Спорт
Слот зборуваше за Исак, но и за неуспешниот трансфер на Гуеи

Арне Слот одржа прес конференција пред натпреварот со Барнли во Премиер лигата. Видно располоѓен, Холанѓанецот одговараше на прашањата поврзани со Александер Исак и Марк Гуеи.
Слот е задоволен од фактот што Александар Исак се врати во Англија по репрезентативната пауза подготвен за игра. Швеѓанецот долго време не одиграл официјален натпревар, па затоа постоеше ризик од повреда.
Поради ова причина Слот го пофали селекторот на Шведска, Јон Дал Томасон:
„Шведскиот тренер заслужува огромен комплимент. Одигра два важни натпревари, а го имаше еден од најдобрите, ако не и најдобриот напаѓач на клупата, но знаеше дека ако Исак играше двапати по 90 минути, ќе се повреди и тоа би значело дека нема да биде на теренот неколку недели.“
"The Swedish manager Jon Dahl Tomasson deserves a big big big compliment" 👏
Arne Slot on if Alexander Isak is ready to make his Liverpool debut for Burnley, after playing with Sweden during the international break pic.twitter.com/XBlT795zjS
— Sky Sports News (@SkySportsNews) September 12, 2025
Слот зборуваше и за неуспешниот трансфер на Марк Гуеи во Ливерпул:
„Би било лудо ако негирам дека бевме блиску до неговиот трансфер. Такви работи се случуваат во фудбалот. Сакавме да го доведеме, се обидовме, но не успеавме.“
Ливерпул ќе го пречека Барнли во Премиер лигата во недела од 15:00 часот, а се очекува Исак да дебитира за клубот од „Енфилд“.
Фото/ Принтскрин
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Ѓоковиќ со победа стартуваше во Шангај

Новак Ѓоковиќ успешно стартуваше на Мастерс турнирот во Шангај. Србинот во второто коло го победи Марин Чилиќ со 7:6, 6:4. Мечот траеше еден час и 54 минути.
Првиот сет Ѓоковиќ го реши во тај-брејк, откако ниту еднаш не успеа да дојде до брејк топка, додека Чилиќ пропушти две во 11-от гем.
Чилиќ, кој играше можне добро во тај-брекот се распадна. Го освои првиот поен, на крајот 13-от гем му припадна на Ѓоковиќ со 7:2.
Добрата игра од финишот на првиот сет, Ѓоковиќ ја пренесе во вториот, во третиот гем направи брејк, а потоа беше мошне сигурен во своите сервис гемови и го доби Чилиќ 20-ти пат во нивниот 22-ри меч.
Инаку ова беше „најстариот“ меч во историјата на турнирите од Мастерс серијата. Ѓоковиќ и Чилиќ заедно имаат 75 години и 139 дена.
Ѓоковиќ во третото коло ќе игра против Ханфман кој го победи Френсис Тијафо со 6:7 (9:11), 6:2, 6:1
Спорт
Спалети ја одби, Консеисао ја прифати понудата од Ал-Итихад

Трофејниот италијански тренер Лучано Спалети беше главен кандидат да го преземе тимот на шампионот на Саудиска Арабија, Ал-Итихад, откако ја одби понудата, клубот од Џеда, реши да го ангажира Серж Консеисао.
Спалети ја напушти функцијата селектор на Италија ова лето и со месеци има понуди каде што би можел да ја продолжи тренерската кариера, но очигледно не брза бидејќи смета дека првенството на Саудиска Арабија не е доволно привлечно.
Затоа, клубот се одлучи за Консеисао, а според португалските медиуми, тренерот кој последен пат работеше во Милан дал потврден одговор.
Двете страни постигнале договор и сè што останува е да се одреди времетраењето на договорот, па Консеисао и официјално ќе биде промовиран како нов тренер на Ал-Итихад.
По поразот во дербито против Ал Наср, тимот доживеа колапс и во Азиската Лига на шампиони против Ал-Ахли од Дубаи.
Офоцијалното деби Консеисао треба да го има на 17 октомври.
Фото/ Принтскрин
Спорт
Преку глава им е од тренерот – Навивачите на Форест побараа Постекоглу да биде отпуштен

Ангелос Постекоглу беше во својот 24-ти ден како менаџер на Нотингем Форест кога Митјиланд дојде на „Градскиот стадион“, во четврток вечерта. Речиси три децении, точно 29 години, навивачите чекаа европски натпревар на нивниот стадион. Натпреварот заврши со скандирањето „утре ќе добиеш отказ“.
За само 24 дена и шест натпревари, Постекоглу успеа да стане најлошиот менаџер во историјата на Нотингем Форест.
Тој е првиот менаџер по сто години кој не успеа да забележи ниту една победа во првите шест натпревари. Навивачите веќе немаат трпение, причина е поразот од Митјиланд (2:3).
„Навивачите се разочарани. Секако дека можат да го имаат своето мислење. И јас го слушнав“, рече Постекоглу по натпреварот. „Ништо не ме изненадува во фудбалот. Тоа е климата во која живееме и работиме и насоката во која оди сè, не можеме ништо да направиме во врска со тоа“, додаде тој.
Скандирањата „утре ќе добиеш отказ“ започнаа по третиот гол на гостите, а потоа, помеѓу тоа и свирежите, фановите го скандираа името на Нуно Еспирито Санто.
Нуно го водеше Форест до седмото место во Премиер лигата, но несогласувањата со сосптвеникот Маринакис, беа причината да добие отказ. Минатата недела тој доби работа во Вест Хем.
Нотингем Форест, в недела ќе гостува кај Њукасл во Премиер лигата.