Спорт
Со аплаузи и песна, Михајловиќ испратен до вечното почивалиште
Синиша Михајловиќ денеска е погребан во Рим. Михајловиќ, три години се бореше со леукемијата, битката со тешката болест ја загуби на 16.декември. Михајловиќ е погребан во присуство на семејството.
До вечното почивалиште од пред базиликата „Света Марија“, Михајловиќ го испратија илјадници луѓе. Негови поранешни соиграчи, навивачи, луѓе од јавниот и политичкиот живот на Италија.
Пред базиликата беа неговиот кум Дејан Станковиќ, Драган Стојковиќ-Пикси, Владимир Југовиќ, кумот Мирослав тањга, Ненад Сакиќ, Дејан Савиќевиќ, Александар Коларов, Славиша Јокановиќ, тренерот на Партизан Гордан Петриќ, Франческо Тоти, Даниеле Де Роси, Бруно Конти, Франко Барези, Алесандро Неста, Роберто Манчини, Атилио Ломбардо, Џиџи Донарума кој на 16.годишна возраст дебитираше во Милан под палката на Михајловиќ… играчите и тренерите на Лацио и Болоња, делегации на сите клубови во кои настапуваше легендарниот фудбалер.
Ispraćamo Sinišu Mihajlovića na večni počinak… U Rim je otputovala i delegacija Crvene zvezde, na čelu sa predsednikom Svetozarom Mijailovićem i generalnim direktorom Zvezdanom Terzićem, kako bi uputila poslednji pozdrav legendarnom Mihi. Neka mu je večna slava!
🔴⚪️#fkcz pic.twitter.com/JMCny5FI3a
— FK Crvena zvezda (@crvenazvezdafk) December 19, 2022
Во моментот кога сандакот со телото на Михајловиќ од базиликата беше префрлен во погребното возило, ултрасите на Лацио пееја во чест на Михајловиќ и запалија чадни бомби во боите на Лацио.
⚫️Funerali #Mihajlovic, ci sono #Mancini, #Stankovic, #DeSilvestri e #Lombardo trasportano la bara
👉 @RicCaponetti pic.twitter.com/NfZgUWQNsa— TUTTOmercatoWEB (@TuttoMercatoWeb) December 19, 2022
Tifozi @OfficialSSLazio @Inter @Bolognafc1909 i mnogi drugi#SinisaMihajlovic pic.twitter.com/MODsUrOQf5
— 🇷🇸Marko Mađarev🇷🇸 (@DjarmaCZBG) December 19, 2022
Il tributo dei tifosi della #Lazio per #Mihajlovic pic.twitter.com/k1gRrwvmVX
— LazioNews24.com (@LazioNews_24) December 19, 2022
Михајловиќ е роден на 20. февруари 1969 година во Вуковар. Израснал во локалното Борово, каде што ја започнал кариерата во 1986 година.
Две години подоцна се пресели во Нови Сад во Војводина, а во 1990 година пристигна во Црвена звезда со која стана европски и светски првак.
По две сезони минати во „Маракана“, тој се пресели во Италија, каде го стекна статусот на еден од најдобрите дефанзивци во Серија А во дресот на Рома, Сампдорија, Лацио и Интер.
Беше специјалист за слободни удари и пенали, а важи за еден од најдобрите изведувачи на слободни удари во историјата на фудбалот.
Тој го дели рекордот со Андреа Пирло за најмногу постигнати голови од слободен удар во историјата на Серија А – 28.
Со Лацио и Интер беше шампион на Италија, а со римскиот клуб го освои и Купот на победниците на куповите и Суперкупот на УЕФА.
Прогласен е за најдобар фудбалер на Југославија во 1999 година.
За репрезентацијата одигра 63 натпревари и постигна десет гола.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Супер Светско првенство – ова се домаќините
Светската фудбалска федерација (ФИФА) ги објави имињата на стадионите домаќини на следното Светско клупско првенство.
