Спорт
Скоти Пипен е бесен на Џордан по „Последниот танц“?
Документарниот филм за Мајкл Џордан и славната генерација на Чикаго булс, „Последниот танц“ заврши и иако најавите беа дека ќе се види „друг лик“ на ѕвездата Џордан, најбесни на крајот беа неговите поранешни соиграчи, вклучувајќи го и Скоти Пипен, тврди „ЕСПН“.
Според изворите на Дејвид Каплан од „ЕСПН“, Пипен е „повеќе од бесен“ од начинот на кој е претставен во документарниот филм.
„Тој е толку лут на Мајкл и начинот на кој е претставен, наречен себичен, и фуриозен е поради тоа што не сфатил во каков документарец ќе учествува“, вели Каплан.
Џордан го нарече Пипен себичен во втората епизода од серијата за одлуката да оди на операција на почетокот на сезоната 1997/98, одлука за која самиот Пипен призна дека била со цел да се сочува неговата „вредност“ пред летото 1998 и слабиот договор кој го потпишал во 1991 година.
„Тој смета дека до последните минути од мечот број 6 против Јута џез се фокусираше на напади на Скоти“, вели Каплан.
Во документарната серија има уште неколку „лоши“ приказни за Пипен, како одлуката да не влезе во мечот 3 од дуелот на Булси со Њујорк никс во последните 1.8 секунди од мечот, бидејќи Тони Кукоч ја добил шансата да го упати последниот удар. Исто така се споменува мигрената која ја имал во мечот 7 од финалето на Истокот против Детроит. Во документарниот филм самиот Џордан признава дека Пипен е неговиот најдобар соиграч, но се фокусира на многу од неговите најлоши моменти.
Пипен не е единствениот кој смета дека е прикажан во негативно светло, откако неодамна Хорас Грент изјави дека поголемиот дел од филмот е „лага“. Друг негов поранешен соиграч. Крег Хоџис исто така посочи дека се работи за „чиста фикција“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Реал прв обезбеди пласман на Ф4 во Берлин
Кошаркарите на Реал Мадрид први се пласираа на фајнл-форот во Евролигата. Актуелните шампиони серијата против Басконија ја добија со 3:0.
Третиот натпревар од серијата се одигра во „Фернандо Буеса“, во Виторија, Реал победи со 102:98.
Најефикасен во тимот на Чус Матео Бои беше Гершон Јабуселе со 23 поени, седум скока и три асистенции. Се истакнаа и хрватскиот кошаркар Марио Хезоња со 16 поени, четири скока и две асистенции и една топка, односно Факундо Кампацо со 13 поени, четири скока, осум асистенции и Валтер Тавареш со 12 поени, 13 скокови и четири блокади.
Најистакнати во тимот на Басконија беа плејмејкерите Маркус Хауард (29 поени, по два скока и асистенции) и Коди Милер-Мекинтајр (17 поени, четири скока, 11 асистенции, две украдени топки). Двициврени беа и Никос Рогкавопулос со 18 поени, четири скока и Вања Маринковиќ со 17 поени и четири скока.
Завршниот турнир во Берлин ќе се одржи од 24. до 26.мај, актуелниот шампион во полуфиналната пресметка со победникот од серијата Барселона-Олимпијакос.
Спорт
(Видео) „Милионерите“ чекор поблиску до финалето – Филкруг му пресуди на ПСЖ
Борусија Дортмунд го совлада Пари Сен Жермен во првиот полуфинален натпревар од Лигата на шампионите. „Милионерите“ забележаа победа 1:0 на „Вестфален“. Херој на „жолтиот ѕид“ беше Никлас Филкруг.
Борусија во првото полувреме, беше подобра само сза тој еден гол, иако всушност до самиот крај на првиот дел од натпреварот ниту еден од тимовите немаше изгледни шанси.
Се играше 36. минута кога Шлотенберг од половината на парижаните ја испрати топката до Филкруг. Овој ја прими брилијантно, повлече напред, се избори со Лукас Ернандез и го совлада Донарума.
Борусија имаше две одлични шанси во самиот финиш на првото полувреме, но Донарума беше на висината на задачата и го спаси својот тим.
Во вториот дел и двете екипи го зголемија својот ритам. Пари Сен Жермен тргна крајно офанзивно во вториот дел од натпреварот.
Стативата од голот на Кобел се тресеше два пати за само десет секунди во 51. минута. Прво се обиде Мбапе, ја погоди стативата, топката се врати кај гостите, по што се обиде и Хакими, но овојпат се затресе статива.
Набргу потоа Борусија имаше шанса да ја зголеми предноста, но одличната аситенција на Санчо, Филкруг не успеа да ја претвори во гол. До крајот ПСЖ два пати опасно се закани преку Фабијан Руиз и еднаш преку Дембеле, а втор гол на домаќинот спречи Маркињос кој во последен момент го блокираше Бранд.
Реваншот е следниот вторник во Париз.
Спорт
Парма се врати во Серија А
Со нерешениот резултат 1:1, на стадиното „Свети Никола“ против Бари, Парма се врати во Серија А. Култниот италијански клуб, на две кола до крајот на сезоната во Серија Б има седум бода повеќе од третопласираната Венеција.
Историјата на Парма во последниве години беше сè само не сјајна. Клубот згасна, па повторно оживеа во 2015 година.
Во следните три години, Парма стана првиот клуб кој остварил промоција во повисок ранг во три последователни сезони и успеа да се врати во Серија А, каде што остана до сезоната 2020/21, Во таа сезона забележа само три победи и повторно испадна во понизок ранг.
Минатата година навивачите беа разочарани по плеј-офот, а сега Парма го обезбеди најмалку второ место и враќање во елитата.