Спорт
Случај 1974: Форман обвинет за сексуален напад
Легендарниот американски боксер Џорџ Форман, поранешен светски шампион во тешка категорија, повторно е обвинет за сексуална злоупотреба во 70. години од минатиот век. „Големиот“ Џорџ бил обвинет од неговиот братучеда. Таа тврди дека боксерот ја силувал во 1974 година, кога имала само 15 години. Познатиот боксер тогаш имал 24 години.
Сега 64. годишната жена, која е далечна роднина на Форман и не е во крвно сродство со него, поднесе граѓанска тужба против познатиот боксер. Во неа таа наведува дека злосторството се случило на ранчот на Форман во Калифорнија.
Таа вели дека одлучила да се јави по сведочењето на две жени на 60. годишна возраст кои го обвинија Форман за слично злоставување.
Оваа вест како оандан на филмот кој неодамна започна да се прикажува, а кој е базиран на животот на слвниот боксер. Филмот е наречен „Големиот Џорџ Форман“. Боксерот, во филмот изјавува дека не знае ништо за ситуациите кои жените ги спомнале во нивните изјави пред судот.
Џорџ Форман во својата професионална кариера оствари 76 победи (68 со нокаут) и пет порази, само еден со нокаут и тоа против Мухамед Али во 1974 година во Киншаса. Тој легендарен меч е еден од најпознатите во историјата на боксот и беше промовиран под името „Rumble in the Jungle“. До мечот со Али во Киншаса, Форман имал 40 победи во исто толку борби.
Џорџ Форман направи пауза од 10 години во текот на кариерата, а се врати во 1987 година како сосема нова личност. Во меѓувреме, тој длабоко се посветил на христијанската религија.
Former boxing champ George Foreman accused of sexual abuse by daughters of his former associates, lawsuits show – CNN https://t.co/4SCautEaXF
— AbusesWatch (@AbusesWatch) April 25, 2023
Првпат стана светски шампион во Јамајка во 1973 година, кога брутално го нокаутира Џо Фрејзер, а потоа во 1994 година стана најстариот шампион во тешка категорија во историјата на боксот, кога во незаборавен меч го нокаутира Мајкл Мурер.
Покрај боксот, тој се истакнал и како бизнисмен, а големо богатство стекнал со производство и продажба на пренослива скара по име „Џорџ Форман Грил“.
Сè уште не е познато колку точно заработи Форман од овој производ, но до 2009 година, биле продадени 100 милиони парчиња.
Форман има дванаесет деца со неколку сопруги. Интересно е што сите пет негови синови го имаат истото име како познатиот боксер – Џорџ Едвард Форман.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Фоден играч на сезоната во Премиер лигата
Фудбалерот на Манчестер сити, Фил Фоден, е избран за најдобар фудбалер во Англија за сезоната 2023/24 според гласовите на спортските новинари.
Фудбалерот на „Граѓаните“ во досегашниот дел од сезоната одигра 31 натпревар во Премиер лигата, постигна 16 гола и запиша седум асистенции.
Во ФА купот одигра четири натпревари на кои постигна два гола, додека во Лигата на шампионите одигра осум натпревари, забележа пет гола и три асистенции.
Манчестер сити го заврши учеството во Лигата на шампионите, откако беше елиминиран од Реал Мадрид, но се уште има шанса да се бори за титулата во Премиер лигата.
Арсенал моментално е прв на табелата во англиското фудбалско првенство со 80 бодови, додека Сити има бод, но и натпревар помалку, па финишот на сезоната ќе биде неизвесен.
Избраниците на Пеп Гвардиола на 25 мај ќе се борат за трофејот во ФА Купот против Манчестер Јунајтед во финалето.
Спорт
(Видео) Брансон ја испрати Филаделфија на летен одмор, Милвоки без Јанис немоќни против Индијана
Кошаркарите на Њујорк Никс и Индијана Пејсер се изборија за меѓусебна пресметка во полуфиналето на Источна конференција, во НБА лигата. Изминатата ноќ Никс и Пејсер ги забележаа победите број 4 против Филаделфија односно Милвоки.
Пред една деценија, Филаделфија го избра Џоел Ембид како прв пик на драфтот. Со него Сиксерси се уште немаат финале на Истокот.
Брилијантниот Џејлен Брансон го предводеше Њујорк до победата 118:115 во шестиот натпревар.
Брансон забележа 41 поен и 12 асистенции (трет последователен натпревар со најмалку 40 поени), Донте ДиВинченцо постигна 23 поени со седум асистенции, а О Џи Ануноби имаше 19 поени и девет скока.
Џош Харт додаде 16 поени, 14 скока и седум асистенции и ја постигна клучната тројка за победа на 24,4 секунди до крајот.
Во тимот од Филаделфија најефикасен беше Џоел Ембиид со 39 поени и 13 скока. Бади Хилд додаде 20 поени, Тајрис Макси имаше 17 поени, пет скока и пет асистенции, Кели Оубре имаше 17 поени и пет скока, а Николас Батум заврши со 16 поени и седум скока.
Индијана Пејсерс славеше против Милвоки 120:98 за вкупни 4:2 во серијата. Без Јанис Адетокумбо и со повредениот Демијан Лилард, Милвоки немаа шанса против Индијана. Шестиот меч го решија играчите од клупата. Резервите на Индијана постигнаа 40 поени.
Оби Торпин со 21, Ти-Џеј Меконел со 20 поени и девет асистенции, односно Паскал Сијакам со 19 ја предводеа Индијана.
На спротивната страна Лилард, кој го припушти претходниот меч постигна 28 поени, Боби Портис додаде 20 поени и 15 скока, а Брук Лопез 20 поени.
Спорт
Тонали повторно е казнет поради обложување
Фудбалерот на Њукасл, Сандро Тонали (23), повторно е казнет за нелегално обложување.
Фудбалската асоцијација на Англија (ФА), го казни со двомесечна суспензија условно и 20.000 фунти поради кршење на правилата поврзани со забраната за обложување во Англија.
Оваа казна значи дека Тонали ќе може да се врати на терените откако ќе му истече 10-месечната забрана што му ја изрече Италијанската фудбалска федерација (ФИГЦ) на 27 октомври минатата година, со услов да не направи нов прекршок.
Минатата есен, ФИГЦ го казни Тонали за обложување на натпревари во Италија, а поради тоа овој талентиран играч за врска нема да може да игра на Европското првенство во Германија, каде Италија ќе ја брани шампионската титула.
Тонали на почетокот на оваа сезона се пресели од Милан во Њукасл за 70 милиони фунти и веднаш покажа дека ќе биде големо засилување за „страчките“.
Сепак, набрзо следеше суспензијата на ФИГЦ, па младиот Италијанец забележа само осум настапи, на кои постигна еден гол во дресот на Њукасл.