Натпреварот ќе се одржи на тлото на Соединетите Американски Држави од 15 јуни до 13 јули 2025 година.
Точно 32 екипи ќе бидат домаќини на Мајами, Сиетл, Лос Анџелес, Орландо (два стадиона), Атланта, Нешвил, Шарлот, Синсинати, Вашингтон, Филаделфија и Њујорк (Њу Џерси).
Повеќето од локациите се на источниот брег (8/12), бидејќи распоредот и часовите се многу подобри за гледачите во Европа.
На турнирот ќе учествуваат 32 екипи: Реал Мадрид, Атлетико Мадрид, Манчестер Сити, Челзи, Баерн, Дортмунд, ПСЖ, Интер, Јувентус, Порто, Бенфика, Салцбург, Ал Хилал, Ал Аин, Урава, Улсан, Ал Ахли, Видад, Мамелоди, Леон, Пачука, Сиетл, Палмеирас, Флуминенсе, Фламенго, Бока, Ривер и Окленд.
Преостанатите две екипи ќе бидат шампиони во Копа Либертадорес, а еден член од МЛС лигата.
Спорт
(Фото) Кирјиос повторно го прозва Синер
Австралискиот тенисер Ник Кирјиос уште еднаш потврди дека не верува во невиноста на Јаник Синер.
Во март Италијанецот двапати беше позитивен на забранетиот клостебол, му беше дозволено да игра, а во август Меѓународната агенција за интегритет во тенис го ослободи од обвиненијата за допинг.
Сепак, во саботата Светската антидопинг агенција (ВАДА) поднесе жалба до Судот за спортска арбитража (CAS) и бара суспензија од 12 до 24 месеци за играчот број еден во светот.
Кирјиос ја сподели веста на социјалните мрежи, со коментар:
„Ха-ха-ха, можеби сепак не е толку невин?
Синер е разочаран од жалбата на ВАДА, а целата ситуација ја коментираше и претседателот на Италијанската тениска асоцијација, Анџело Бинаги.
Не се знае кога CAS ќе ја донесе својата конечна одлука, а се може да потрае уште неколку месеци.
Спорт
(Видео) Дебакл на Барселона во Памплона – Будимир херој на Осасуна
Фудбалерите на Осасуна ја шокираа Барселона и ја совладаа со резултат 4:2 (2:0) во натпреварот од 8.коло на шпанската Ла Лига.
Ова е прв пораз за Каталонците во Примера од почетокот на сезоната. Анте Будимир постигна два од четирите гола во историска ноќ за Осасуна. Тимот од Памплона по 12 години успеа да ја победи Барселона на домашен терен.
Тренерот на Барселона натпреварот го започна со комбиниран тим, без Јамал и Рафиња. Осасуна знаеше како да го казни тоа.
Будимир го постигна првиот во 18. минута по центаршутот на Брајан Сарагоса, а крилениот напаѓач 10 минути подоцна со мајсторски потег, како во мал фудбал го мина голманот Пења и зголеми на 2:0.
Барса продолжи да оди на се или ништо и во 53-та, по двете големи грешки во низа на голманот Серхио Ерера, успеа да ја преполови негативата преку Пау Виктор.
По тој гол Барселона уште повеќе притисна, но Осасуна покажа сила и успеа да ги префрли случувањата на спротивната страна од теренот.
Имаа домашните неколку опасни напади по крилните позиции, а во 72. минута добија пенал. Будимир беше сигурен и ја врати предноста од два гола. .
На пет минути пред крајот беше ставен крајот, бидејќи Бретонес постигна феноменален гол за огромни 4:1.
Поразот во 89. успеа да го ублажи Ламин Јамал со уште еден многу убав гол на овој меч.
Барса по максимални седум победи го доживеа првиот пораз во новата сезона. Тие ќе останат на првото место со 21 бод.
Осасуна собра 14 и моментално е на шестата позиција на табелата.