Српските медиуми пред два дена објавија дека околу 30 кошаркари од домашното првенство се под истрага бидејќи се сомничат дека учествувале во долгогодишен, разработен план за местење натпревари во соработка со обложувалниците. Бидејќи истрагата сѐ уште е во тек, не се знае точно за кои играчи и клубови станува збор.

„Ја информираме јавноста дека Кошаркарската лига на Србија активно соработува со ФИБА со цел да се решат дисциплинските постапки во најкус можен рок и да се обезбеди интегритет на натпреварувањето. Со оглед на тоа што дисциплинската постапка сѐ уште е во тек, во овој момент не можеме да дадеме детали кои натпревари и кои играчи учествувале во манипулативни акции.

Подетални информации за дисциплинската постапка ќе има по завршувањето на истрагата, со цел да се обезбеди непречено одвивање на постапката како и презумпција на невиност на осомничените“, соопшти Кошаркарскиот Сојуз на Србија.

Сепак, излегоа и повеќе деталите за самиот скандал.

„Просечната плата во српската кошаркарска лига е меѓу 500 и 1.000 евра. Повеќето играчи немаат други приходи, а парите што ги добиваат од кошарката не се доволни ниту за основни потреби. За жал, тоа беше сигнал за многумина да се ангажираат во местење натпревари. Дека сето тоа почива на заработка од обложување од неколку илјади евра, веројатно никогаш немало да се најдат под сомнение, но бидејќи парите што ги заработувале од обложувалниците станувале сѐ поголеми, па дури достигнувале и милиони, алармот се вклучил кај букмејкерите и тие се за се ја информирале ФИБА“, истакнал за српските медиуми еден од информираните за случајот.

„Обложувалниците масовно почнаа да пријавуваат огромни уплати на натпреварите од кошаркарската лига на Србија, а не постои ефикасен систем каков што е развиен во фудбалот од ФИФА и УЕФА, па сето тоа продолжи. Списокот на спорни натпревари се зголемуваше, па мораше да се покрене истрага која доведе до неверојатен број играчи кои се вмешани во сето тоа. Сега сите се обидуваат да се исчистат и да го сведат бројот на натпревари и играчи на минимум, за проблемот да не биде уште поголем“, дополнува изворот.