Манчестер сити го доби Лестер во последниот меч од саботната програма во Премиер лигата. Во 27 коло, на „Кинг Пауер“, Сити славеа со голот на Габриел Жесус.

Избраниците на Пеп Гвардиола беа подобри на терени и на крајот заслужено победија. Габриел Жесус голот за победа го постигна во 80 минута. Бразилецот три минути претходно влезе во игра на местото на Серхио Агуеро кој во 62 минута не успеа да реализира пенал.

Имаа свои шанси и фудбалерите на Лестер, а најдобрата ја пропушти Џејми Варди, кој во осмата минута го погоди дирекот.

Двата тима ги задржаа своите позиции на табелата, Сити се втори со 57 поени, а Лестер зад нив со 50.

Симона Халеп ја освои титулата на ВТА турнирот во Дубаи. Романката во финалето ја победи Елена Рибакина со 3/6, 6/3, 7/6.

Светската број 2 и талентираната тенисерка од Казахстан одиграа исклучителено квалитетен меч кој по два и пол часа борба и припадна на Халеп, иако Рибакина го доби првиот сет.

Клучен за мечот беше средишниот дел од вториот сет кога Рибакина успеа да го врати брејкот, а потоа при водство на Халеп од 4:3 не реалзиира две гем топки, дозволи Ромактата да направи нов бреј, а потоа и да го освои сетот.

Драматичен беше и третиот сет Рибакина имаше 3.1, Халеп направи ри-брејк, а потоа во 12 гем имаше и сервис за победа меѓутоа Казахстанката успеа да избори тај-брејк.

Во 13 игра пресуди искуството на Халеп која на тој начин стигна до 20 титула во кариерата.

Рибакина е новата ѕвезда на светскиот тенис и таа треба да биде задоволна од својот настап во Дубаи. На патот до финалето таа ги победи Синијакова, шампионката од Австралија опен Кени, Плишкова и Мартиќ.

She's the champion!@Simona_Halep takes the @ddftennis title in a tiebreak after a simply amazing match against Rybakina – 3-6, 6-3, 7-6(5)! pic.twitter.com/7ojq7yHtCS

— WTA (@WTA) February 22, 2020

Македонските натпреварувачи во Twingo Cup денеска го имаа првиот интернационален предизвик на патеката „Гробник“ во Хрватска на отворањето на новата сезона. Нашите возачи се покажаа во фантастично светло и имаа одлични резултати во конкуренција на дваесетина странски возачи.

Денеска на „Гробник“ се возеа две трки. Во првата трка, најдобар пласман од Македонците имаше ланскиот шампион Мартин Делев, кој финишираше на 11 место со вкупно време од 23:55,003 минути. Владимир Треневски беше 16-ти, Слободен Трајковски 18-ти, Ангелче Стојковски (21), Давид Малинковски (23), Емил Нацка (24) и Мартин Костовски (25) .

Втората трка, одличен пласман обезбеди Емил Нацка, кој го освои шестото место со време од 22:44,442 минути, веднаш по него Владимир Треневски – осми, Давид Малинковски 10-ти,Ангелче Стојковски 22-ри додека Мартин Делев го имаше петтото место, но поради проблем во последниот круг со контакт на бомбината не ја заврши трката.

Нашите возачи за прв пат ја возат оваа патека и се натпреваруваа со возачи од Италија и Словенија кои четири години возат и тренираат на истата патека.

Учество земаа:
•АКК Рено Спорт
•Кастум Кар
•АКК Свифт Рејсинг

Тркачкиот викенд на „Гробник“ продолжува утре (23 февруари). На програмата во утринските часови се предвидени тренинзи, квалификациите се од 10 до 11 часот, а потоа следува и четири часовна трка во издржливост.

(ПР текст)