Спорт
Смолинг со смешен автогол ги „урниса“ Јунајтед, Фулам се сели во втората лига (видео)
Заврши „медениот месец“ за Оле Гунар Солскјер. Вулверхемптон успеа да слави со 2:1 против Манчестер јунајтед за да ги чини „ѓаволите“ скапоцени поени во борба за место во Лигата на шампионите, додека Ватфорд со 4:1 го декласираше Фулам и осигура клубот од Лондон следната сезона да игра во Чемпионшип по само една сезона во Премиер лигата.
Јунајтед допатува на тешкото гостување на „Молињу“ со желба за втора победа во низа, и работите тргнаа на добро кога Скот Мектоминеј го постигна првиот гол во дресот на Јунајтед во 13. минута. Меѓутоа, Вулверхемптон израмни по само 12 минути преку Диого Жота.
По ова следуваше можеби клучниот момент на стартот на второто полувреме, кога Ешли Јанг за само пет минути заработи два жолти картони и ги остави „ѓаволите“ со играч помалку. Ова се „исплатеше“ за домаќините, кога во 77. минута по несфатливо лоша реакција на Фил Џонс и Крис Смолинг, вториот си ја смести топката во сопствената мрежа. Со овој резултат Јунајтед останува на петтото место со 31 поен, исто колку Тотенхем пред нив, но Спарси имаат натпревар помалку. Челси се шести со 30 поени.
Ватфорд пак, со три гола во второто полувреме, стигна до 4:1 победа над Фулам, со која гостите и математички немаат шанси да обезбедат опстанок и заедно со Хадерсфилд се сигурни патници во втората лига.
Со ова се комплетира лошата година за клубот од „Крејвен котиџ“ во која тие сменија два тренери (Славиша Јокановиќ и Клаудио Раниери), и по едногодишна авантура во елитата се враќаат во Чемпионшип.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Мареска цели кон напаѓач: Бонифејс е желба на Челзи
Челзи одлично ја започна новата сезона. Доаѓањето на Енцо Мареска е освежување на „Стемфорд Бриџ“, а на тренерот на „сините“ се уште му недостига напаѓач кој како да го пронајдоа.
Николас Џексон одлично ја започна сезоната и постигнува многу голови, но Челзи би сакал да купи уште еден центарфор од светска класа. Го најдоа во Германија.
🚨 Chelsea remain interested in signing Victor Boniface from Bayer Leverkusen as head coach Enzo Maresca searches for a striker.
(Source: @CaughtOffside) pic.twitter.com/8sVMhJFO36
— Transfer News Live (@DeadlineDayLive) October 7, 2024
Лондонскиот клуб го таргетираше Виктор Бонифејс како потенцијално засилување во шпицот на сезоната. Нигериецот и оваа сезона игра фантастично, па не изненадува интересот на големите клубови за него.
Бонифејс оваа сезона во Бундеслигата постигна четири гола на шест натпревари и се наоѓа во добра форма. Почувствува и како е да се игра во Лигата на шампионите, па е уште поискусен од претходната сезона.
Сепак, останува прашањето дали Леверкузен ќе го пушти зимава, бидејќи Нигериецот е важен играч и има важечки договор до 2028 година.
Според проценетиот пазар, Бонифејс вреди 40 милиони евра, но сепак Челзи би требало да плати многу повеќе. Тоа не им беше проблем во минатото…
Спорт
Почина еден од најдобрите фудбалери од минатиот век
На 73-годишна возраст почина Јохан Нескенс, еден од најдобрите фудбалери на 20 век.
Светско признание и слава стекна играјќи за холандската репрезентација, како и за клубовите Барселона и Ајакс.
Признаен како еден од најголемите фудбалери на 20 век, Нескенс, заедно со Јохан Кројф, беше дел од златната генерација на Ајакс која освои три европски купа на почетокот на 1970-тите, а исто така беше член на холандската репрезентација која стигна до две последователни финалиња Светско првенство во 1974 и 1978 година.
Johan Neeskens 🙏🏻
pic.twitter.com/YEsOykxim7— ᴇᴅᴜᴀʀᴅ ʟɪɴᴅᴇʙᴏᴏᴍ (@linde17) October 7, 2024
„Есенски ден кој започна сончево, додека не добивме порака од Алжир дека почина Јохан Нескенс. Јохан остана во Алжир поради проектот на нашата алијанса. Зборовите се несоодветни за оваа огромна, ненадејна загуба. Нашите мисли се со неговата сопруга Марлис, неговите деца, семејството и пријателите. Светот се збогува не само со надарениот спортист, туку особено од посветен, енергичен и прекрасен човек“, се вели на веб-страницата на Фудбалскиот сојуз на Холандија.
Спорт
(Видео) Што значи фудбалот за тебе? Одговорот на Иниеста е солзи
Андрес Иниеста пред неколку дена најави прес-конференција која ја закажа за 8 октомври во Барселона. Се шпекулира и сите очекуваат тој да објави дека става крај на својата играчка кариера.
Ден пред средбата со медиумите, Иниеста на социјалните мрежи објави кратко видео од кое треба да имаме претстава што не очекува.
Иако не беше конкретно наведено, се е јасно – Андрес Иниеста ја заврши кариерата.
„Што за тебе значи фудбалот?“, видеото започнува со тоа прашање.
Одговорот доаѓа по пауза и избришани солзи…
„За мене фудбалот беше…“ и нема крај на реченицата.
El Juego Continúa ❤️⚽️ 8️⃣🔟2️⃣4️⃣ pic.twitter.com/YLrDOfxVCB
— Andrés Iniesta (@andresiniesta8) October 7, 2024
Луис Енрике ќе каже дека се сеќава кога децата биле на улиците и кога мајките ги повикувале кога ќе се стемни и веќе не се гледа топката.
„Тоа е Андрес Иниеста за мене. Тој има 40 години и се уште не е сигурен – дали да продолжам да играм“.
И соиграчите и тренерите на Иниеста ќе се менуваат во своите изјави, ќе го фалат великанот што го имаше играта… Но, одговорот на Иниеста што е за него фудбалот – го нема.
Иако во двете минути од видеото наречено „Играта продолжува“, воздишките и солзите на Иниеста го кажуваат она што тој очигледно не може да го каже.