам овде. Се надевам дека е така. Сите работиме да биде така“, изјави Хезоња за Ел Мундо.
Грчките медиуми го поврзаа со Панатинаикос, а има навестувања и за други потенцијални дестинации за најдобриот стрелец на Реал.
Хезоња сезонава имаше просек од 13,7 поени и 4,4 скока на 36 натпревари во Евролигата.
Хезоња и Реал во петок се соочуваат со фајналфорот во Евролигата, а во полуфиналето во Берлин ќе играат против Олимпијакос, што ќе биде реприза на ланското финале во кое подобри беа избраниците на Чус Матео.
Спорт
Англија со најголемите ѕвезди ќе настапи на ЕУРО 2024
Селекторот на Англија, герет Саутгејт го објави спискот на фудбалери за ЕУРО 2024. На спискот има 33. фудбалери, што значи дека до почетокот на првенството ќе седуммина од кои еден сигурно ќе биде голман.
На ЕП нема да патува долгогодишниот член на националниот тим, Џордан Хендерсон.
Списокот на Саутгејт:
Голмани: Дин Хендерсон, Џордан Пикфорд, Арон Рамсдејл, Џејмс Трафорд
Одбрана: Џеред Брантвајт, Луис Данк, Џо Гомез, Марк Гуеи, Езри Конса, Хари Мегваер, Лук Шо, Џон Стоунс, Киеран Трипиер, Кајл Вокер.
Среден ред: Трент Александар-Арнолд, Конор Галагер, Кертис Џонс, Коби Мајно, Деклан Рајс, Адам Вартон, Џерод Боувен
Напад: Џуд Белингем, Џерод Бовен, Еберечи Езе, Фил Фоден, Џек Гралиш, Ентони Гордон, Хари Кејн, Џејмс Медисон, Кол Палмер, Букајо Сака, Ајван Тони, Оли Воткинс.
Англија на ЕП е во Ц групата заедно со Данска, Словенија и Србија.