Спорт
Со голот на Оршиќ за 2:3 е срушен рекордот на ЕП по број на погодоци

Со голот на хрватскиот напаѓач Мислав Оршиќ во тој момент за 2:3 на вчерашниот натпревар против Шпанија во Копенхаген срушен е рекордот на ЕП по број на постигнати погодоци.
Тоа беше 109. гол на ЕУРО 2020, а досегашниот рекорд беше 108 гола, на шампионатот пред 5 години.
Очекувано, ова и претходното ЕП се најефикасни затоа што на нив има по 24 учесници.
До крајот на вчерашниот ден рекордот дополнително беше надминат, и тоа за дури 9 гола, а се уште не се завршени ниту осминафиналните дуели на првенството.
Mislav Oršić pulls one back for Croatia! ?? Will they find an equaliser? #EURO2020 https://t.co/exUO4mYFQi pic.twitter.com/6VdqgHwu0j
— UEFA EURO 2020 (@EURO2020) June 28, 2021
Колку се ефикасни напаѓачите на ова ЕУРО покажува податокот дека досега се постигнуваат во просек по 2,81 гол по натпревар, додека рекордот беше н ЕУРО 2000 кога беа постигнати по 2,74 гола на меч.
Интересен податок се поврзува со голот што вчера на мечот Шпанија – Хрватска го постигна Марио Пашалиќ, за 3:3.
Пашалиќ е дури петтио различен фудбалер кој настапува за Аталанта од Бергамо кој на ова ЕУРО ја тресе противничката мрежа, по Данецот Јоаким Меле, Италијанецот Матео Песина, Украинецот Алексеј Миранчук и Германецот Робин Госенс.
Само Реал Мадрид во 2012 година, Барселона во 2000 година и Андерлехт во 1984 година имале по 5 различни стрелци на ЕП.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Миовски се враќа во Шкотска, ќе потпише за Глазгов Ренџерс

Македонскиот репрезентативец Бојан Миовски се враќа во Шкотска. Џирона и Глазгов Ренџерс го договориле трансферот. Миовски ќе гоо стави потписот на договорот со „полицајците“ кога ќе ги мине лекарските прегледи, кои се најавени до крајот на денот.
Бојан Миовски две сезони блескаше во дресот на Абердин, во кои постигна 44 гола. Минатото лето реши да се пресели во Шпанија, за да игра во Лигата на шампионите. Џирона за него на Абердин му плати 8.500.000 евра.
Во Каталонија немаше добра сезона, постигна четири гола во 25 натпревари во сите натпреварувања, но речиси не играше во вториот дел од сезоната, поради повредите, но и поради одлука на тренерот.
Неговиот статус не се смени ниту во новата сезона и покрај тоа што беше стартер во првото коло против Рајо Ваљекано (0:2). Миовски одигра 45 минути, а потоа беше заменет кога голманот Газанига доби црвен картон.
Во второто коло и убедливиот пораз од Виљареал, Миовски воопшто не беше во составот на Џирона и тогаш беше јасно дека во клубот повеќе не сметаат на него.
Џирона реши да го продаде напаѓачот и покрај тоа што имаше до јуни 2028 година.
Глазгов Ренџерс за Миовски на Џирона ќе и плати 5.000.000 евра.
Foto/ EPA
Спорт
Челниците закажале состанок со Аморим

Манчестер јунајтед, во средата доживеа шокантна елиминација од Лига купот од членот на Четвртата лига Гримзби.
Поразот во медиумите беше означен како најголем срам во клупската историја. Логично е дека елиминацијата предизвика потреси во клубот.
Рубен Аморим не успева да ги спроведе своите идеи, а за време на репрезентативната пауза се очекува да разговара со клупските челници, објавува „Дејли меил“.
Португалецот истакна дека нешто мора да се промени, но да се сменат 22 играчи е невозможно. Медиумите оваа изјава ја протолкуваа како знак на заминување.
Сепак, во клубот не размислува за такво сценарио, иако Аморим нема победа во првите две кола од Премиер лигата. Ќе видиме дали оваа шлаканица во Купот ќе ги раздвижи „црвените ѓаволи“, кои потрошија повеќе од 200.000.000 евра во овој преоден рок.
Фото/ Принтскрин
Спорт
Шкендија ги дозна противниците во Конференциската лига

Македонскиот шампион Шкендија ги дозна противниците во главната фаза во Конференциската лига.
Софтверот на УЕФА одреди Шкендија да игра дома со Слован Братислава, Јагиелонија и Шелбурн, а клубот од Тетово ќе гостува кај Рајо Ваљекано, Дрита, АЕК Ларнака.
Распоредот на натпреварите и станицата УЕФА ќе го објави во недела.
Првото коло е закажано за 2 октомври, а шестото коло ќе се игра на 18 декември. Првите осум екипи на крајот од лигашката фаза директно ќе влезат во осминафиналето од натпреварувањето, а екипите од 9-то до 24-то место ќе ја играат плеј-оф за пласман во осминафиналето.
Финалето на Конференциската лига ќе се игра на 27 мај во Лајпциг.
Foto/ dailysports.net