Спорт
Со 15 години, 218 сантиметри висок кошаркар дебитираше во Еврокупот

Во текот на 5. коло од кошаркарскиот Еврокуп, на мечот меѓу Нантер и Бреша кој им припадна на гостите (65-73) видена е интересна сцена.
Пред крајот на мечот, на 31 секунда до крајот на мечот во игра влезе младиот Виктор Вембанјама, кој има 15 години и 9 месеци, а висок е 218 сантиметри.
Тој е првиот играч роден во 2004 година или подоцна што одигра меч во Еврокупот во последните 12 години.
Вембанјама во дресот на Нантер за времето поминато на паркетот направи само еден фаул. Интересна е неговата градба, кога ќе ги рашири рацете распонот достигнува речиси 3 метри.
Victor Wembanyama became:
– the first player born in 2004 or after to play in the EuroCup.
– At 15 years, 9 months and 25 days old he is the youngest player to debut in the EuroCup in 12 years
– Second-youngest ever to debut in EuroCup after Stefan Petkovic in 2007 pic.twitter.com/tBMvYvE3kI
— Emiliano Carchia (@Carchia) October 30, 2019
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
(Видео) Милан во слободен пад, загуби и во Болоња

Фудбалерите на Болоња го совладаа Милан со 2:1 во одложениот натпревар од деветтото коло во Серија А. Болоња ја прекина црната серија, немаше победа над Милан, на домашен терен во последните 22 години.
Рафаел Леао ги доведе гостите во водство на крајот од првиот дел, но Сантијаго Кастро и Ден Ендоје донесоа пресврт за домаќините во вториот дел.
Ова е втор последователен пораз за Милан. Сега се осми со 41 бод, додека Болоња има три бода повеќе и се наоѓа на шестата позиција.
Во следното коло тимот од Милано на домашен терен игра против Лацио, додека Болоња ќе му гостува на Каљари.
Спорт
Жестока казна за Жозе Мурињо

Тренерот на Фенербахче, Жозе Мурињо доби жестока казна поради инцидентот по крајот на турското дерби против Галатасарај.
Во понеделникот, по ремито 0-0 во големата пресметка во Истанбул, португалскиот стручњак имитираше мајмунски движења по реакциите на клупата на Галатасарај.
Потоа отиде во судиската соблекувална каде сакаше да разговара со главниот судија Славко Винчиќ од Словенија.
Поради сето ова ќе биде суспендиран на четири натпревари и ќе мора да плати парична казна од 35.194 фунти.
Однесувањето на Мурињо беше окарактеризирано како „чин против „спортскиот дух“ и „спротивно на етиката на спортот и концептот на фер-плеј“.
Фенербахче и официјално потврди дека ќе се жали на казната која му е изречена на Мурињо.
Спорт
Убедлив пораз на пелистер во Берлин

Еурофарм Пелистер доживеа убедлив пораз во Берлин од Фуксе (39:29) во претпоследното коло од фазата по групи во Лигата на шампионите. Со овој пораз македонскиот шампион остана без шанси за пласман во нокаут фазата.
Фуксе ја оправда улогата на апослутен фаворит. Во која насока ќе се движи натпреварот беше јасно по само десет минути игра кога домашниот тим дојде до водство 7:1. Пелистер до крајот на првиот дел успеа да истопи дел од предноста, но во вториот дел немаше сили да одговори на ритамот на Фуксе.
Филип Кузмановски со седум голови беше најефикасен во составот на Пелистер, Шебиб постигна шест. Кај Фуксе Ландоф и Гидсел дадоа по девет.
Пелистер во последното коло го пречекува ПСЖ.