Спорт
Сопругите на Варди и Руни во „лута“ преписка на Твитер

Колин Руни, сопругата на легендата на англискиот фудбал, играчот на Ди Си јунајтед, Вејн Руни ја обвини Ребека Варди, сопругата на напаѓачот на Лестер, Џејми Варди дека „пушта“ приказни на таблоидот „Сан“ преку нејзиниот Инстаграм акаунт, предизвикувајќи „бура“ од реакции и преписка на Твитер, која секако беше следена внимателно од таблоидите.
Колин Руни ги блокирала сите освен еден акаунт кој може да го следи нејзиниот акаунт за да дознае кој ги известува „Сан“ за деталите на нејзиниот личен живот и во средата откри дека сфатила дека сопругата на Варди е единствената која можела да го направи ова.
„Неколку години некој кому му верував да ме следи на личниот Инстаграм акаунт постојано го информираше ’Сан’ за моите приватни постови и приказни. По долго време, знаев во кого се сомневав и решив да ги блокирам сите освен тој акаунт. Во последните пет месеци имаше многу приказни – за Мексико, за враќањето на ТВ и последната за поплавата во мојот подрум. Се работи за Ребека Варди“, напиша Руни.
This has been a burden in my life for a few years now and finally I have got to the bottom of it…… pic.twitter.com/0YqJAoXuK1
— Coleen Rooney (@ColeenRoo) October 9, 2019
Сопругата на ѕвездата на Лестер, пак, се правдаше дека нејзиниот акунт може да бил пристапен од некој друг.
„Како што ти кажав на телефон, беше подобро да ми се јавиш ако се сомневаш во мене. Никогаш не сум зборувала за тебе со бројните новинари. Во последните години различни луѓе имаа пристап до мојот Инстаграм. Не сакам да сум смешна, но не ми се потребни парите и тогаш зошто би продавала приказни за тебе? Вознемирена сум што реши да го правиш ова, посебно сега кога сум бремена“, напиша Ребека Варди, која најави судска разрешница.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
(Видео) Резервите му донесоа триумф на Арсенал во Билбао, дебитантот Унион го шокира ПСВ

Со гостински победи на Арсенал и дебитантот Унион Сен Жилоа, започна сезоната 2025/2026 во Лигата на шампионите.
Арсенал на „Сан Мамес“ во Билбао, не прикажа некоја спектакуларна игра, но успеа да го победи Атлетик.
Два гола постигнаа играчите од клупата за резерви. Мартинели по нецели 15 секунди откако влезе во игра во 72.минута погоди за 0:1. Конечниот резултат го постави Тросар во 87.минута. Резервите на Артета си поделија по една асистенција.
На „Филипс“ стадионот во Ајндховен, ПСВ доживеа шокантен пораз од Унион Сен Жилоа. Дека Белгијците се дојдени по победа во Ајндховен најави Дејвид во деветтата минута од пенал. Половина час подоцна слаломот на Ел Хаџ им донесе на гостите предност од два гола.
Точка на победата на гостите стави братот на фудбалерот на Ливерпул, Алексис Мекалистер, Кевин.
Честа на ПСВ ја спаси, Ван Бомел во 90.минута.
Спорт
Шејн Ларкин ја заврши репрезентативната кариера

Шејн Ларкин, кошаркарот на Ефес, одлучи повеќе да не го носи дресот на Турција.
Искусниот плејмејкер го водеше тимот на Ергин Атаман до сребрен медал на Евробаскетот, по што реши да стави крај на репрезентативната кариера.
Тој ја информираше јавноста за својата одлука на социјалните мрежи.
„Пред седум години се согласив да играм за Турција без никакви очекувања. А седум години подоцна, чувствувам дека ова е мојот втор дом. Начинот на кој ме прифативте и ме поддржавте не може да се опише со зборови. Иако не ја постигнавме главната цел, а тоа е златен медал, поддршката што ја добивме од целата земја значеше повеќе од само медал“, напиша Ларкин и додаде:
„Беше чест и привилегија да го носам овој дрес и да играм за Турција. Засекогаш ќе бидам еден од вас! Ве сакам од се срце“, заврши тој со зборови на турски.
Ларкин имаше просек од 11,6 поени и 5,1 асистенции на Европското првенство.
Спорт
Атлетико без најдобриот играч отпатува во Ливерпул

Ливерпул, утре, ќе го пречека Атлетико Мадрид во еден од најпривлечните натпревари во првото коло, во Лигата на шампионите.
„Јорганџиите“ ќе бидат хендикепирани на „Енфилд“, тренерот Диего Чоло Сименоне нема да може да смета на првиот напаѓач, Хулијан Алварез.
За време на викендот против Виљареал, Аргентинецот почувствува непријатност во коленото, беше заменет, а по лекарските прегледи беше одлучено да се одмори и да го прескокне дуелот со шампионите на Англија.
Во негово отсуство, нападот на Атлетико ќе го предводат Антоан Гризман и Александар Серлот.
Атлетико објави дека Тијаго Алмада, Алекс Баена и Хозе Марија Хименез ќе го пропуштат натпреварот со Ливерпул.
Натпреварот во Ливерпул ќе започне во 21:00 часот.