Белгискиот репрезентативец Еден Азар во летото 2019 година стана најскапиот играч во иисторијата што потпишал за Реал Мадрид. Тој за 115 милиони евра од Челси се пресели кај „кралевите“. Толкава сума издвоија за него сметајќи дека тој е наследникот на Кристијано Роналдо.

Две и пол години подоцна неговата вредност е шестпати помала. Не игра поради многуте повреди, во лоша форма е и има вишок килограми.

По доаѓањето на „Бернабеу“, одигра само 54 натпревари

Не е тајна дека кралскиот клуб сака да се откачи Белгиецот, пред сѐ, поради големата плата, но тешко е да се најде купувач за играч со толку високи примања, а кој за еден месец полни 31 година.

Шпанска „Марка“ пишува дека за белгискиот ас доаѓа нереална понуда, и тоа од клуб од неговата татковина – Вестерло, лидер на тамошната втора лига.
Сопственикот на клубот, извесен турски бизнисмен Октај Ерчан, вложува големи средства за клубот да влезе во првата лига, а претседателот на клубот изјави:

„Можам да речам дека Еден и јас сме пријатели. Кога играше за Лил, ми вети дека еден ќе заигра за Фенербахче. Вестерло се чини дека е потешко да го привлече Еден, но зошто овде да не ја заврши кариерата“.

Сепак, најверојатно, нема да ја заврши во Реал, барем според она што го вели актуелниот кормилар на клубот – Карло Анчелоти.

„Проблемот за Азар е што има тренер кој фаворизира други играчи“, вели Италијанецот.

Фудбалерот на Баерн Минхен, кој според многумина неправедно беше изоставен од наградата „Златна топка“, Полјакот Роберт Левандовски (33), по 11 години поминати во Бундеслигата, е блиску до заминување.

Најдобриот стрелец во сите лиги за минатата сезона побарал од својот менаџер Пиниха Захави да го однесе во Реал Мадрид, пишува угледниот шпански „Ас“.

За Левандовски уште од порано постоеше приказна дека сака по секоја цена да ја промени средината и пред крајот на кариерата да заигра во некоја од другите лиги, освен во Бундеслигата.

Полскиот голгетер уште од 2010 година е во Германија. Од тимот на Лех премина во Борусија Дортмунд, а 4 години подоцна премина во Баерн.

За Баварците има одиграно 349 меча со учинок од 319 гола и 67 асистенции.

Данскиот фудбалер Кристијан Ериксен им се врати на тренинзите. Тој индивидуално работи на терените на неговиот тим од младоста – дански Оденсе.

Ериксен не се појавил на зелениот терен уште од мечот против Финска на ЕУРО2020 кога се струполи на теренот, по доживеаниот срцев удар.

„Не контактираше и сега тренира сам. За него е природно, затоа што овде играше кога беше млад. Среќни сме што можевме да му излеземе во пресрет“ рече портпаролот на Оденсе.

Ериксен за тој клуб настапуваше до 2008 година, кога се пресели во Ајакс. Потоа следуваа епизоди во Тотенхем и во Интер.

Нему му е забранет настап во Италија поради дефибрилаторот кој му е вгрдаден, а од Интер велат дека му се отворени вратите да побара друг клуб.

Christian Eriksen has started training alone at Danish club Odense Boldklub, whom he represented as a teenager, as he continues his rehabilitation from suffering a cardiac arrest at Euro 2020.

Excellent news 👏🏻 pic.twitter.com/fouziowaPG

— BETWIZAD.COM🧙♂️_Webmaster (@OGBENI_BAMBAM) December 2, 2021